សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កម្ពុជារកចំណូលបានជាង ២៦លានដុល្លារអាម៉េរិកពីការលក់សំបុត្រជូនភ្ញៀវអន្តរជាតិជាង៥៦ម៉ឺននាក់ ដែលបានទិញបណ្ណចូលទស្សនារមណីយដ្ឋានអង្គរក្នុងឆមាសទី១ ឆ្នាំ២០២៥ គិតចាប់ពីខែមករា ដល់ខែមិថុនា។ ចំនួននេះបានកើនឡើង ៨.៧៦ ភាគរយបើធៀបនឹងឆ្នាំរយៈពេលដូចគ្នាក្នុងឆ្នាំ២០២៤។ នេះបើយោងតាមរបាយការណ៍របស់គ្រឹះស្ថានអង្គរដែលបានចេញផ្សាយកាលពីថ្ងៃទី១ ខែកក្កដា ឆ្នាំ២០២៥។
របាយការណ៍ដដែលនេះបានបញ្ជាក់ថា ដោយឡែកក្នុងខែមិថុនា ឆ្នាំ២០២៥ ភ្ញៀវអន្តរជាតិ ដែលបានទិញបណ្ណចូលទស្សនារមណីយដ្ឋានអង្គរមានចំនួន ៤០ ០៩៦នាក់ ធ្លាក់ចុះ១៩.៣១% ហើយទទួលបានចំណូល១.៧លានដុល្លារ ធ្លាក់ចុះ១៨.៧៧%។
ក្នុងរយៈពេល៦ខែនេះ ការលក់បណ្ណចូលទស្សនានៅប្រាសាទកោះកែរមានចំនួន ១២ ០៧៦នាក់ ទទួលបានចំណូល១៨១ ១៤០ដុល្លារ, ការលក់សំបុត្រនៅប្រាសាទបេងមាលា មានចំនួន ៨ ១៩៩នាក់ ដោយទទួលបានចំណូល ៨១ ៩៩០ដុល្លារ, ការលក់សំបុត្រនៅភ្នំក្បាលស្ពាន មានចំនួន ៦៤៤នាក់ ទទួលបានចំណូល៣ ២២០ដុល្លារ និងការលក់សំបុត្រទូក រកចំណូលបានចំនួន ៨៤២ ៧២២ដុល្លារ។
គិតចាប់ពីខែមករាដល់ដំណាច់ខែធ្នូ ឆ្នាំ២០២៤ គ្រឹះស្ថានអង្គរបានលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរចំនួន១ ០២៣ ៦៨៨នាក់ និងទទួលបានទឹកប្រាក់ចំនួន ៤៧ ៨២៦ ៩៨១ ដុល្លារអាមេរិក ។
យោងសេចក្ដីប្រកាសព័ត៌មានរបស់គ្រឹះស្ថានអង្គរចេញផ្សាយនៅថ្ងៃទី ០១ ខែ មករា ឆ្នាំ២០២៥ ក្នុងរយៈពេល១២ខែឆ្នាំ២០២៤ ចំនួនភ្ញៀវទេសចរបរទេសទិញបណ្ណ ចូលទស្សនារមណីយដ្ឋានអង្គរកើនឡើង ២៨,២៧ ភាគរយ ធៀបនឹងរយៈពេលដូចគ្នាកាលពីឆ្នាំ ២០២៣កន្លងទៅ ខណៈចំនួនទឹកប្រាក់ដែលទទួលបានពីការលក់បណ្ណ ជូនភ្ញៀវទេសចរបរទេសវិញមានកំណើនប្រមាណ២៨,៥៧ភាគរយ ។
គួររំលឹកថា៖ឆ្នាំ២០២៤ គ្រឹះស្ថានអង្គរបានលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរចំនួន១ ០២៣ ៦៨៨នាក់ និងទទួលបានទឹកប្រាក់ចំនួន ៤៧ ៨២៦ ៩៨១ដុល្លារអាមេរិក។ក្នុងរយៈពេល១២ខែឆ្នាំ២០២៤ ចំនួនភ្ញៀវទេសចរបរទេសទិញបណ្ណ ចូលទស្សនារមណីយដ្ឋានអង្គរកើនឡើង ២៨,២៧ ភាគរយ ៕
Account
Security
Favourite Content