សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នវានុវត្ត ៖ ការប្រើប្រាស់បច្ចេកវិទ្យាឆ្លាតវ៉ៃ ឬ AI មកដល់ពេលបច្ចុប្បន្ននេះហាក់ដូចជាមិនមានភាពថមថយឡើយ ហើយកំពុងបន្តវិវត្តខ្លួនទៅក្នុងគ្រប់វិស័យ និងសកម្មភាពទាំងអស់របស់ពិភពលោក ចាប់តាំងពីវិស័យឧស្សាហកម្មទៅដល់វិស័យហិរញ្ញវត្ថ និងសូម្បីតែកសិកម្ម។
AI ក្នុងវិស័យកសិកម្មមានកម្មវិធីផ្សេងៗគ្នាជាច្រើន ដែលក្នុងនោះគោលបំណងសំខាន់ៗ គឺមានដូចជា ការបង្កើនប្រសិទ្ធភាពនៃផលិតកម្មដំណាំ ការធ្វើកសិកម្មច្បាស់លាស់ ការត្រួតពិនិត្យរបាយការណ៍រនៃការចិញ្ចឹមសត្វ ការវិភាគដោយប្រើប្រាស់យន្តហោះដ្រូន រ៉ូបូតកសិកម្ម ព្រមទាំងប្រព័ន្ធនៃការការគ្រប់គ្រងកម្លាំងពលកម្មទៀតផង ហើយជាលទ្ធផលបច្ចេកវិទ្យាសិក្សាស៊ីជម្រៅទាំងនេះពិតជាអាចជួយជំរុញដល់គុណភាព និងកំណើនទីផ្សារកសិកម្មបានយ៉ាងល្អប្រសើរ។
ជាឧទាហរណ៍ជាក់ស្តែងមួយក្នុងចំណោមបច្ចេកវិទ្យាសំខាន់ៗ ដែលកំពុងប្រតិបត្តិការនៅក្នុងវិស័យសកម្ម Verdant Robotics ដែលមានមូលដ្ឋាននៅក្នុងប្រទេសអាមេរិក កំពុងតែបានបង្ហាញសមត្ថភាពយ៉ាងអស្ចារ្យ ដោយអាចជំនួសការងាររបស់មនុស្សបានស្ទើរ ១០០ ភាគរយ រាប់ចាប់តាំងតែពីត្រាក់ទ័រ ដែលមិនមានមនុស្សបើករហូតទៅដល់ប្រព័ន្ធធ្វើការស្មុគ្រស្មាញ ដែលអាចវិភាគពីទិន្នផលនៃគុណភាពដំណាំ និងការសម្រេចចិត្តសំខាន់ៗនៅក្នុងដំណាក់កាលដាំដុះ រហូតទៅដល់ការប្រើប្រាស់ដ្រូនសម្រាប់ស្រោចស្រពផង។
បច្ចុប្បន្ន Verdant Robotics បានដំណើរការបច្ចេកវិទ្យា AI ដែលអាចសំលាប់សត្វល្អិតមានគុណភាពដល់ទៅ ៩៥ ភាគរយ និងប្រើប្រាស់តែជីគិមី ឬសារធាតុគិមីក្នុងចំនួនតិចបំផុត ធៀបទៅនឹងការធ្វើដំាំដុះតាមបែបេប្រពៃណី។ ឧបករណ៍បច្ចេកវិទ្យារបស់ខ្លួន ដែលត្រូវបានបំពាក់ទៅលើត្រាក់ទ័រមិនមានមនុស្សបើក មិនត្រឹមតែប៉ុណ្ណោះអាចធ្វើការស្កេនបានជាមួយនឹងស្ទើរទៅនឹងគ្រប់រុក្ខជាតិនីមួយៗ ក្នុងពេលដែលវាធ្វើដំណើរឆ្លងកាត់ចំការ ដែលមុខងារនេះអាចឱ្យប្រព័ន្ធត្រួតពិនិត្យទាំងមូលអាចធ្វើការសម្រេចចិត្តថា ពេលណា ឬដំណាំមួយណាដែលត្រូវប្រើប្រាស់ជីគិមី ឬមិនចាំបាច់។
រ៉ូបូតរបស់ Verdant Robotics អាចធ្វើការត្រួតពិនិត្យទៅលើរុក្ខជាតិដល់ទៅ ២០ ដើមក្នុងមួយវិនាទី ឬប្រមាណជា ៥០ ម៉ឺនដើមក្នុងមួយម៉ោង និងធ្វើការសម្រេចចិត្តថាត្រូវប្រើប្រាស់ជីគិមី ឬថ្នាំសម្លាប់ល្អិត ដោយផ្ទាល់តែទៅលើរុក្ខជាតិមួយណា ដែលត្រូវការចាំប៉ុណ្ណោះភ្លាមៗមិនចាំបាច់រងចាំយូរនោះឡើយ។ តាមរយៈនេះ យើងអាចសន្និដ្ឋាន និងព្យាករណ៍បានថា បច្ចេកវិទ្យា AI នាពេលអនាគតនឹងបន្តកែលម្អគុណភាពឱ្យកាន់តែល្អប្រសើរឡើងនៃការប្រមូលផលរួម និងភាពត្រឹមត្រូវ មិនត្រឹមតែប៉ុណ្ណោះ សូម្បីតែការស្វែងរកមើលបញ្ហានៃរុក្ខជាតិ និងដំណាំគ្រប់ប្រភេទ ការការពារសត្វល្អិត និងកំណត់គោលដៅនៃប្រតិបត្តិការដាំដុះទាំងមូល ដោយមិនចាំបាច់ប្រើប្រាស់កម្លាំងពលកម្មច្រើនឡើយក្រៅតែពីម៉ាស៊ីនស្វ័យប្រវត្តិសុទ្ធសាធ៕
Account
Security
Favourite Content