សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចាប់តាំងពីការកកើតនៃរាជរដ្ឋាភិបាលថ្មីអាណត្តិទី៧នៃរដ្ឋសភា ក្រសួងរៀបចំដែនដី នគរូបនីយកម្ម និងសំណង់ បានព្យាយាមជួយសម្របសម្រួល និងផ្សះផ្សារវិវាទរវាងអតិថិជន និងម្ចាស់បុរីចំនួន៣ធំៗ នៅក្នុងប្រទេសកម្ពុជា ក្នុងនោះមានបុរី ម៉ន ដានី , បុរី VIP និងបុរី ឡេង ណាវាត្រា ។ នេះបើតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ ចេញផ្សាយកាលពីពេលថ្មីៗនេះ ។
ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ក្រសួងបានដោះស្រាយ និងទទួលបានលទ្ធផលសះជានឹងគ្នា ក្រោមការសម្របសម្រួលរបស់និយ័ករអចលនវត្ថុ និងបញ្ចាំ និងក្រសួងយុត្តិធម៌ ចំពោះបុរី ម៉ន ដានី ។ ដោយឡែកសម្រាប់បុរី VIP ក៏ក្រសួងបានសម្របសម្រួល និងផ្សះផ្សារ ដោយទទួលបាននូវលទ្ធផលប្រសើរមួយចំនួន ក្នុងនោះចំពោះបណ្ណដីដែលមិនជាប់បន្ទុក ក្រុមហ៊ុននឹងធ្វើការផ្ទេរសិទ្ធិជូនអតិថិជន ហើយបណ្ណដីដែលជាប់បន្ទុកដោយបានចុះបញ្ជីហ៊ីប៉ូតែក រដ្ឋបាលរាជធានីភ្នំពេញនឹងបន្តដឹកនាំប្រជុំជាមួយភាគីទាំង៣ (ម្ចាស់បំណុល ដែលបានចុះបញ្ជីហ៊ីប៉ូតែក ក្រុមហ៊ុន និងអតិថិជន ) ដើម្បីបន្តសម្របសម្រួល រកដំណោះស្រាយ ។ ចំពោះក្បាលដី និងផ្ទះដែលក្រុមហ៊ុនបានដោះស្រាយជាមួយម្ចាស់បំណុលរួច រដ្ឋបាលរាជធានីនឹងធ្វើសំណើទៅតុលាការ ដើម្បីលុបដីការរក្សាការពារ និងចាត់ចែងបន្ត ។ ក្រសួងក៏នឹងបន្តពិភាក្សាលម្អិតលើករណីអតិថិជនបានបង់ប្រាក់រួចរាល់ ប៉ុន្តែក្រុមហ៊ុនមិនទាន់បញ្ចប់ការសាងសង់ ។
ចំណែក បុរី ឡេង ណាវាត្រា ក្រសួងរៀបចំដែនដី នគរូបនីយកម្ម និងសំណង់ ក៏បានដោះស្រាយជាមួយលទ្ធផលដែលអតិថិជន និងបុរីទទួលយកបាន ក្នុងនោះក្រសួងបានបញ្ជាក់ថា ក្រុមហ៊ុន ឡេង ណាវាត្រា បាន និងកំពុងធ្វើអាជីវកម្មអភិវឌ្ឍលំនៅឋាន និងដីឡូត៏នៅភូមិសាស្ត្រចំនួន៨ រួមមាន រាជធានីភ្នំពេញ ខេត្តកណ្ដាល ខេត្តកំពង់ស្ពឺ ខេត្តព្រះសីហនុ ខេត្តកំពង់ចាម ខេត្តសៀមរាប ខេត្តបាត់ដំបង និងខេត្តកំពង់ឆ្នាំង ។
បើតាមការបញ្ជាក់ក្នុងរបាយការណ៍របស់ក្រសួងរៀបចំដែនដីបានឱ្យដឹងថា ក្រុមហ៊ុន ឡេង ណាវាត្រា បាន និងកំពុងធ្វើអាជីវកម្មអភិវឌ្ឍន៍លំនៅឋានចំនួន១១គម្រោង ស្មើនឹង១៤ ០៧០ផ្ទះ និងលក់ចេញបាន ៩ ០៦៦ផ្ទះ ស្មើនឹង៦៥ភាគរយ ប៉ុន្តែមានតែ ៣គម្រោងប៉ុណ្ណោះដែលមានអាជ្ញាបណ្ណពីនិយ័តករអាជីវកម្ម អចលនវត្ថុ និងបញ្ចាំ ។
របាយការណ៍ដដែលបានបង្ហាញថា ដោយបានពិនិត្យ និងវិភាគអំពីហានិភ័យចំពោះការអភិវឌ្ឍន៍គម្រោងលំនៅឋាន និងដីឡូត៏របស់ក្រុមហ៊ុន ឡេង ណាវាត្រា និយ័តករអាជីវកម្មអចលនវត្ថុ និងបញ្ចាំ ស្នើសុំកិច្ចសហការពីក្រសួងរៀបចំដែនដី នគរូបនិងសំណង់ ដោយសុំពិនិត្យលើវឌ្ឍនភាពនៃការបង្រួមក្បាលដី ស្វែងរកអត្តសញ្ញាណនៃម្ចាស់ដើមនៅតាមទីតាំងគម្រោងនីមួយៗដែលនិយ័តករអាជីវកម្មអចលនវត្ថុ និងបញ្ចាំមិនទាន់អាចកំណត់អត្តសញ្ញាណ ។
និយ័តករអាជីវកម្មក៏បានស្នើសុំក្រសួងផ្អាកការធ្វើចរន្តការផ្ទេរសិទ្ធិចំពោះគម្រោងអភិវឌ្ឍលំនៅឋាន និងដីឡូត៏ទាំងអស់ខាងលើរបស់ក្រុមហ៊ុន បុរី ឡេង ណាវាត្រា និងទប់ស្កាត់ការដាក់ហ៊ីប៉ូតែកចំពោះអចលនទ្រព្យទាំង២៣គម្រោង៕
Account
Security
Favourite Content