សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តីដឹកនាំប្រទេសបានអះអាងជាថ្មីម្តងទៀតថា រាជរដ្ឋាភិបាលកម្ពុជាសូមប្តេជ្ញាចិត្តបន្តគាំទ្រអនុវត្តកម្មវិធីសកម្មភាព នៃសន្និសីទអន្តរជាតិស្តីពី ប្រជាជននិងអភិវឌ្ឍន៍សំដៅសម្រេចឲ្យបាននូវគោលដៅអភិវឌ្ឍន៍ប្រកបដោយចីរភាពសកលឆ្នាំ២០៣០ ក៏ដូចជាគោលដៅអភិវឌ្ឍន៍ប្រកបដោយចីរភាពកម្ពុជា ដែល មិនទុកចោលនរណាម្នាក់(Leaving no one Behind) ដើម្បីសុខុមាលភាពរបស់កូនចៅជំនាន់ក្រោយរបស់យើងឆ្ពោះទៅរកអនាគតមួយដែលមានភាពធន់ដើម្បីចាប់យកឱកាស និងធានាសិទ្ធិ និងជម្រើសសម្រាប់ទាំងអស់គ្នា។
សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ថ្លែងក្នុងឱកាសទិវាប្រជាជនពិភពលោកលើកទី៣៣, ១១ កក្កដា ឆ្នាំ២០២២ នៅសណ្ឋាគារ កាំបូឌីយ៉ាណាថា នៅក្នុងបរិបទពិភពលោកដែលមានការវិវត្តយ៉ាងលឿន និងពិបាកប៉ាន់ស្មានបានដូចពេលបច្ចុប្បន្ននេះ សម្រាប់កម្ពុជា សូមផ្តល់នូវការណែនាំដូចខាងក្រោម៖
ទី១- បន្តកសាងភាពធន់សង្គម ដោយបន្តពង្រឹងប្រព័ន្ធសុខាភិបាល និងប្រព័ន្ធគាំពារសង្គម ដើម្បីត្រៀមលក្ខណៈទប់ទល់នឹងវិបត្តិនានាដែលអាចកើតមានជាយថាហេតុនាពេលអនាគត។
ទី២- ធ្វើអាទិភាពភាវូបនីយកម្មនៃការចំណាយសាធារណៈដោយផ្តោតទៅលើវិស័យដែលមានការពាក់ព័ន្ធដោយផ្ទាល់ទៅនឹងគោលដៅអភិវឌ្ឍន៍ប្រកបដោយចីរភាព ជា-ពិសេស អប់រំ សុខាភិបាល គាំពារសង្គម កសិកម្ម និងហេដ្ឋារចនាសម្ព័ន្ធ។
ទី៣- គ្រប់ក្រសួង ស្ថាប័នពាក់ព័ន្ធទាំងអស់របស់រាជរដ្ឋាភិបាល ត្រូវបន្តពង្រឹងកិច្ចសហ-ការ និងកិច្ចសហប្រតិបត្តិការក្នុងភាពជាដៃគូល្អ ជាមួយនឹងដៃគូអភិវឌ្ឍន៍ អង្គការសង្គមស៊ីវិល និងអ្នកមានចំណែកពាក់ព័ន្ធផ្សេងៗទៀត ក្នុងការជំរុញការអនុវត្តកម្មវិធីសកម្មភាព នៃសន្និសីទអន្តរជាតិស្តីពីប្រជាជននិងអភិវឌ្ឍន៍ សំដៅសម្រេចបានជោគជ័យគោលដៅអភិវឌ្ឍន៍ប្រកបដោយចីរភាពសកល និងគោលដៅអភិវឌ្ឍន៍ប្រកបដោយចីរភាពកម្ពុជា។
ទី៤- ក្រសួងផែនការ តាមរយៈអគ្គលេខាធិការដ្ឋានប្រជាជននិងការអភិវឌ្ឍ ត្រូវបន្តរៀបចំទិវាប្រជាជនពិភពលោកនេះឲ្យបានទៀងទាត់ ដោយសហការជាមួយនឹងដៃគូពាក់ព័ន្ធ ជាពិសេសអង្គការ UNFPA ដើម្បីបញ្ចាក់ពីការប្តេជ្ញាចិត្ត និងការទទួលខុសត្រូវខ្ពស់របស់រាជរដ្ឋាភិបាលកម្ពុជា ក្នុងការដោះស្រាយបញ្ហាប្រជាជន និងការលើកម្ពស់សុខុមាលភាពរបស់ប្រជាជន ជាពិសេស សុខភាពបន្តពូជ របស់ស្រ្តីនិងក្មេងស្រ្តី។
ជាមួយគ្នានេះ សម្ដេចបានបញ្ជាក់ផងដែរថា ក្រសួងមហាផ្ទៃ នឹងបន្តគាំទ្រនិងពង្រឹងកិច្ចសហការជាមួយនឹងក្រសួងផែនការ និងក្រសួងស្ថាប័នពាក់ព័ន្ធ ជាពិសេស គណៈ-កម្មាធិការពិសេសតាមដានការអនុវត្តកម្មវិធីសកម្មភាព នៃសន្និសីទអន្តរជាតិស្តីពីប្រជាជននិងអភិវឌ្ឍន៍ ដោយគ្រប់អភិបាលនៃគណៈអភិបាលរាជធានី ខេត្ត ដែលជាប្រធានគណៈកម្មាធិការប្រជាជននិងអភិវឌ្ឍន៍រាជធានី ខេត្ត ត្រូវសហការជិតស្និតជាមួយនឹងក្រសួងផែនការ ក្រសួងស្ថាប័នពាក់ព័ន្ធ ជាពិសេស មន្ទីរពាក់ព័ន្ធថ្នាក់ក្រោមជាតិ ដើម្បីរួមគ្នាសម្រេចបាននូវគោលដៅសូន្យបី គឺ៖ (១) លុបបំបាត់ឱ្យអស់(សូន្យ)នូវតម្រូវការផែនការគ្រួសារមិនបានឆ្លើយតប, (២) លុបបំបាត់ឱ្យអស់(សូន្យ)នូវមរណភាពមាតាដែលអាចការពារបាន, និង (៣) លុបបំបាត់ឱ្យអស់(សូន្យ)នូវអំពើហិង្សានិងការរើសអើងទាក់ទងនឹងយេនឌ័រ។
សម្ដេចក៏បានអំពាវនាវដល់ប្រទេសនានា មេត្តាទទួលយកទស្សនៈពហុសណ្ឋាននៃវឌ្ឍនៈភាព ជំរុញសហប្រតិបត្តិការដែលអាចអនុវត្តបានក្នុងផ្នែកសន្តិសុខស្បៀង, កាត់បន្ថយភាពងាយរងគ្រោះចំពោះតម្លៃប្រេងឥន្ទនៈ និងពន្លឿនអន្តរកាលឆ្ពោះទៅថាមពលកកើតឡើងវិញ ក៏ដូចជាធ្វើឲ្យប្រសើរឡើងនូវសមត្ថភាពនៃប្រទេសយើងនិមួយៗ ដើម្បីឆ្លើយតបបានទៅនឹងវិបត្តិនិងភាពអាសន្នទាំងឡាយ ដើម្បីកសាងសង្គមរីកចម្រើនរុងរឿងនិងធន់នឹងវិបត្តនានា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម
ក្រុមហ៊ុនអុិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មី និងបង្ហាញពីផែនការឆ្ពោះទៅរកភាពរីកចម្រើន
ព្រឹត្តិការណ៍, អត្ថបទពាណិជ្ជកម្ម
• 08/04/2026
ក្រុមហ៊ុនអ៊ិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មីនិងបង្ហាញពីផែនការឆ្ពោះទៅរកភាពរីកចម្រើននៅដំណាក់កាលបន្តបន្ទាប់នាពេលអនាគត។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សម្ដេចធិបតី ៖ គោលការណ៍អាទិភាពរបស់រាជរដ្ឋាភិបាល គឺបញ្ហាទឹកដី និងប្រជាជន
កម្មវិធីថ្នាក់ជាតិ ស្ដីពី«ប័ណ្ណជំនាញសម្រាប់សេដ្ឋកិច្ចក្រៅប្រព័ន្ធ» ត្រូវបានដាក់ឱ្យអនុវត្តជាផ្លូវការ
Account
Security
Favourite Content