សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅទីបំផុត ព័ត៌មានចរចាមអារ៉ាមដែលកើតមានកាលពីពេលកន្លងមកថា ក្រុមហ៊ុនយក្សអាមេរិកផលិតរថយន្តអគ្គិសនី Tesla នឹងបង្ហាញវត្តមាននៅក្នុងទីផ្សារអាស៊ីអាគ្នេយ៍នោះ ពេលនេះវាបានក្លាយទៅជាការពិតហើយ ដោយក្រុមហ៊ុនដ៏ធំមួយនេះ នឹងដាក់ទីតាំងផលិត និងទីតាំងលក់នៅក្នុងប្រទេសចំនួន២។
កាលពីពេលថ្មីៗនេះ ដំណឹងដែលធ្លាយចេញពីប្រទេសថៃបានប្រកាសថា Tesla បានចុះឈ្មោះជាផ្លូវការហើយដើម្បីបើកដំណើរការក្រុមហ៊ុនលក់រថយន្តរបស់ខ្លួនជាលើកដំបូងបំផុត ខណៈដែលការចុះបញ្ជីនេះក៏មានការតម្កល់ប្រាក់ប្រមាណ ៣លានបាត ឬប្រមាណជា៨៧៥០០ដុល្លារអាមេរិក។
Tesla Company (Thailand) នឹងដំណើរការជាអាជីវកម្មសម្រាប់តែការលក់រថយន្តប៉ុណ្ណោះ ប៉ុន្តែមិនមែនជាទីតាំងសម្រាប់ផលិតរថយន្ត ឬផលិតថ្មរថយន្តនោះឡើយ ហើយលើសពីនេះក៏ជាទីតាំងសម្រាប់ផ្តល់នូវប្រព័ន្ធផ្ទុកថាមពល និងស្ថានីយសាកថ្មសម្រាប់ផលិតផលរបស់ខ្លួនផងដែរ។
គួរឲ្យដឹងដែរថា វត្តមានមកដល់នៃក្រុមហ៊ុនយក្ស Tesla គឺជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលថៃដើម្បីជំរុញឲ្យមានការប្រើប្រាស់រថយន្តអគ្គិសនីកាន់តែច្រើនឡើងក្នុងគោលបំណងសំខាន់គឺកាត់បន្ថយការបំពុលបរិយាកាស។ ជាក់ស្ដែង កាលពីខែមីនាកន្លងទៅនេះ រដ្ឋាភិបាលថៃបានអនុម័តកញ្ចប់ថវិកាជួយដល់ការទិញរថយន្តអគ្គិសនីពីសំណាក់ពលរដ្ឋថៃប្រមាណជា៣ពាន់លានបាត ព្រមទាំងកាត់បន្ថយពន្ធនាំចូលរបស់រថយន្តអគ្គសនីថែមទៀតផង។
ជាលទ្ធផលភ្លាមៗនៅក្នុងខែមីនាដដែល ក្រុមហ៊ុនចិន Great Wall Motor និង MG Motor បានយល់ព្រមក្នុងការចូលរួមគម្រោងរបស់រដ្ឋាភិបាលថៃដោយបានដាក់បញ្ឈររថយន្តអគ្គិសនីរបស់ខ្លួនលក់នៅក្នុងទីផ្សារថៃសរុបដល់ទៅ ២ ០០០គ្រឿង ហើយក្រៅពីនោះសូម្បីតែក្រុមហ៊ុនល្បីៗផ្សេងទៀតក៏បានបង្ហាញចំណាប់អារម្មណ៍ផងដែរ ដូចជា Mercedes, BMW, Honda, Mitsubishi, Nissan, Foxconn និង Hoson ជាដើម។
ដោយឡែក នៅក្នុងប្រទេសឥណ្ឌូនេស៊ីឯណោះវិញ តាមរយៈក្រសួងកិច្ចការងារថាមពលជាតិបានអះអាងថា ក្រោយកិច្ចពិភាក្សាអស់រយៈពេលជាច្រើនឆ្នាំ ក្រុមហ៊ុនផលិតរថយន្តអគ្គិសនីលំដាប់ពិភពលោក Tesla បានសម្រេចចិត្តក្នុងការវិនិយោគ និងសាងសង់រោកចក្រចំនួន២កន្លែងនៅក្នុងប្រទេសឥណ្ឌូនេស៊ី ដោយមួយជារោងចក្រផលិតថ្មសម្រាប់រថយន្តអគ្គិសនី និងមួយទៀតជារោងចក្រសម្រាប់ផលិតរថយន្តអគ្គិសនី ហើយក្រុមហ៊ុននឹងព្យាយាមដើម្បីបើកការដ្ឋានយ៉ាងលឿនបំផុតក្នុងឆ្នាំ២០២២នេះ។ នៅក្នុងសេចក្តីថ្លែងការណ៍របស់ក្រសួងបានបញ្ជាក់ថា Tesla នឹងមានវត្តមាននៅក្នុងប្រទេសឥណ្ឌូនេស៊ីក្នុងឆ្នាំនេះ ប៉ុន្តែមិនអាចបញ្ជាក់ថានៅក្នុងខែណា និងមានទំហំវិនិយោគប៉ុណ្ណានោះទេ ខណៈដែលពេលនេះទាំងភាគីក្រសួងដែលជាម្ចាស់ប្រទេស និងភាគីខាងក្រុមហ៊ុនវិនិយោគ Tesla កំពុងរៀបចំកិច្ចព្រមព្រៀងជាផ្លូវការ ហើយវានឹងផ្តល់សញ្ញាវិជ្ជមានយ៉ាងខ្លាំងចំពោះពលរដ្ឋនៅទូទាំងប្រទេស៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋចំនួន ៤ នៅអាម៉េរិក ដាក់ពាក្យប្តឹងក្រុមហ៊ុន Meta ទារប្រាក់ពិន័យ ១,៤ ទ្រីលានដុល្លារ
ព្រឹត្តិការណ៍, អាជីវកម្មថ្មី និងនវានុវត្ត
• 09/07/2026
ក្រុមហ៊ុនបច្ចេកវិទ្យាយក្ស Meta របស់លោក Mark Zuckerberg អាចនឹងប្រឈមមុខនឹងការពិន័យជាប្រាក់រហូតដល់ ១,៤ ទ្រីលានដុល្លារ បន្ទាប់ពីរដ្ឋចំនួន ៤ របស់សហរដ្ឋអាម៉េរិកបានចោទប្រកាន់ក្រុមហ៊ុននេះថា បានបង្កើតកម្មវិធី Facebook និង Instagram ឡើងក្នុងគោលបំណងទាក់ទាញកុមារ
ប៊ុលហ្ការី បង្ហោះផ្កាយរណបថ្មីចំនួន ១០ គ្រឿង និងត្រៀមពង្រីកសក្ដានុពលរបស់ខ្លួនក្នុងវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/07/2026
កាលពីថ្ងៃអង្គារសប្ដាហ៍នេះ មេដឹកនាំប្រទេសប៊ុលហ្ការី បានបង្ហាញវត្តមាននៅក្នុងព្រឹត្តិការណ៍បាញ់បង្ហោះផ្កាយរណបថ្មីៗចំនួន១០គ្រឿងទៀតរបស់ខ្លួនចូលទៅក្នុងលំហអាកាស
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content