ប្រព័ន្ធបញ្ជាដោយស្វ័យប្រវត្តិ SmartHome ហាក់កំពុងមានការចាប់អារម្មណ៍ច្រើន

ក្នុងសម័យបច្ចេកវិទ្យានេះ អ្វីៗហាក់មានការអភិវឌ្ឍច្រើនទៅតាមរំហូរបច្ចកវិទ្យា និងប្រព័ន្ធឌីជីថល មិនថាក្នុងការងារ ការធ្វើដំណើរ ឬក្នុងការរស់នៅប្រចាំថ្ងៃនោះទេ។ ក្នុងនោះ អាជីវកម្មក្នុងស្រុកមួយបានផលិតប្រព័ន្ធបញ្ជាដោយស្វ័យប្រវត្តិនូវគ្រឿងអេឡិចត្រូនិកក្នុងផ្ទះដែលអាចបញ្ជាបានពីចម្ងាយ បង្កភាពងាយស្រួល និងផ្ដល់នូវសុវត្ថិភាពក្នុងគ្រួសារ។

គំនិត (Khomnit) ជាយីហោអាជីវកម្មបែបបច្ចេកវិទ្យាមួយប្រភេទដែលត្រូវបានគេស្គាល់ដោយសារការផលិតជាសម្ភារលេងកម្សាន្តក្នុងរូបភាពជាយន្តហោះបញ្ជាតូចៗ ។ ប៉ុន្តែកាលពីពេលថ្មីៗនេះ អាជីវកម្មបច្ចេកវិទ្យាមួយនេះបានចេញលក់ឧបករណ៍ថ្មីរបស់ខ្លួនមួយប្រភេទដែលមានឈ្មោះថា SmartHome ជាឧបករណ៍មានសមត្ថភាពអាចបញ្ជាបានពីចម្ងាយនូវគ្រឿងអេឡិចត្រូនិកក្នុងផ្ទះ មិនថាទាក់ទងនឹងប្រព័ន្ធអគ្គិសនី អំពូលភ្លើង ប្រព័ន្ធទឹក ឬសញ្ញាប្រកាសអាសន្នផ្សេងៗបើទោះបីម្ចាស់ផ្ទះមិននៅក៏អាចបញ្ជាបានតាមរយៈកម្មវិធីក្នុងទូរស័ព្ទដៃបានដែរ។   

លោក ជឿន ចននី ជាស្ថាបនិក គំនិត បានមានប្រសាសន៍ថា ៖

«យើងបង្កើត SmartHome នេះឡើងដោយសារឃើញពីបញ្ហាដែលបបងប្អូនយើងភាគច្រើនភ្លេចបិទទឹក និងបិទភ្លើងមុនពេលចាកចេញពីផ្ទះ ដែលធ្វើឱ្យគាត់ខ្ជះខ្ជាយច្រើន និងអាចបង្កជាហានិភ័យផ្សេងៗបាន ណាមួយប្រព័ន្ធស្វ័យប្រវត្តិនេះនឹងក្លាយជាប្រព័ន្ធដែលគេមិនអាចខ្វះបាននៅពេលអនាគតក្នុងការបង្កើនសុវត្ថិភាពក្នុងផ្ទះ»។

សម្រាប់ផលិតផលរបស់យើងមានតម្លៃ ៣៥ដុល្លារចំពោះដុំប្រព័ន្ធបញ្ជា ហើយគេអាចទាញយកកម្មវិធីក្នុងទូរស័ព្ទដើម្បីភ្ជាប់ក្នុងការប្រើប្រាស់ ឯគ្រឿងដែលគេចង់បំពាក់ផ្សេងទៀតដូចជាកុងតាក់ គេអាចទិញថែមក្រៅបាន។​ ក្នុងដុំប្រព័ន្ធមួយនេះទៀតសោត គេអាចភ្ជាប់បានចំនួន ៤ឧបករណ៍ផ្សេងៗគ្នាអាស្រ័យលើអ្នកប្រើប្រាស់ ថាតើចង់ភ្ជាប់ជាមួយ វ៉ានទឹក ៗរុំប៊ីណេទឹក ឌីសុងទ័រ ឬអំពូល ដែលគេអាចបញ្ជាបិទ ឬបើកបាន ទោះបីនៅឆ្ងាយពីផ្ទះក៏ដោយ។

គួររំឭកដែរថា លោក ជឿន ចននី និងក្រុមការងារបានចាប់ផ្ដើមសិក្សាស្រាវជ្រាវ SmartHome នេះតាំងពីឆ្នាំ២០១៥ ហើយទើបតែទទួលបានជោគជ័យ និងដាក់លក់ជាផ្លូវការនៅដើមឆ្នាំ២០២៤នេះប៉ុណ្ណោះ។ ដោយឡែកថ្ងៃអនាគត ស្ថាបនិកអាជីវកម្ម គំនិត មួយនេះ គ្រោងនឹងសុំគិច្ចសហការជាមួយខាងអាជ្ញាធរភូមិ ឃុំ នានា ដើម្បីដំឡើងប្រព័ន្ធសុវត្ថិភាពនេះ ក៏ដូចជាមានការអភិវឌ្ឍសមត្ថភាពបន្ថែមទៀតក្នុងត្រួតពិនិត្យនូវការលេចធ្លាយហ្គាស ត្រួតពិនិត្យការឆ្លងចរន្តខ្សែភ្លើង ក៏ដូចជាការពិនិត្យគុណភាពខ្សែភ្លើង និងគ្រឿងបរិក្ខារក្នុងផ្ទះទាំងអស់ផងដែរ ដែលធ្វើយ៉ាងណាអាចកាត់បន្ថយហានិភ័យក្នុងផ្ទះឱ្យបានទាបបំផុត៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក