សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ម៉ាឡេស៊ី ៖ ស្ថានទូតកម្ពុជាប្រចាំប្រទេសម៉ាឡេស៊ីកាលពីថ្ងៃចុងសប្តាហ៍កន្លងទៅនេះបានចូលរួម និងនាំយកផលិតផលកម្ពុជាដែលមានសក្ដានុពលដាក់តាំងបង្ហាញនៅក្នុងកម្មវិធីពិព័រណ៍ Wisma Putra 2023 នៅទីស្តីការក្រសួងការបរទេសម៉ាឡេស៊ី ដើម្បីជំរុញ និងបង្កើនការនាំចេញឱ្យបានកាន់តែច្រើនថែមទៀត។
ចំពោះបណ្តាផលិតផលដែលកម្ពុជានាំយកទៅដាក់តាំងបង្ហាញនៅក្នុងព្រឹត្តិការនៃកម្មវិធីពិព័រណ៍នេះរួមមានដូចជា អង្ករ គ្រាប់ស្វាយចន្ទីរ ម្រេចកំពត អំបិលកំពត កាហ្វេ ទឹកឃ្មុំធម្មជាតិ និងផលិតផលខ្មែរជាច្រីនទៀតដែលផលិតចេញពីផ្លែឈើរបស់កម្ពុជា។ ជាងនេះទៅទៀត ក៏បានដាក់តាំងបង្ហាញសម្លៀកបំពាក់ប្រពៃណីខ្មែរ ក្រម៉ា វត្ថុអនុស្សាវរីយ៍ សៀភៅរូបភាព និងវីដេអូ ដើម្បីផ្សព្វផ្សាយអំពីបរិយាកាសវិនិយោគ ការទូត សេដ្ឋកិច្ច ពាណិជ្ជកម្ម ទេសចរណ៍ និងវប្បធម៌ជាតិរបស់កម្ពុជាផងដែរ។
ប្រភពស្ថានទូតកម្ពុជាប្រចាំប្រទេសម៉ាឡេស៊ី បានឱ្យដឹងថា ៖ ការចូលរួមតាំងពិព័រណ៍នេះ ក្នុងគោលបំណងផ្សព្វផ្សាយផលិតផលខ្មែរ និងវប្បធម៌ខ្មែរ ក៏ដូចជាទាក់ទាញអ្នកវិនិយោគទុនដែលចាប់អារម្មណ៍លើផលិតផលមានសក្តានុពលរបស់កម្ពុជា។
គួរបញ្ជាក់ផងដែរថា ម៉ាឡេស៊ី គឺជាប្រទេសដែលឈរលំដាប់ទី៦ ក្នុងចំណោមបណ្តាប្រទេសដែលបានបោះទុនវិនិយោគច្រើនជាងគេនៅកម្ពុជា។ ជាក់ស្ដែង ទំហំពាណិជ្ជកម្មទ្វេភាគីរវាងប្រទេសទាំង២មានការកើនឡើងពី ៥០០លានដុល្លារកាលពីឆ្នាំ២០២១ ដល់ ៦២០លានដុល្លារនៅឆ្នាំ២០២២ ជាពិសេសត្រឹមរយៈពេល ៧ខែ ឆ្នាំ២០២៣ កន្លងទៅនេះ ទំហំពាណិជ្ជកម្មបានកើនឡើងរហូតដល់ប្រមាណ ៣៧៧លានដុល្លារ។ ដោយ ៖ ញ៉ែម សុផល
Account
Security
Favourite Content