សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វៀតណាម ៖ គម្រោងកែលម្អ និងធ្វើទំនើបកម្មផ្លូវដែករបស់ប្រទេសវៀតណាមគឺជាកិច្ចការងារដ៏សំខាន់របស់អជ្ញាធរ ជាពិសេសគោលដៅដែលតភ្ជាប់ជាមួយនឹងប្រទេសជាប់ព្រំដែនគ្នាគឺមហាយក្សចិនដើម្បីធ្វើយ៉ាងណាឲ្យវិស័យដឹកជញ្ជូនទំនិញកាន់តែមានភាពងាយស្រួល និងបន្តភាពជាដៃគូធំជាងគេបំផុតរបស់វៀតណាមទៅពេលខាងមុខបន្ថែមទៀត។
គិតត្រឹមខែតុលានេះ អជ្ញាធរជាតិកិច្ចការងារផ្លូវដែករបស់ប្រទេសវៀតណាម (Vietnam Railway Authority) បានដាក់ពាក្យស្នើសុំទៅកាន់ក្រសួងដឹកជញ្ជូនរួចទៅហើយដើម្បីធ្វើការសិក្សាវិភាគ និងអនុម័តគម្រោងដ៏សំខាន់មួយខណៈដែលលទ្ធផលនៃកិច្ចពិភាក្សាបានសម្រេចឲ្យការដ្ឋានសាងសង់ចាប់ផ្តើមនៅឆ្នាំ២០៣០ខាងមុខនេះ។
គម្រោងសាងសង់ផ្លូវដែកថ្មីនេះនឹងតភ្ជាប់ពីវៀតណាមទៅដល់ព្រំដែនចិន គឺចាប់ពីទីក្រុងផែសមុទ្រ Ha Long ឆ្លងកាត់ទីក្រុង Hanoi ទៅដល់ខេត្តព្រំដែន Lao Cai ដែលមានចំងាយទៅដល់ ៤២៧គីឡូម៉ែត្រ ដោយតម្លៃនៃការសាងសង់សរុបគឺនឹងអាចមានទំហំដល់ទៅ១៧៩ទ្រីលានដុង ឬប្រមាណជា ៧,២ពាន់លានដុល្លារ។
តាមការព្យាករណ៍តម្រូវការនៃការធ្វើដំណើរកើនឡើងក្នុងអត្រាខ្ពស់ និងសកម្មភាពពាណិជ្ជកម្មរវាងចិន និងវៀតណាម ក៏កាន់តែច្រើន ពោលគឺនឹងអាចធ្វើឲ្យចំនួននៃអ្នកធ្វើដំណើរសរុបកើនឡើងទៅដល់ ៨,៣លាននាក់ ហើយទំហំនៃការដឹកទំនិញអាចកើនឡើងទ្វេរដង។ ទោះបីជាយ៉ាងណាក្តី ភាគីខាងវៀតណាម បានស្នើទៅកាន់រដ្ឋាភិបាលចិនរួចរាល់ហើយដើម្បីទទួលបានការគាំទ្រផ្នែកបច្ចេកទេសក្នុងការសាងសង់ និងអភិវឌ្ឍផ្លូវដែកមួយនេះ ខណៈដែលប្រទេសទាំង២ក៏មានការតភ្ជាប់គ្នារួចទៅហើយតាមរយៈផ្លូវដែកមួយចំនួន ប៉ុន្តែស្ថិតនៅក្នុងស្ថានភាពចាស់ទ្រុឌទ្រោមខ្លាំង ជាពិសេសផ្លូវដែកដែលស្ថិតនៅខាងភាគីវៀតណាម។
គួរឲ្យដឹងដែរថា ក្រៅតែពីគម្រោងដ៏ធំមួយនេះគ្រាន់តែចំណុចមួយនៃការចាប់ផ្តើមក្នុងការធ្វើទំនើបកម្មផ្លូវដែក រដ្ឋាភិបាលវៀតណាមក៏បានប្រកាសថា នឹងអនុម័តគម្រោងយក្សមួយទៀតដែលមានតម្លៃដល់ទៅ ៦៧ពាន់លានដុល្លារក្នុងការអភិវឌ្ឍផ្លូវដែកល្បឿនលឿនផ្សេងមួយទៀតនៅក្នុងប្រទេស។ គម្រោងដ៏ធំនេះមានចំងាយផ្លូវ ១៥៤១គីឡូម៉ែត្រ តភ្ជាប់ពីទីក្រុងហាណូយទៅដល់ទីក្រុងហូជីមិញ។គម្រោងនេះត្រូវបានគេចាត់ទុកថាជាគម្រោងអភិវឌ្ឍដ៏ធំបំផុតក្នុងប្រវត្តិសាស្ត្ររបស់ប្រទេសវៀតណាមនាពេលបច្ចុប្បន្ន៕
Account
Security
Favourite Content