សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការលើកកម្ពស់ជីវភាពរស់នៅរបស់បងប្អូនប្រជាពលរដ្ឋនៅក្នុងមូលដ្ឋាន ក៏ជាសមរភូមិមួយរបស់ក្រសួងរៀបចំដែនដី នគរូបនីយកម្ម និងសំណង់ ដោយក្រសួង នឹងបន្តកិច្ចសហការយ៉ាងជិតស្និទ្ធជាមួយបណ្ដាក្រសួង និងស្ថាប័ននានាដែលពាក់ព័ន្ធ ដើម្បីលើកកម្ពស់កម្រិតជីវភាពរស់នៅរបស់ពលរដ្ឋឱ្យកាន់តែប្រសើរជាងមុន។
ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍ថា គ្រាមុន ក្រសួងដែនដី បានផ្ដោតលើការងាររៀបចំដែនដី នគរូបនីយកម្ម និងសំណង់ ប៉ុន្តែមកដល់បច្ចុប្បន្ននេះ ក្រសួងបានបន្ថែមការងារថ្មីមួយទៀតទៅតាមអ្វីដែលជាតម្រូវការរបស់ប្រជាពលរដ្ឋ ។ ជាក់ស្ដែង ក្រសួងរៀបចំដែនដី នគរូបនីយកម្ម និងសំណង់ មានក្រុមការងារមួយដែលទទួលបន្ទុកការងារចិញ្ចឹមសត្វសម្រាប់ជាជំនួយដល់បងប្អូនប្រជាពលរដ្ឋ ទាំងផ្នែកផ្តល់ពូជចិញ្ចឹម បច្ចេកទេសចិញ្ចឹម និងថែទាំ។
ឯកឧត្តមបន្តថា ៖
«កន្លងមកសម្ដេចអគ្គមហាសេនាបតីតេជោ ហ៊ុន សែន ធ្លាប់បានណែនាំឱ្យកែប្រែសក្ដានុពលទឹកដីរបស់កម្ពុជាឱ្យមានគុណតម្លៃ ដើម្បីកែប្រែជីវភាពរបស់ប្រជាជនកម្ពុជានៅក្នុងមូលដ្ឋាន ដូច្នេះហើយក្នុងនាមជាថ្នាក់ដឹកនាំក្រសួងដែនដី ត្រូវធ្វើម៉េចដើម្បីឆ្លើយតបទៅនឹងទស្សនវិស័យរបស់សម្ដេច ។ ក្រសួងដែនដីមានក្រុមការងារជាច្រើនទទួលបន្ទុកលើការងារផ្សេងៗគ្នា ក្នុងនោះក៏មានក្រុមការងារទទួលបន្ទុករៀបចំដែនដី ដូចជាការរៀបចំភូមិឋានរបស់ប្រជាពលរដ្ឋឱ្យមានរបៀបរៀបរយ និងមានសណ្ដាប់ធ្នាប់»។
ដោយឡែក ការងារកសិកម្មដែលជាប្រភពចំណូលសំខាន់របស់ពលរដ្ឋក្នុងមូលដ្ឋាន ក៏ត្រូវបានថ្នាក់ថដឹកនាំយកចិត្តទុកដាក់ដែរ ដោយក្រសួងរៀបចំដែនដី សហការជាមួយក្រសួងកសិកម្ម រុក្ខាប្រមាញ់ និងនេសាទ, ក្រសួងធនធានទឹក និងឧត្តុនិយម, ក្រសួងសាធារណការ និងដឹកជញ្ជូន, ក៏ដូចជាក្រសួងអភិវឌ្ឍន៍ជនបទជាដើម ។
ឯកឧត្តមបញ្ជាក់ថា ៖
« ការងារទាំងនេះ ត្រូវតែរួមគ្នាធ្វើទើបអាចសម្រេចបាន ដោយមិនធ្វើតែម្នាក់ឯងនោះឡើយ ដូច្នេះហើយទើបត្រូវមានកិច្ចសហការ និងធ្វើការងាររួមគ្នា ដើម្បីឱ្យការរស់នៅរបស់ពលរដ្ឋកាន់តែប្រសើរ។ ជាជំហានដំបូង យើងត្រូវរួមគ្នារៀបចំលើដីសម្បទានសង្គមកិច្ចជាមុន ដោយធ្វើយ៉ាងណាឱ្យបងប្អូនពលរដ្ឋជាអតីតយុទ្ធជនរស់នៅ និងមានជីវភាពល្អប្រសើរ ។ ក្រៅពីការរៀបចំផ្ទះសម្បែង និងភូមិឋានបានល្អ ក្រសួងក៏ត្រូវយកចិត្តទុកដាក់លើរចនាសម្ព័ន្ធ ដូចជាសាលារៀន មន្ទីរពេទ្យក្នុងសហគមន៍ផងដែរ។ »។
នៅក្នុងឱកាសជាមួយគ្នានវ ឯកឧត្តមឧបនាយករដ្ឋមន្ត្រី សាយ សំអាល់ ក៏បានណែនាំឱ្យមន្ត្រីដែលជាថ្នាក់ដឹកនាំក្រសួងដែនដី រៀបចំថវិកា ហើយបង្វែរទិសពីគម្រោងផ្សេងៗ មកផ្ដោតលើគម្រោងដីសម្បទានសង្គម ដែលបង្ហាញពីការយកចិត្តទុកដាក់ចំពោះអតីតយុទ្ធជនរបស់កម្ពុជា ដែលជាអ្នកមានគុណក្នុងកិច្ចការពារជាតិរបស់យើង៕
Account
Security
Favourite Content