សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតត្រឹមថ្ងៃទី២៥ ខែឧសភា ឆ្នាំ២០២៥ កន្លងទៅនេះ ក្រសួងរៀបចំដែនដី នគរូបនីយកម្ម និងសំណង់ សម្រេចការវាស់វែងដីធ្លីជាប្រព័ន្ធនៅទូទាំងប្រទេសបានចំនួន ១៣ ៣៣៧ ៥០៧ក្បាលដី លើក្បាលដីប៉ាន់ស្មានសរុបទូទាំងប្រទេសចំនួន ១៣ ៦៥១ ៩៦៣ ក្បាលដី ។ នេះបើតាមសេចក្ដីប្រកាសព័ត៌មានរបស់ក្រសួងរៀបចំដែនដី នគរូបនីយកម្ម និងសំណង់ នាថ្ងៃទី៣០ ខែឧសភា ឆ្នាំ២០២៥ ។
ទន្ទឹមនឹងលទ្ធផលនៃការវាស់វែងដីធ្លីមានលក្ខណៈជាប្រព័ន្ធនេះដែរ ក្រសួងរៀបចំដែនដី នគរូបនីយកម្ម និងសំណង់ ក៏បានចេញបណ្ណបានចំនួន ៨ ៤៥៩ ៦១៨បណ្ណ និងបានចែកបណ្ណបានចំនួន ៧ ៨៤២ ៥៨៧ បណ្ណ ចំណែកបណ្ណចំនួន ២៣៥ ៤៦០ ទៀត ម្ចាស់កម្មសិទ្ធិមិនទាន់មកទទួលនៅឡើយ ។ ក្រៅពីនេះ ក្រសួងក៏បានចេញបណ្ណជាប់ពន្ធ ប្រថាប់ត្រាទិញលក់ បានចំនួន ១៨៦ ១៣២បណ្ណ និងបណ្ណជាប់ពន្ធសូន្យបានចំនួន ១៩៥ ៤៤០បណ្ណផងដែរ ។ ដោយឡែក ក្បាលដីចំនួន ៣១៤ ៤៥៦ក្បាលដី ដែលនៅមិនទាន់បានវាស់វែងនោះ រំពឹងថានឹងត្រូវវាស់វែងបញ្ចប់ក្នុងពេលឆាប់ៗខាងមុខនេះ ។
ស្របគ្នានេះដែរ ក្រសួងរៀបចំដែនដី នគរូបនីយកម្ម និងសំណង់ ក៏បានអំពាវនាវដល់ប្រជាពលរដ្ឋដែលមានដីធ្លីបានចុះបញ្ជីរួចរាល់ ហើយពុំទាន់បានទទួលបណ្ណកម្មសិទិ្ធ សូមមេត្តាទាក់ទងក្រុមការងារមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានី ខេត្ត ក្នុងការទទួលយកបណ្ណកម្មសិទ្ធិបានចេញរួចរាល់ ។
ជាមួយគ្នានេះដែរ ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា មកទល់ពេលនេះ មានខេត្តចំនួន១៣ហើយ ដែលបានបញ្ចប់ការវាស់វែងដីធ្លីមានលក្ខណៈជាប្រព័ន្ធ រួមមានខេត្តកំពង់ ចាម ខេត្តស្វាយរៀង ខេត្តសៀមរាប កំពង់ស្ពឺ កំពង់ឆ្នាំង ឧត្តរមានជ័យ មណ្ឌលគីរី កែប ព្រះសីហនុ តាកែវ កណ្ដាល ព្រះវិហារ និងខេត្តព្រៃវែង ក្នុងនោះមាន ៧ខេត្ត គឺខេត្តកំពង់ចាម ស្វាយរៀង សៀមរាប កំពង់ស្ពឺ ព្រះសីហនុ កំពង់ឆ្នាំង និងខេត្តឧត្តរមានជ័យ ត្រូវបានរៀបចំពិធីប្រកាសបិទបញ្ចប់ការងារវាស់វែងដីធ្លីមានលក្ខៈជាប្រព័ន្ធជាផ្លូវការរួចរាល់ ។
ដោយឡែក រាជធានី ខេត្តចំនួន១២ទៀត ក៏នឹងបញ្ចប់ការវា់វែងដីធ្លីមានលក្ខណៈជាប្រព័ន្ធជាបន្តបន្ទាប់នាពេលខាងមុខឆាប់ៗនេះ ហើយការចុះបញ្ជីនឹងការផ្ដល់វិញ្ញាបនបត្រសម្គាល់អចលនវត្ថុជូនប្រជាពលរដ្ឋ បាន និងកំពុងដំណើរការជាបន្តបន្ទាប់ស្របតាមនីតិវិធី ។ ចំពោះម្ចាស់ក្បាលដីដែលពុំបានចូលរួមក្នុងការងារវាស់វែងដីធ្លីមានលក្ខណៈជាប្រព័ន្ធនាពេលកន្លមក អាចស្នើសុំធ្វើការវាស់វែង និងចុះបញ្ជីបំពេញបន្ថែមតាមក្រោយបាន ។ ម្យ៉ាងទៀត ចំពោះក្បាលដីដែលកំពុងមានវិវាទអាចស្នើសុំធ្វើការវាស់វែង និងចុះបញ្ជីបាននៅពេលករណីវិវាទនោះត្រូវបានដោះស្រាយចប់សព្វគ្រប់ជាស្ថាពរតាមនីតិវិធី ៕
Account
Security
Favourite Content