សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រ៉ូបូត YuMi កំពុងក្លាយខ្លួនជាផ្នែកមួយដ៏សំខាន់នៃកិច្ចខិតខំប្រឹងប្រែងក្នុងការដាំព្រៃឈើឡើងវិញនៅក្នុងតំបន់ព្រៃអាម៉ាហ្សូន។ សមត្ថភាពដ៏អស្ចារ្យរបស់វាមិនត្រឹមតែជារ៉ូបូតស្វ័យប្រវត្តិធ្វើការងារដោយខ្លួនឯងមិនចេះសម្រាកនោះទេ វាក៏ជាបច្ចេកវិទ្យាដែលអាចដំណើរការដោយថាមពលកកើតឡើងវិញមិនប៉ះពាល់ដល់បរិស្ថានទៀតផងតាមរយៈការទាញយកថាមពលពីពន្លឺព្រះអាទិត្យសុទ្ធសាធមកដំណើរការងារ និងបង្កើតថាមពលរបស់វា។
YuMi មានដៃរ៉ូបូតដ៏ជំនាញចំនួន២ធ្វើការងារយ៉ាងសកម្មក្នុងការជីកដី និងដាក់គ្រាប់ពូជឈើកប់ក្នុងដី ហើយការងារយ៉ាងត្រឹមត្រូវរបស់វាអាចឲ្យគ្រាប់ពូជឈើដល់ទៅ៦០០ត្រូវបានដាក់ដាំក្នុងរយៈពេល៦ម៉ោង ឬមួយកំណាត់ថ្ងៃប៉ុណ្ណោះ។
គួរឲ្យដឹងដែរថា YuMi ដំបូងឡើយត្រូវបានបង្ហាញខ្លួនកាលពីឆ្នាំ២០១៥ ដោយក្រុមហ៊ុន ABB Robotics ប៉ុន្តែសម្រាប់តែដំណើរការក្នុងវិស័យផលិតកម្មតាមរោងចក្រប៉ុណ្ណោះ ប៉ុន្តែក្រោយមកវាបានទទួលការចាប់អារម្មណ៍ពីសំណាក់អង្គការព្រៃឈើ Junglekeepers ហើយរ៉ូបូតនេះត្រូវបានអភិវឌ្ឍបន្ថែមសម្រាប់ប្រើប្រាស់ក្នុងការងារដាំដើមឈើវិញ និងត្រូវបានបញ្ជូនទៅដល់ព្រៃអាម៉ាហ្សូនក្នុងប្រទេសប៉េរូ ដើម្បីធ្វើការងារនៅក្នុងតំបន់ដែលទទួលរងនូវការការបំផ្លាញព្រៃឈើធ្ងន់ធ្ងរ និងទីវាលរហោស្ថានដែលស្ថិតនៅក្នុងព្រៃជ្រៅលំបាកធ្វើដំណើរទៅដល់។
ប៉េរូ គឺជាប្រទេសដែលមានចំណែកនៃព្រៃអាម៉ាហ្សូនធំជាងគេបំផុតទី២របស់ពិភពលោកបន្ទាប់ពីប្រទេសប្រេស៊ីល ហើយក៏ជាប្រទេសដែលកំពុងទទួលរងបញ្ហាកាប់បំផ្លាញព្រៃឈើខុសច្បាប់ធ្ងន់ធ្ងរ ក៏ដូចជាការទន្រ្ទានដីដើម្បីរុករករ៉ែខ្លាំងក្លាបំផុតដែរ។
តាមផែនការអង្គការ Junglekeepers នឹងរៀបចំតម្លើងរ៉ូបូត YuMi នៅក្នុងសហគមន៍ជាច្រើនទៀតក្នុងតំបន់ព្រៃអាម៉ាហ្សូនធ្វើយ៉ាងណាអាចធ្វើការដាំកូនឈើឡើងវិញឲ្យបានទៅដល់រាប់ពាន់ដើមជារៀងរាល់ថ្ងៃក្នុងគោលបំណងធ្វើឲ្យព្រៃអាម៉ាហ្សូនកាន់តែមានភាពរឹងម៉ាំឡើងវិញក្នុងប្រព័ន្ធអេកូឡូស៊ី ជាពិសេសដើម្បីកសាងតំបនបៃតងឡើងវិញឲ្យបានកាន់តែច្រើននៅតាមតំបន់ផ្សេងទៀត៕
Account
Security
Favourite Content