សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ប្រទេសអែលសាល់វ៉ាឌ័រ ដែលមានឈ្មោះជាផ្លូវការថា សាធារណរដ្ឋអែលសាល់វ៉ាឌ័រ ស្ថិតនៅអាមេរិកកណ្តាល បានអនុម័តច្បាប់ជាផ្លូវការនូវទទួលយក bitcoin ជារូបិយប័ណ្ណស្របច្បាប់ ដែលក្លាយជាប្រទេសដំបូងគេក្នុងការទទួលយក bitcoin ជារូបិយប័ណ្ណស្របច្បាប់នេះ ខណៈពេលដែលតម្លៃ Bitcoin បានធ្លាក់ចុះជាង ១០ភាគរយ គិតត្រឹមល្ងាចព្រឹកថ្ងៃពុធនៅកម្ពុជា។
សភាអែលសាល់វ៉ាឌ័បានចាប់ផ្តើមអនុម័តច្បាប់ដែលអនុញ្ញាតឱ្យទទួលយក bitcoin ជារូបិយប័ណ្ណស្របច្បាប់សម្រាប់ការទិញទំនិញ និងសេវាកម្មទាំងអស់នៅក្នុងប្រទេស ដូចនឹងប្រាក់ដុល្លារអាមេរិកតាំងពីខែមិថុនាឆ្នាំ២០២១។
ក្នុងការបើកដំណើរការប្រព័ន្ធស្របច្បាប់នៃការទូទាត់ Bitcoin នេះ ប្រធានាធិបតីអែលសាល់វ៉ាឌ័រ លោក Nayib Bukele បានអះអាងថាការផ្លាស់ប្តូរនេះនឹងផ្តល់អត្ថប្រយោជន៍២ធំៗគឺ ទី១បើកលទ្ធភាពឱ្យប្រជាជនអែលសាល់វ៉ាឌ័រជាច្រើនអាចប្រើសេវាកម្មធនាគារជាលើកដំបូង (ដែលប្រជាជនប្រមាណ៧០%ពុំមានគណនីធនាគារ) និងទី២ សន្សំប្រាក់បានប្រមាណ ៤០០លានដុល្លារអាមេរិកលើកម្រៃផ្ញើប្រាក់ពីក្រៅប្រទេសចូលក្នុងស្រុករៀងរាល់ឆ្នាំ (ដែលការផ្ញើប្រាក់ពីបរទេសសរុបមានចំនួន ៥,៩ ពាន់លានដុល្លារកាលពីឆ្នាំ ២០២០)។
ការបើកដំណើរការប្រព័ន្ធទូទាត់កាក់ bitcoin នេះ រដ្ឋាភិបាលប្រទេសអែលសាល់វ៉ាឌ័រ បានបង្កើតកម្មវិធីឌីជីថលមួយមានឈ្មោះថា Chivo ដែលអនុញ្ញាតឱ្យពលរដ្ឋអែលសាល់វ៉ាឌ័រអាចធ្វើប្រតិបត្តិការទូទាត់ប្រាក់តាមរូបិយប័ណ្ណឌីជីថល។ ប្រជាជនអែលសាល់វ៉ាឌ័រ អាចទាញយកនិងប្រើប្រាស់កម្មវិធីនេះនៅលើទូរសព្ទដៃនឹងទទួលបានទឹកប្រាក់ចំនួន ៣០ដុល្លារនៃ bitcoin ភ្លាមៗ។
ក្នុងនាមជារូបិយប័ណ្ណស្របច្បាប់នៅប្រទេសអែលសាល់វ៉ាឌ័រ កាក់ bitcoin អាចត្រូវបានប្រើនៅក្នុងប្រតិបត្តិការទូទាត់ប្រាក់ ហើយអាជីវកម្មនឹងត្រូវទទួលយកប្រព័ន្ធទូទាត់នេះយោងតាមច្បាប់ដែលបានអនុម័តនៅខែមិថុនា។ ច្បាប់នេះក៏បានចែងផងដែរថាពលរដ្ឋអាចបង់ពន្ធដោយប្រើកាក់ bitcoin ផងដែរ។ ដោយឡែក ធនាគារពិភពលោក និងមូលនិធិរូបិយវត្ថុអន្ដរជាតិ (IMF) បានបង្ហាញទស្សនៈនៃការអនុម័ត Bitcoin របស់ប្រទេសអែលសាល់វ៉ាឌ័រនេះថា វានឹងធ្វើឱ្យប្រទេសអែលសាល់វ៉ាឌ័រក្លាយជាគោលដៅចម្បងនៃការលាងលុយកខ្វក់ និងសកម្មភាពហិរញ្ញវត្ថុខុសច្បាប់ដទៃទៀត។ ទោះបីជារងការរិះគន់នូវមតិអវិជ្ជមានពីមជ្ឈដ្ឋានអន្តរជាតិ និងពលរដ្ឋមួយចំនួនរួមទាំងការធ្លាក់ចុះនៃតម្លៃ Bitcoin យ៉ាងគំហុកនេះក្តី ប្រធានាធិបតីអែលសាល់វ៉ាឌ័រ លោក Nayib Bukele នៅតែប្រកាន់ជំហររឹងមាំ និងថែមទាំងប្រកាសតាមរយៈបណ្តាញសង្គម Tweeter ថាលោកបានទិញកាក់ Bitcoin ចំនួន១៥០កាក់់បន្ថែមទៀតផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content