សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កម្ពុជា ជាប្រទេសមួយមានអំណោយពីធម្មជាតិខាងផ្នែកកសិកម្ម ដែលមានផ្ទៃដីអាចដាំដុះដំណាំជាច្រើនមុខ ច្រើនប្រភេទ ជាមួយនឹងការទទួលបានទិន្នផលខ្ពស់។ ប៉ុន្តែ ទោះជាយ៉ាងណា បញ្ហាទីផ្សារនៅតែមានភាពប្រឈមខ្លះៗ ដែលតម្រូវឱ្យកសិករខ្លួនឯកស្វែងយល់ពីចំណេះដឹងបច្ចេកទេសក្នុងកាដាំដុះឱ្យត្រូវតម្រូវការទីផ្សារចង់បាន ជាពិសេសមានកិច្ចសហការគ្នាជាសហគមន៍នៅក្នុងតំបន់ ដើម្បីធ្វើយ៉ាងណាអាចទទួលបានទំនុកចិត្តពីឈ្មួញកណ្តាល ឬជាទីផ្សារគោលដៅ។
លោក ឆេង ថុង ប្រធានសហគមន៍សំបូរមានជ័យ បានរៀបបរាប់ពីមូលហេតុសំខាន់ៗមួយដែលកសិករអាចចូលរួម និងអភិវឌ្ឍសហគមន៍ ដោយលើកយកពីបច្ចេកទេសនៃការដាំដុះស្លឹកគ្រៃ និងតម្រូវការទីផ្សារបង្ហាញថា ៖
«បើគិតពីតម្រូវស្លឹកគ្រៃរបស់សហគមន៍យើងទាល់តែជាង ១០តោនក្នុងមួយថ្ងៃទើបគ្រប់ ហើយមូលហេតុដែលឈ្មួញគេទុកចិត្តលើស្លឹកគ្រៃរបស់យើងគឺបរិមាណកសិផលដែលយើងអាចផ្គត់ផ្គង់បានឱ្យគេ ធានាចំពោះគុណភាពស្លឹកគ្រៃ និងការទុកចិត្តគ្នា ព្រោះទាំងឈ្មួញ និងសមាជិកអ្នកផលិតត្រូវការភាពជាក់លាក់ និងទៀងទាត់ដាក់ឱ្យបាន ឬមិនបានត្រូវប្រាប់គ្នា ចំណែកឯតម្លៃគឺស្ថិតនៅចន្លោះកណ្ដាលសម្រាប់ឈ្មួញ និងកសិករដែលអាចចំណេញទាំងអស់គ្នា ឬមានការចរចាតម្លៃគ្នាជាមុននៅពេលមានការប្រែប្រួល»។
ប្រធានសហគមន៍រូបនេះបានបន្ថែមឱ្យដឹងទៀតថា ចំពោះគុណភាពរបស់ស្លឹកគ្រៃ សហគមន៍ក៏បានលើកទឹកចិត្តឱ្យកសិករប្រើជីធម្មជាតិ ជាពិសេសលាមកគោ ធ្វើជាជីកំប៉ុស្តិ៍ ដែលធ្វើឲ្យមាននិរន្តរភាពក្នុងការដាំដុះ ក៏ដូចជាមានទាំងគុណភាពស្លឹកគ្រៃ និងគុណភាពដី ខុសពីជីគីមីដែលអាចធ្វើឲ្យខូចដី និងប៉ះពាក់សុខភាពអ្នកទទួលទាន។ ជាក់ស្ដែងគុណភាពរបស់ស្លឹកគ្រៃខ្មែរ ដាំដុះក្នុងស្រុកមានក្លិនឈ្ងុយល្អ ពេលកិនជាគ្រឿងអាចទុកបានយូរមិនងាយផ្អូម ព្រោះមិនសូវមានជាតិទឹក។
ដោយឡែក ចំពោះបរិមាណនៃការផ្គត់ផ្គង់ ស្លឹកគ្រៃរបស់សហគមន៍សំបូរមានជ័យមួយថ្ងៃគេអាចផ្គត់ផ្គង់ជាមធ្យម ៣តោន និងអាចកើនឡើងដល់ ១០តោនក្នុងមួយថ្ងៃ ដោយលក់ទៅឱ្យម៉ូយដែលជាអ្នកយកទៅលក់បន្ត ក៏ដូចជាអ្នកកិនគ្រឿងលក់នៅតាមផ្សារបៃបប្រពៃណី ដូចជា ផ្សារស្គន់ ផ្សារព្រែកអញ្ចាញ ផ្សារដើមគ និងផ្សារនាគមាសជាដើម ហើយចំពោះតម្លៃវិញ ស្លឹកគ្រៃ ១គីឡូលក្រាមមានតម្លៃចាប់ពី ១០០០-១៣០០រៀល។
គួរបញ្ជាក់ដែរថា សហគមន៍សំបូរមានជ័យបានចាប់ផ្ដើមនៅឆ្នាំ ២០១០ ដោយមានសមាជិកត្រឹម ៨៨នាក់ ក្នុងដើមទុនជាង៥លានរៀល ប៉ុន្តែការអនុវត្តដាំស្លឹកគ្រៃទើបតែចាប់ផ្ដើមប្រមាណ ៦ឆ្នាំប៉ុណ្ណោះ ដោយបានសិក្សាទីផ្សារ និងពង្រីកការដាំដុះរហូតដល់បច្ចុប្បន្នសហគមន៍នេះមានសមាជិកប្រមាណ ១៣០០គ្រួសារ និងជាង ២០០គ្រួសារដាំស្លឹកគ្រៃលើផ្ទៃជាង ៧០ហិកតារៀងរាល់ឆ្នាំ។ សម្រាប់ពេលអនាគត លោក ឆេង ថុង បានប្រាប់ដែរថា លោកចង់សហការជាមួយក្រុមហ៊ុននានាដើម្បីនាំស្លឹកគ្រៃចេញទៅក្រៅប្រទេសបន្ថែមទៀត៕
Account
Security
Favourite Content