សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប្រធានាធិបតីអាមេរិកលោក Donald Trump នៅអាណត្តិថ្មីនេះបានប្រកាសអំពីផែនការអភិវឌ្ឍនិងផលិតយន្តហោះចម្បាំងជំនាន់ថ្មីជំនាន់ទី៦ ដំបូងបំផុតលើពិភពលោក ដែលលោកប្រធានាធិបតីបានហៅឈ្មោះវាថា F-47 ប៉ុន្តែអ្នកដែលទទួលបានកុងត្រាផ្គត់ផ្គង់ត្រកូល F លើកនេះមិនមែនក្រុមហ៊ុន Lockheed martin ឡើយ។ សូមជម្រាបដែរថា ក្រុមហ៊ុន Lockheed Martin គឺជាអ្នកផលិតយន្តហោះចម្បាំងជំនាន់ទី៥របស់អាមេរិកទាំងពីរគឺ F-22 និង F-35 ដែលសមត្ថភាពពិសេសទាំងបំបាំងកាយប្រតិបត្តិការក្នុងសមរភូមិក្តៅនិងបច្ចេកវិទ្យាវាយប្រហារទំនើបបំផុត។
តាមការប្រកាសដដែល លោក Trump បានបញ្ជាក់ថា F-47 នឹងត្រូវយកមកជំនួសយន្តហោះចម្បាំងជំនាន់៥ F-22 ហើយក្រុមហ៊ុនដែលទទួលបានកុងត្រាពីរដ្ឋាភិបាលក្រុងវ៉ាស៊ិនតោននោះគឺជាក្រុមហ៊ុន Boeing ។
អមដំណើរកាលពីពាក់កណ្តាលខែមិនានេះដោយនឹងរដ្ឋមន្ត្រីក្រសួងការពារជាតិអាមេរិក Pete Hegseth ផងលោក Trump បានថ្លែងទៀតថា៖ F-47 នឹងក្លាយទៅជាយន្តហោះចម្បាំងដែលទំនើបបំផុត មានសមត្ថភាពបំផុត និងសាហាវបំផុតមិនធ្លាប់មាន ក្នុងប្រវត្តិសាស្ត្រហើយនឹងមិនមានបច្ចេកវិទ្យាណាអាចប្រកួតប្រជែងឬអាចឈានដល់កម្រិតរបស់វាបានឡើយ។
កងម្លាំងយោធាអាមេរិករំពឹងថា F-22 ដែលផលិតដោយ Lockheed Martin តាំងតែពីជាង២ទសវត្សរ៍មកហើយនោះនឹងអាចជំនួសបានឆាប់ៗជាមួយនឹងយន្តហោះជំនាន់ថ្មីនេះពោលគឺក្នុងគ្រារដ្ឋាភិបាលក្រុងប៉េកាំងទើបតែបានបង្ហាញវត្តមានយន្តហោះចម្បាំងជំនាន់ថ្មីរបស់ខ្លួនដែលអាចមានសមត្ថភាពទំនើបជាង និងហោះបានឆ្ងាយជាង F-22 ។
ទោះបីជាយ៉ាងណាក្តីការ Design រូបរាងពិតប្រាកដរបស់យន្តហោះចម្បាំងថ្មីនេះ គឺមិនទាន់ប្រកាសនិងបង្ហាញច្បាស់លាស់នៅឡើយ តែលោក Trump បានបង្ហើបព័ត៌មានគួរឱ្យចាប់អារម្មណ៍មួយថា គំរូនៃយន្តហោះF- 47 ត្រូវបានគេដាក់ឱ្តហោះហើរសាកល្បងដោយសម្ងាត់អស់រយៈពេលជិត៥ឆ្នាំមកហើយ ហើយលោកបានបញ្ជាក់ថា យន្តហោះនេះមានល្បឿនលឿនខ្លាំង ភាពបត់បែន និងសមត្ថភាពផ្ទុកច្រើន ក៏ដូចជាកម្រិតតាមដានបានទាបដែលមិនធ្លាប់មានពីមុនមក។
សម្រាប់ការអភិវឌ្ឍយន្តហោះចម្បាំងថ្មីនេះសហរដ្ឋអាមេរិកបានទទួលសំណើរព្រាងពីសំណាក់កងកម្លាំងយោធាអាមេរិកហើយជាមួយនឹងកញ្ចប់អភិវឌ្ឍប្រមាណជា២០ពាន់លានដុល្លារ៕
Account
Security
Favourite Content