សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ច្រកសមុទ្រកោះតៃវ៉ាន់ Taiwan Strait ដែលមានប្រវែងត្រឹមតែ១៨០គីឡូម៉ែត្រ ជាច្រកដ៏តូចចង្អៀតបំផុត ហើយក៏ជាច្រកបែងចែកទឹកដីរវាងមហាយក្សចិននិងកោះតៃវ៉ាន់ ខណៈដែលរដ្ឋាភិបាលក្រុងប៉េកាំងតែងតែអះអាងថាវាស្ថិតនៅក្រោមដែននៃការគ្រប់គ្រងរបស់ខ្លួនដូចទៅនឹងដែនកោះតៃវ៉ាន់ទាំងមូលផង។
ជាមួយគ្នានេះ Taiwan Strait ក៏ជាច្រកសម្រាប់ដឹកជញ្ជូនទំនិញដ៏សំខាន់របស់ទីផ្សារសកលលោកដោយប្រហែលជាពាក់កណ្តាលនៃនាវាដឹកទំនិញរបស់ពិភពលោកតែងតែធ្វើដំណើរឆ្លងកាត់ទីនេះ លើកលែងតែនាវាចម្បាំង និងនាវាយោធាផ្សេងទៀតប៉ុណ្ណោះដែលមិនងាយមានវត្តមាន ពីព្រោះថាវាអាចនឹងមានការប្រឈមមុខដាក់គ្នាជាមួយនឹងចិន ឬភាគីខាងកោះតៃវ៉ាន់។
ថ្មីៗនេះ កំដៅរវាងក្រុងប៉េកាំង និងក្រុងតៃប៉ិ បានឈានទៅដល់ការចូលរួមពាក់ព័ន្ធជាមួយនឹងសម្ព័៍ន្ធមិត្តលោកខាងលិចគាំទ្រដោយសហរដ្ឋអាមេរិកដោយក្នុងនោះ ទាំងអាមេរិកក្តី ទាំងកាណាដាក្តី និងបណ្តាប្រទេសមួយចំនួនទៀតបានបញ្ជូននាវាចម្បាំងជាច្រើនធ្វើដំណើរឆ្លងកាត់ច្រកសមុទ្រដ៏តូចចង្អៀតនេះដោយមិនខ្វល់ទៅនឹងប្រតិកម្មរបស់ចិនឡើយ។ ជាពិសេស កាលពីពេលថ្មីៗនេះ នាវាចម្បាំងរបស់អាល្លឺម៉ង់ចំនួន២បន្ថែមទៀត កំពុងរង់ចាំការចេញបញ្ជាពីរដ្ឋាភិបាលក្រុងប៊ែរឡាំងដើម្បីអាចធ្វើដំណើរឆ្លងកាត់ទីនេះដែរ។
យោងតាមការបញ្ជាក់ដោយមេបញ្ជាការនៃនាវាចម្បាំងអាល្លឺម៉ង់បានឲ្យដឹងថា ពួកគេនឹងបន្តរង់ចាំបញ្ជាថា តើនាវាទាំង ២ នេះ អាចធ្វើដំណើរឆ្លងកាត់បាន ឬយ៉ាងណានៅខែក្រោយនេះ។ ការឆ្លងកាត់ច្រកសមុទ្រកោះតៃវ៉ាន់ដោយនាវាចម្បាំងរបស់លោកខាងលិចគឺមិនមានជារឿងកើតឡើងញឹកញាប់នោះទេ ជាក់ស្តែងដូចជាអាល្លឺម៉ង់ជាដើម។ រដ្ឋាភិបាលប៊ែរឡាំងធ្លាប់បានបញ្ជាឲ្យនាវាចម្បាំងឆ្លងកាត់ទីនេះបានម្តងប៉ុណ្ណោះកាលពី២០ឆ្នាំមុន ហើយមិនដែលមានសកម្មភាពបែបនេះកើតឡើងម្តងទៀតនៅឡើយរហូតមកទល់ពេលនេះ។
គួរឲ្យដឹងដែរថា នាវាទាំង ២ ដែលកំពុងត្រៀមចរាចរណ៍របស់អាល្លឺម៉ង់ បើតាមផែនការក៏នឹងត្រូវចូលសុំចតនៅជប៉ុននាថ្ងៃអង្គារសប្ដាហ៍នេះ ហើយបន្ទាប់មកនៅកូរ៉េខាងត្បូង មុនពេលដែលត្រូវធ្វើដំណើរឆ្លងកាត់ច្រកសមុទ្រកោះតៃវ៉ាន់ក្នុងគោលបំណងធំគឺដើម្បីចូលរួមសមយុទ្ធយោធាទ្រង់ទ្រាយធំមួយដែលមានការចូលរួមដោយបារាំង, ឥណ្ឌូនេស៊ី, អ៊ីតាលី, ជប៉ុន, ម៉ាឡេស៊ី, សិង្ហបុរី, ហ្វីលីពីន និងសហរដ្ឋអាមេរិក។
គួររំលឹកថា រដ្ឋាភិបាលក្រុងប៉េកាំងកន្លងមកតែងតែបានប្រកាស និងព្រមានប្រឆាំងទៅនឹងរាល់សកម្មភាពដែលអាចបង្ក និងបំផ្លាញអធិបតេយ្យភាព សន្តិសុខនៃទឹកដីរបស់ប្រទេសចិន ក្រោមរូបភាពសេរីភាពនៃការធ្វើនាវាចរណ៍បែបនេះ៕
Account
Security
Favourite Content