នៅទីបំផុត ពេលវេលាដែលពិភពលោករង់ ចាំជាយូរមកហើយនោះចំពោះបច្ចេកវិទ្យារថយន្តដែលអាចហោះហើរបានឬ Flying Car នឹងអាចបង្ហាញវត្តមានជាផ្លូវការ ដើម្បីបម្រើសេវាកម្មហោះហើរ និងធ្វើពាណិជ្ជកម្មខ្នាតតូច។
រថយន្តដែលអាចហោះហើរបាន Flying Car ជាច្រើនប្រភេទអាចនឹងលេចមុខនៅលើទីផ្សារចាប់ពីឆ្នាំក្រោយនេះទៅហើយដោយក្នុងនោះសម្រាប់ប្រភេទរថយន្តសំខាន់ៗដែលមានភាពទាក់ទាញ និងត្រូវបានអតិថិជនទន្ទឹងរង់ចាំយ៉ាងអន្ទះសាររួមមានដូចជា៖
រថយន្តហោះហើរបានរបស់ក្រុមហ៊ុន Joby Aviation ដែលនឹងអាចទទួលយកការបញ្ជាទិញបានចាប់ពីឆ្នាំ២០២៤ខាងមុខនេះ។ រថយន្ត ប្រភេទនេះអាចធ្វើដំណើរបានរហូតទៅដល់ ២៤០គីឡូម៉ែត្រក្រោយពេលសាកថ្មមួយពេញរួចរាល់។ រថយន្តហោះហើរបានរបស់ Joby មិនត្រឹមតែអាចហោះហើរឡើងបានត្រង់ និងចុះចតត្រង់នោះទេ វាថែមទាំងជាបច្ចេកវិទ្យាដែលប្រើប្រាស់ថាមពលមិនបំពុលដល់បរិយាកាសថែមទៀតផង និងអាចធ្វើដំណើរក្នុងល្បឿនដល់ទៅ ២០០ម៉ាយក្នុងមួយម៉ោង។
Zeva រថយន្តហោះបានមានរាងដូចជាថាសហោះឡើងត្រង់ដូចគ្នា ប៉ុន្តែនៅពេលហោះហើរបានបន្តិចវាអាចប្តូរទំរង់ហោះហើរបានដូចទៅនឹងយន្តហោះនៅក្នុងរឿង superman និងអាចធ្វើដំណើរជាមួយនឹងល្បឿនដល់ ២៦០គីឡូម៉ែត្រក្នុងមួយម៉ោង។ បច្ចេកវិទ្យានេះជាការអភិវឌ្ឍរបស់ក្រុមហ៊ុន Zeva Aero Zero ខណៈដែលបច្ចុប្បន្នកំពុងដំណើរការតេស្តសាកល្បងនៅឡើយ ហើយរង់ចាំរហូតដល់ឆ្នាំ២០២៥ដើម្បីអាចធ្វើការជួល និងលក់រថយន្តរបស់ខ្លួន។ Zeva នឹងទាមទារឲ្យអ្នកបើកបរត្រូវចាំបាច់មានបណ្ណបើកបរយន្តហោះ ហើយជឿជាក់ថានៅពេលដែលវាត្រូវបានប្រកាសលក់វានឹងអាចមានតម្លៃដល់ទៅ ២៥ម៉ឺនដុល្លារក្នុងមួយគ្រឿង ហើយបច្ចេកវិទ្យាហោះហើរដោយស្វ័យប្រវត្តិនឹងមានវត្តមាននាឆ្នាំ២០២៦។
Volocopter ជារថយន្តតាក់ស៊ីអាចហោះហើរបានដែលគ្រោងនឹងដាក់ឲ្យដំណើរការឆាប់ៗនេះដើម្បីបម្រើសេវាកម្មដឹកជញ្ជូនភ្ញៀវចេញពីអាកាសយានដ្ឋានទីក្រុងរ៉ូមទៅកាន់តំបន់ទីក្រុង ក្រោមការអភិវឌ្ឍឡើងដោយក្រុមហ៊ុនអាល្លឺម៉ង់ GmbH ។ រថយន្តប្រភេទនេះមានទំងន់ប្រមាណជា ២៩០គីឡូក្រាម អាចផ្ទុកអ្នកធ្វើដំណើរចំនួន២នាក់ ហើយបច្ចុប្បន្នក្រុមអ្នកជំនាញបានសាកល្បងរួចរាល់មកហើយដោយវាអាចហោះហើរបានរយៈពេល២៧នាទីជាមួយនឹងចំងាយប្រមាណជា២៧គីឡូម៉ែត្រ។
យោងតាមការបញ្ជាក់កន្លងមកប្រធានប្រតិបត្តិនៃក្រុមហ៊ុន Hyundai Motor Europe លោក Michael Cole បានឲ្យដឹងថាបច្ចេកវិទ្យារថយន្តហោះហើរបានទាំងនេះនឹងអាចក្លាយទៅជាមធ្យោបាយធ្វើដំណើរដ៏សំខាន់មួយនៅតាមតំបន់ទីក្រុងនានាលើសកលលោកក្នុងឆ្នាំ២០៣០ខាងមុខនេះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 28/03/2024
ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 28/03/2024
ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ