សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ៍រ បានរាយការណ៍័ថា តម្លៃប្រេងឆៅនៅតែបន្តឡើងថ្លៃដោយសារការធ្លាក់ចុះនៃចំនួនស្តុកប្រេងរបស់សហរដ្ឋអាមេរិក និងភាពតានតឹងនៅមជ្ឈិមបូព៌ាដែលកំពុងកើតមាន។
នៅក្នុងសប្ដាហ៍នេះ តម្លៃប្រេងឆៅម៉ាក Brent បានកើនឡើង ០,២ ភាគរយ ឬ ៧៤,៦១ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,២ ភាគរយ ឬ ៧០,៨៤ ដុល្លារក្នុងមួយបារ៉ែល។ តម្លៃប្រេងឆៅទាំងពីរបានឡើងថ្លៃ បន្ទាប់ពីទិន្នន័យពីរដ្ឋបាលព័ត៌មានថាមពល (EIA) បានបង្ហាញថា ចំនួនស្តុកប្រេងឆៅ ប្រេងសាំង និងស្តុកចម្រុះរបស់សហរដ្ឋអាមេរិកបានធ្លាក់ចុះចំនួន ២,២ លានបារ៉ែលកាលពីសប្តាហ៍មុន។ លើសពិនេះ ទិន្នផលប្រេងនៅរដ្ឋ North Dakota ដែលជារដ្ឋផលិតប្រេងធំជាងគេទី៣នៅសហរដ្ឋអាមេរិក បានធ្លាក់ចុះប្រហែល ៥០០ ០០០ បារ៉ែលនៅខែតុលាបន្ទាប់ពីភ្លើងឆេះព្រៃបានឆ្លងចូលទៅក្នុងតំបន់ផលិតសំខាន់ៗ។ ទោះជាយ៉ាងណាក្ដី សង្វាក់ផលិតកម្មប្រេងឆៅរបស់សហរដ្ឋអាមេរិកបានឡើងដល់កម្រិតខ្ពស់បំផុត ពោលគឺប្រមាណ ១៣,៥ លានបារ៉ែលក្នុងមួយថ្ងៃ ប៉ុន្តែទិន្នន័យ EIA បានបង្ហាញពីការព្រួយបារម្ភអំពីក្រុមប្រទេសនាំចេញប្រេង (OPEC) និងសម្ព័ន្ធមិត្តអាចនឹងកាត់បន្ថយការផលិតកម្មបន្ថែមទៀតនៅឆ្នាំ២០២៥។
មិនត្រឹមតែប៉ុណ្ណោះ អង្គការ OPEC និងទីភ្នាក់ងារថាមពលអន្តរជាតិបានកាត់បន្ថយការព្យាករណ៍របស់ពួកគេសម្រាប់តម្រូវការប្រេងពិភពលោកនៅឆ្នាំ២០២៤ និង ២០២៥ ខណៈដែលការព្រួយបារម្ភអំពីការវាយប្រហារបស់អ៊ីស្រាអែល ទៅលើអ៊ីរ៉ង់ ត្រូវបានកាត់បន្ថយ ។
លើសពីនេះ អ្នកវិភាគបានរំពឹងថា តម្រូវការប្រេងពិភពលោកអាចនឹងថយចុះមកនៅត្រឹម ៩០០ ០០០ បារ៉ែលក្នុងមួយថ្ងៃនៅឆ្នាំ២០២៥ ដោយសារការធ្លាក់ចុះនៃសេដ្ឋកិច្ចសកល ខណៈដែលមានការកើនឡើងនៃរថយន្តអគ្គិសនី៕
Account
Security
Favourite Content