សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អង្គការនៃប្រទេសនាំចេញប្រេង (OPEC) សំដៅលើក្រុមនៃបណ្តាប្រទេសនាំចេញប្រេងសំខាន់ៗចំនួន ១៣ របស់ពិភពលោក។ OPEC ត្រូវបានបង្កើតឡើងក្នុងឆ្នាំ១៩៦០ ដើម្បីសម្របសម្រួលគោលនយោបាយប្រេងរបស់សមាជិករបស់ខ្លួន និងផ្តល់ជំនួយបច្ចេកទេស ព្រមទាំងសេដ្ឋកិច្ចដល់រដ្ឋជាសមាជិក។
OPEC គឺជាក្រុមជួញដូរដែលមានគោលបំណងគ្រប់គ្រងការផ្គត់ផ្គង់ប្រេងក្នុងការកំណត់តម្លៃប្រេងនៅលើទីផ្សារពិភពលោក ដើម្បីជៀសវាងការប្រែប្រួលដែលអាចប៉ះពាល់ដល់សេដ្ឋកិច្ចនៃប្រទេសផលិតប្រេង និងប្រទេសទិញប្រេង។ ប្រទេសជាសមាជិករបស់អង្គការ OPEC រួមមានអ៊ីរ៉ង់ អ៊ីរ៉ាក់ គុយវ៉ែត អារ៉ាប៊ីសាអូឌីត និងវ៉េណេស៊ុយអេឡា (ដែលស្ថាបនិកទាំង៥) បូករួមទាំងប្រទេស អាល់ហ្សេរី អង់ហ្គោឡា កុងហ្គោ អេក្វាទ័រហ្គីណេ ហ្គាបុង លីប៊ី នីហ្សេរីយ៉ា និងប្រទេសអារ៉ាប់រួម។
ទំហំនៃការផ្គត់ផ្គង់ប្រេងនៃប្រទេសសមាជិកអង្គការ OPEC គឺមានប្រមាណ៤០%នៃការផ្គង់ផ្គង់ប្រេងសរុបរបស់ពិភពលោក។ យោងតាមការប៉ាន់ប្រមាណបច្ចុប្បន្ន ៧៩,៤% នៃប្រេងឆៅបម្រុងក្នុងពិភពលោកស្ថិតនៅក្នុងបណ្តាប្រទេសសមាជិក OPEC។
អង្គការ OPEC គឺជាអង្គការអន្តររដ្ឋាភិបាលអចិន្ត្រៃយ៍ដែលត្រូវបានបង្កើតឡើងនៅទីក្រុងបាកដាដក្នុងខែកញ្ញាឆ្នាំ ១៩៦០ ដោយសមាជិកស្ថាបនិកទាំង ៥រួមមាន អ៊ីរ៉ង់ អ៊ីរ៉ាក់ គុយវ៉ែត អារ៉ាប៊ីសាអូឌីត និងវ៉េណេស៊ុយអេឡា។ ទីស្នាក់ការកណ្តាលរបស់អង្គការគឺនៅទីក្រុងវីយែន ប្រទេសអូទ្រីស ដែលជាទីតាំងបុគ្គលិកនិងថ្នាក់ដឹកនាំអង្គការ OPEC ធ្វើការងារប្រចាំថ្ងៃ។
នាយកប្រតិបត្តិនៃអង្គការ OPEC គឺជាអគ្គលេខាធិការរបស់អង្គការ។ ឯកឧត្តម Mohammad Sanusi Barkindo មកពី ប្រទេស នីហ្សេរីយ៉ា ត្រូវបានតែងតាំងឱ្យកាន់តំណែងនេះសម្រាប់អាណត្តិរយៈពេល ៣ ឆ្នាំនៅថ្ងៃទី០១ ខែសីហា ឆ្នាំ២០១៦ ហើយត្រូវបានជ្រើសរើសបន្តដំណែងក្នុងរយៈពេលបីឆ្នាំទៀតកាលពីថ្ងៃទី០២ ខែ កក្កដា ឆ្នាំ២០១៩ ។
លក្ខន្តិកៈនៃសមាជិកភាពរបស់អង្គការ OPEC គឺបើកចំហចំពោះប្រទេសណាមួយដែលជាប្រទេសនាំចេញប្រេងច្រើន។ បន្ទាប់ពីសមាជិកស្ថាបនិកទាំងប្រាំខាងលើ OPEC បានបន្ថែមប្រទេសសមាជិកចំនួន ១១ បន្ថែមទៀត រួមមានប្រទេសកាតា(១៩៦១) ឥណ្ឌូនស៊ី (១៩៦២) លីប៊ី (១៩៦២) អេមីរ៉ាតអារ៉ាប់រួម (១៩៦៧) អាល់ហ្សេរី (១៩៦៩) នីហ្សេរីយ៉ា (១៩៧១)អេក្វាឌ័រ (១៩៧៣)ហ្គាបុង (១៩៧៥) អង់ហ្គោឡា (២០០៧) អេក្វាទ័រហ្គីណេ (២០១៧) និងប្រទេសកុងហ្គោ (២០១៨)។
ប្រទេសអេក្វាឌ័រ បានដកខ្លួនចេញពីអង្គការនៅថ្ងៃទី០១ ខែមករា ឆ្នាំ២០២០។ ប្រទេសកាតា បានបញ្ចប់សមាជិកភាពរបស់ខ្លួនផងដែរនៅថ្ងៃទី០១ ខែមករា ឆ្នាំ២០១៩ ហើយប្រទេសឥណ្ឌូនេស៊ីបានព្យួរសមាជិកភាពរបស់ខ្លួននៅថ្ងៃទី៣០ ខែវិច្ឆិកា ឆ្នាំ២០១៦ ដូច្នេះគិតត្រឹមឆ្នាំ ២០២១ នេះ អង្គការ OPEC មានសមាជិកចំនួន ១៣ ប្រទេស។
យោងតាមគេហទំព័ររបស់អង្គការ OPEC បេសកកម្មរបស់អង្គការនេះគឺ “សម្របសម្រួល និងបង្រួបបង្រួមគោលនយោបាយប្រេងរបស់ប្រទេសសមាជិករបស់ខ្លួន និងធានាស្ថិរភាពទីផ្សារប្រេង ដើម្បីសម្រេចបាននូវការផ្គត់ផ្គង់ប្រេងប្រកបដោយប្រសិទ្ធភាព តម្លៃសមរម្យ និងទៀងទាត់ដល់អ្នកប្រើប្រាស់ ក្នុងការផ្តល់ប្រាក់ចំណូលថិតថេរដល់អ្នកអ្នកផលិត និងផ្តល់ផលចំណេញសមរម្យលើដើមទុនសម្រាប់វិនិយោគិនក្នុងឧស្សាហកម្មប្រេង”។
ក្រៅពីផ្តល់គុណសម្បត្តិដល់ឧស្សាហកម្មប្រេងឆៅ អង្គការ OPEC ក៏បានដើរតួយ៉ាងសំខាន់ក្នុងការលើកកម្ពស់កិច្ចសហប្រតិបត្តិការក្នុងចំណោមប្រទេសជាសមាជិក ដោយជួយឱ្យប្រទេសក្នុងនិងក្បែរតំបន់មជ្ឈិមបូព៌ាមានស្ថិរភាពផ្នែកនយោបាយការបរទេសផងដែរ។ គួរកត់សម្គាល់ថា ប្រទេសផលិតប្រេងធំៗមួយចំនួនរបស់ពិភពលោក រួមទាំងរុស្ស៊ី ចិន និងសហរដ្ឋអាមេរិក មិនមែនជាសមាជិករបស់អង្គការ OPEC នោះទេ ដែលទុកឱ្យប្រទេសធំទាំងនេះមានសេរីភាពក្នុងការសម្រេចចិត្តរៀងៗខ្លួន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សន្និសីទធនាគារនៅកម្ពុជាលើកទី៥៖ “ការដាក់ចេញអាទិភាពសម្រាប់ស្ថិរភាពហិរញ្ញវត្ថុ បង្កើនជំនឿទុកចិត្ត និងកំណើនដោយចីរភាព”
ព្រឹត្តិការណ៍, អត្ថបទពាណិជ្ជកម្ម
• 21/08/2026
សមាគមធនាគារនៅកម្ពុជា(ABC) បានរៀបចំ សន្និសីទធនាគារនៅកម្ពុជា ឆ្នាំ២០២៦រយៈពេល២ថ្ងៃកាលពីថ្ងៃទី១៩ និង២០ ខែសីហា នៅសណ្ឋាគារ សុខា ភ្នំពេញ ក្រោមមូលបទ “ការរក្សាស្ថិរភាព ការពង្រឹងសុចរិតភាពហិរញ្ញវត្ថុ ទំនុកចិត្ត និងភាពជឿជាក់លើប្រព័ន្ធធនាគារ”
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ
Top News, ព្រឹត្តិការណ៍, សេដ្ឋកិច្ច
• 21/08/2026
រយៈពេល ៣ឆ្នាំ នៃអាណត្តិសម្ដេចធិបតី យុវជនក្រក្រី និងប្រជាពលរដ្ឋជិត ៥០ម៉ឺននាក់ មានជំនាញជាក់លាក់ ជាគន្លឹះទទួលបានការងារសមរម្យ បង្កើនប្រាក់ចំណូល
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
ព្រឹត្តិការណ៍, អត្ថបទពាណិជ្ជកម្ម
• 21/08/2026
គ្រឹះស្ថាន ខេមា មីក្រូហិរញ្ញវត្ថុ លីមីតធីត និង Mission Alliance ប្រចាំប្រទេសកម្ពុជា បានចុះអនុស្សរណៈយោគយល់គ្នា ដើម្បីរួមគ្នាលើកកម្ពស់ចំណេះដឹងហិរញ្ញវត្ថុ និងជំនាញអាជីវកម្មដល់ម្ចាស់អាជីវកម្មខ្នាតមីក្រូ និងបុគ្គលស្វ័យនិយោជន៍ នៅតាមតំបន់ប្រតិបត្តិការរបស់គ្រឹះស្ថាន ខេមា
ព្រះមហាក្សត្រ ស្ដេចយាងសម្ពោធដាក់ឱ្យប្រើប្រាស់វិមានសាមគ្គីភាពនៃព្រឹទ្ធសភាកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
វិមានសាមគ្គីភាព នៃព្រឹទ្ធសភានៃព្រះរាជាណាចក្រកម្ពុជាត្រូវបានចាត់ទុកថា ការឆ្លុះបញ្ចាំងនូវយុគសម័យរុងរឿងរបស់កម្ពុជា ដែលមានមូលដ្ឋានកើតចេញពីគ្រឹះនៃសន្តិភាព ឯកភាពជាតិ និងកម្លាំងសាមគ្គីភាពជាតិដ៏រឹងមាំ
ចិន បង្ហាញក្ដីបារម្ភខ្លាំង ខណៈជប៉ុនមានលទ្ធភាពអាចផលិតនុយក្លេអ៊ែរបានរាប់ពាន់គ្រាប់
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
រដ្ឋាភិបាលក្រុងប៉េកាំង បានសម្តែងក្ដីបារម្ភចំពោះសមត្ថភាពនុយក្លេអ៊ែរដែលកំពុងកើនឡើង និងការផ្លាស់ប្តូរគោលជំហរក្នុងវិស័យការពារជាតិរបស់ក្រុងតូក្យូ ប្រទេសជប៉ុន ចង់ផលិតអាវុធនុយក្លេអ៊ែរ
បច្ចេកវិទ្យា AI កំពុងស្រូបទាញទុនរាប់ទ្រីលានដុល្លារ បង្កក្តីបារម្ភពីហានិភ័យហិរញ្ញវត្ថុ
ព្រឹត្តិការណ៍, អាជីវកម្មថ្មី និងនវានុវត្ត
• 21/08/2026
ក្តីបារម្ភជុំវិញកំណើនបែបពពុះផុយស្រួយ (កំណើនពពុះស្រួយ) ផ្នែកហិរញ្ញវត្ថុ ក្នុងវិស័យបច្ចេកវិទ្យាបញ្ញាសិប្បនិម្មិត (AI) កំពុងក្លាយជាសំណួរដ៏សំខាន់ ខណៈក្រុមហ៊ុនបច្ចេកវិទ្យាយក្សនៅសហរដ្ឋអាមេរិកគ្រោងចំណាយថវិកា ១,១ ទ្រីលានដុល្លារ ចាប់ពីឆ្នាំ ២០២៦ ដល់ឆ្នាំ ២០២៩ ហើយការវិនិយោគលើវិស័យ AI ទូទាំងពិភពលោកត្រូវបានព្យាករណ៍ថានឹងកើនលើស ២,៥ ទ្រីលានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content