សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការអភិវឌ្ឍសេដ្ឋកិច្ចសកលមិនអាចខ្វះបានឡើយនូវកត្តា និងសកម្មភាពអាជីវកម្មជាច្រើន ដោយក្នុងនោះប្រតិបត្តិការផ្ទេរប្រាក់ (remittance) បានចូលរួមចំណែកកាន់តែច្រើនឡើងជារៀងរាល់ឆ្នាំ ជាពិសេសអំឡុងពេលដែលពិភពលោកកំពុងជួបវិបត្តិជំងឺរាតត្បាតកន្លងមក។
បច្ចុប្បន្ននេះមានវិធីសាស្ត្រយ៉ាងច្រើនដែលមានស្រាប់ បូកបញ្ចូលជាមួយបច្ចេកវិទ្យាកាន់តែទំនើបផងនោះ បានធ្វើឲ្យប្រតិបត្តិការនៃការផ្ទេរបា្រក់ទាំងក្នុងប្រទេស និងក្រៅប្រទេសកាន់តែទទួលបានកំណើនឡើង និងបានដើរតួកាន់តែសំខាន់ចំពោះសេដ្ឋកិច្ចសកល ហើយនឹងបន្តកើនឡើងបន្ថែមទៀតជារៀងរាល់ឆ្នាំ។ នេះបើយោងតាមការលើកឡើងរបស់អ្នកនាង Rasika Raina អនុប្រធានជាន់ខ្ពស់កិច្ចការងារយុទ្ធសាស្ត្រ និងដំណោះស្រាយនៃក្រុមហ៊ុន Mastercard ។
របាយការណ៍ផ្លូវការបានបង្ហាញថា ប្រតិបត្តិការផ្ទេរប្រាក់របស់សកលលោក ( Global Remittances ) មានទំហំប្រមាណជា ៧៩៤ពាន់លានដុល្លារកាលពីឆ្នាំ២០២២ ហើយរំពឹងទុកថាវានឹងមានកំណើនទៅដល់៨១០ពាន់លានដុល្លារនៅឆ្នាំ២០២៣នេះ។
ការទូទាត់ប្រាក់នៅក្នុងទីផ្សារអន្តរជាតិដ៏សំបូរបែប និងមានតម្លៃសេវាទាបបានធ្វើឲ្យក្រុមអតិថិជន និងក្រុមអ្នកធ្វើជំនួញកាន់តែច្រើនឡើងជ្រើសយកការប្រកបការងារ និងការប្រកបអាជីវកម្មជួញដូរឆ្លងប្រទេស ជាពិសេសអំឡុងពេលដែលសេដ្ឋកិច្ចរបស់សកលលោកចាប់ផ្តើមប្រែប្រែលនៅពេលវិបត្តិកូវីដកំពុងផ្ទុះឡើង។ ទោះបីជាយ៉ាងណាក្តី កំណើនយ៉ាងគំហុកនៃបច្ចេកវិទ្យាទូទាត់ប្រាក់ និងផ្ទេរប្រាក់ដ៏ទូលំទូលាយបែបនេះក៏បានធ្វើឲ្យក្រុមអ្នកជំនួញ និងក្រុមអ្នកជំនាញមានក្តីព្រួយបារម្ភមិនតិចនោះដែរ ជាពិសេសករណីក្លែងបន្លំ និងកម្រិតសន្តិសុខនៃបច្ចេកវិទ្យាដែលពួកគេកំពុងប្រើប្រាស់។
ការស្រាវជ្រាវមួយដោយ Mastercard រកឃើញថា ក្រុមអ្នកជំនួញ និងក្រុមអ្នកជំនាញសរុបប្រមាណជា ១១ ០០០នាក់ មកពី ១៥ប្រទេសបានបង្ហាញអំពីភាពភ័យខ្លាចនៅពេលដែលពួកគេធ្វើប្រតិបត្តិការផ្ទេរ ឬទទួលប្រាក់ឆ្លងប្រទេស។ ក្នុងនោះ របាយការណ៍ស្រាវជ្រាវបង្ហាញថា ក្រុមហ៊ុនអាជីវកម្មខ្នាតតូច ( SME ) ប្រមាណជា ៤១ភាគរយមានការបារម្ភចំពោះការទូទាត់លុយតាមអនឡាញ ហើយប្រមាណជា ៤៧ភាគរយនៃពួកគេសារភាពថា ធ្លាប់មានបញ្ហាក្នុងការទូទាត់ប្រាក់អនឡាញទៅក្រៅប្រទេស ហើយបច្ចុប្បន្នពួកគេមានភាពទុកចិត្តកាន់តែតិចឡើងចំពោះប្រតិបត្តិការនេះ និងជាលទ្ធផលប្រតិបត្តិការទូទាត់លុយអនឡាញរបស់ពួកគេមានចំនួនធ្លាក់ចុះ។
អ្នកនាង Raina បាននិយាយថា ការរំពឹងទុករបស់ទីផ្សារគឺជាបទពិសោធន៍របស់អ្នកប្រើប្រាស់សម្រាប់ការទូទាត់ក្នុងប្រទេសឲ្យអាចមានកម្រិតទុកចិត្តមួយដូចទៅនឹងការទូទាត់ឆ្លងប្រទេសដែរ។ ទោះជាយ៉ាងណាក៏ដោយ ការទូទាត់ឆ្លងប្រទេសនៅតែមានបញ្ហាប្រឈមមុខជាច្រើននៅឡើយ។ ការទូទាត់ក្រៅប្រទេសមានភាពយឺតយ៉ាវ មិនសូវមានតម្លាភាព ហើយអ្នកប្រើប្រាស់មិនច្បាស់លាស់ឡើយសូម្បីតែពួកគេនឹងត្រូវបងសេវាប៉ុន្មានជាដើម។
នាង Raina បន្តថា ក្នុងពេលដែលទំហំនៃការទូទាត់ប្រាក់កាន់មានចំនួនកើនឡើងខ្លាំងប្រភេទ និងវិធីសាស្ត្រនៃការក្លែងបន្លំក៏មានច្រើនដូចគ្នាបូករួមទាំង scam និងការលាងលុយខុសច្បាប់ផង។
គួរឲ្យដឹងដែរថា របាយការណ៍ស្រាវជ្រាវផ្សេងទៀតដោយ PwC បានរកឃើញថា អាជីវកម្មតូចធំលើពិភពលោកចន្លោះពីឆ្នាំ២០១៨ ដល់ឆ្នាំ២០២០ បានខាតបង់ប្រាក់ដោយសារបញ្ហាក្លែងបន្លំដល់ទៅ ៤២ពាន់លានដុល្លារ៕
Account
Security
Favourite Content