សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប្រសិនបើអ្នករស់នៅ ក៏ដូចជាធ្លាប់ឆ្លងកាត់ខេត្តកំពង់ចាម ឬត្បូងឃ្មុំ បងប្អូនច្បាស់ជាឮពីភាពល្បីល្បាញរបស់ចំការផ្កាឈូករ័ត្នជីរោទិ៍ជាក់ជាមិនខាន។ ថ្ងៃនេះ យើងមកដឹងពីទិដ្ឋភាពផ្សេងៗនៃចម្ការផ្កាឈូករ័ត្នដ៏ធំល្វឹងល្វើយនេះទាំងអស់គ្នា។
លោក ប៉ត សុផល ជាម្ចាស់ចម្ការផ្កាឈូករ័ត្នមួយដែលមានទីតាំនៅឃុំជីរោទិ៍ទី១ ស្រុកត្បូងឃ្មុំ ខេត្តត្បូងឃ្មុំនៅប្រមាណ៤គីឡូម៉ែតពីប៉មបារាំង។ លោកបានរៀបរាប់ឱ្យដឹងថា ចំការរបស់គាត់មានទំហំប្រមាណជាង៦ ហិចតា ដែលចែកជាប្រមាណ១៣ ឡូតិ៍ ហើយដីទាំងនេះជាដីកេររបស់គាត់ខ្លះ ទិញបន្តខ្លះ និងជួលពីបងប្អូនគាត់ខ្លះ ។ ឡូតិ៍នីមួយៗមានដាំផ្កាច្រើនប្រភេទដូចជាផ្កាស្បៃរឿង ស្បៃរឿងបារាំងជាដើម ពិសេសផ្កាឈូករ័ត្នដែលជាតំណាង និងត្រូវបានដាំច្រើនជាងគេ។
ម្ចាស់ចំការរូបនេះបានប្រាប់ឱ្យដឹងថា៖« ដំបូង ខ្ញុំ និងមិត្តភក្ដិសហការគ្នាបង្កើតជាអង្គការបង្រៀនភាសាអង់គ្លេស ជំនាញកុំព្យូទ័រជាដើមដល់ក្មេងៗក្នុងភូមិដោយមិនយកលុយ។ ក្រោយមកគ្នាខ្ញុំម្នាក់ចាប់អារម្មណ៍រឿងចិញ្ចឹមឃ្មុំ ក៏បានទៅរៀននៅភ្នំពេញ ហើយក៏បានទិញឃ្មុំយកមកសាកល្បងចិញ្ចឹម។ គ្រានោះដោយសារនៅក្នុងភូមិពិបាករកចំណីឱ្យឃ្មុំស៊ី ក៏ចេះតែរកផ្កាផ្សេងៗដែលត្រូវនឹងឃ្មុំ ហើយក្រោយមកក៏នឹកឃើញផ្កាឈូករ័ត្ននេះតែម្ដង។ យើងដាំទៅស្រាប់តែមានគេមកមើលច្រើន ហើយក៏ពង្រីកមកកន្លែងថ្មីនេះវិញទៅ»។
បច្ចុប្បន្ន ការចិញ្ចឹមឃ្មុំរបស់លោក សុផល នៅដាក់តែ ២ ទៅ ៣ ឡាំងប៉ុណ្ណោះ ដោយសារគាត់បានចែកជាមួយគ្នាគាត់ដាច់ដោយឡែករវាងអ្នកកាន់កាប់ចំការផ្កានេះ និងអ្នកកាន់ផ្នែកចិញ្ចឹមឃ្មុំ ហើយក៏បន្តពង្រីកអាជីវកម្មចិញ្ចឹមជាបន្តបន្ទាប់កើនដល់រាប់រយឡាំង ដែលក្នុងមួយឡាំងមាន ៨បង្គង ហើយពេលបានទិន្នផលអាចយកមកលក់នៅចំការផ្កានេះ។
ការដាំផ្កានេះឈូករ័ត្ននេះ លោក សុផល បានប្រាប់ឱ្យដឹងទៀតថា ផ្កានេះដាំបានល្អតែរដូវប្រាំងចន្លោះពីខែតុលា ដល់ ខែឧសភា ហើយផ្កាដែលល្អខ្លាំងអាចមានទំហំដល់ទៅ ៣០សង់ទីម៉ែត។ គាត់បានបណ្ដុះកូនផ្កាខ្លួនឯងក្នុងការដាំដោយត្រូវដាំម្ដង១ឡូហ៍ រៀងរាល់សប្ដាហ៍ ហើយការដាំម្ដងត្រូវប្រើអស់រាប់ម៉ឺនកូន។ ដំណាំផ្កាឈូករ័ត្ននេះទៀតសោត ត្រូវការពេលវេលាប្រមាណ ២ ទៅ ២ខែកន្លះ ទើបមានផ្កា និងអាចប្រមូលផលបាន។
ដំណាំឈូករ័ត្ននេះ អាចផ្ដល់ជាទីកម្សាន្ត ថតរូបលេង ហើយអ្វីដែលសំខាន់គឺអាចផ្ដល់ជាលំអងក្នុងការចិញ្ចឹមឃ្មុំបានយ៉ាងប្រសើរ។ ចំណែកគ្រាប់វិញ អាចយកមកគាបធ្វើប្រេងសម្រាប់ចម្អិន និងបណ្ដុះយកមកបរិភោគដូចសណ្ដែកបណ្ដុះ ហើយទិន្នផលទាំងនោះគាត់យកមកលក់ឱ្យអតិថិជនដែលចូលទៅលេងកម្សាន្តនៅក្នុងចំការផ្កាតែម្ដង។
លោក សុផល បានមានប្រសាសាន៍ថា៖« ពួកខ្ញុំអត់រាប់មនុស្សយកលុយទេ ចឹងគឺខ្ញុំផ្ដោតតែលើការផ្ញើម៉ូតូ ឡាន លក់ផលិតផល និងម្ហូបអាហារដោយសារយើងបានបង្កើតជាកន្លែងអង្គុយលេង។ ឯទិន្នផលពីផ្កាវិញ ពេលខ្លះខ្ញុំវាខាត បើទុកយកប្រេង យើងត្រូវការចំណាយពលកម្ម ជួលគេ៣ទៅ៤នាក់ អស់ម្នាក់៣ម៉ឺនរៀលក្នុងការប្រមូលផ្កា ហើយយកទៅហាល ហាលហើយអង្គុយប្រឡេះដូចពោតអ៊ីចឹង ទម្រាំបានផលយកមកអុំ ហើយគាបជាប្រេងលក់បាន១ លីត្រ ៤ទៅ៥ ម៉ឺន។ តែក្នុងមួយលីត្រចំណាយអស់គ្រាប់ ៥គីឡូក្រាម ចឹងខ្ញុំគិតទៅវាអត់ចំណេញទេ។ ខ្ញុំធ្វើបន្ទាប់បន្សំ សម្រាប់ហូបខ្លួនឯងទេ ព្រោះប្រេងនេះវាល្អ ធម្មជាតិ។ អ្នកធូរធាគេក៏មកទិញទាំងកានៗដែរ បើមានគ្រាប់ច្រើន ខ្ញុំអាចផលិតបានពី៣០ ទៅ៤០លីត ក្នុងមួយថ្ងៃ»។
មុនពេលទទួលបានផលនេះ ការដាំដុះដំណាំប្រភេទផ្កាឈូករ័ត្ននេះមិនមែនជារឿងងាយស្រួលទេ តាំងពីដាំដោយត្រូវការថែទាំស្រោចទឹកឱ្យបានដិតដល់ ពិសេសកំឡុងពេលតាំងពីដាក់គ្រាប់ ដល់១ខែ។ លុះដុះពន្លកហើយអាចមានចាបមកចឹកបំផ្លាញ ឯសម្រស់ផ្កាក៏ឆាប់អស់គឺរយៈពេលតែ ៧ទៅ១០ថ្ងៃប៉ុណ្ណោះ ហេតុនេះត្រូវការយកចិត្តទុកដាក់ខ្ពស់ក្នុងការដាំ។ ប្រសិនបើបងប្អូនមានចំណាប់អារម្មណ៍ចង់ដាំអាចធ្វើការទិញគ្រាប់ពូជពីម្ចាស់ចម្ការនេះបាន ដោយក្នុងមួយហិចតាដាំអស់១គីឡូក្រាម និងមានតម្លៃ ៤ទៅ៥ម៉ឺនរៀល។ ក្រៅពីនេះត្រូវការចំណាយលើការភ្ជួដី ដាក់ទឹក ជាដើម។
សូមបញ្ជាក់ផងដែរថា លោក សុផល កំពុងតែរកពូជផ្កាថ្មីៗដែលមិនទាន់មាននៅក្នុងប្រទេសកម្ពុជាបន្ថែមទៀត និងមានការរៀបចំជាផ្ទះសម្រាប់ថតរូបមុនអាពាហ៍ពិពាហ៍នាពេលខាងមុខផងដែរ។ ប្រសិនបើបងប្អូនធ្វើដំណើរឆ្លងកាន់តំបន់នេះ កុំភ្លេចចូលលេង និងគាំទ្រស្នាដៃកសិករខ្មែរទាំងអស់គ្នា៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
Account
Security
Favourite Content