សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ៊ុយក្រែន ៖ ស្លឹកឈើដែលជ្រុះចោលទៅនឹងដីត្រូវបានមនុស្សមិនឲ្យតម្លៃនោះឡើយ ដោយវាបានក្លាយជារឿងធម្មតាទៅហើយសម្រាប់មនុស្សភាគច្រើននៅលើពិភពលោកនេះ ប៉ុន្តែនៅប្រទេសអ៊ុយក្រែនឯណោះវិញ ក្នុងរយៈពេលប៉ុន្មានឆ្នាំចុងក្រោយនេះវាកំពុងត្រូវបានគេធ្វើឲ្យមនុស្សគ្រប់គ្នាមានការភ្ញាក់ផ្អើលយ៉ាងខ្លាំងនៅពេលដែលស្លឹកឈើដែលជ្រុះចោល បែរជាអាចយកមកកែច្នៃ និងផលិតបានទៅជាក្រដាសសម្រាប់ប្រើប្រាស់ជាប្រយោជន៍ច្រើនមុខទៅវិញ។
គំនិតច្នៃប្រឌិតដែលយើងមិននឹកស្មានដល់បែបនេះ គឺត្រូវបានរកឃើញដោយនិស្សិតជនជាតិអ៊ុយក្រែនម្នាក់កាលពី ៣ឆ្នាំមុន មានឈ្មោះថា Valentyn Frechka ជាមួយនឹងការបង្កើតគម្រោងថ្មីមួយដែលហៅថា Re-leaf Paper តាមរយៈការស្រាវជ្រាវ និងតេស្តបែបវិទ្យាសាស្ត្រ និងកំសាន្តមួយនៅសាលារៀន ហើយក៏បែកចេញជាគំនិតដ៏អស្ចារ្យមួយនេះឡើង។
“គំនិតមួយនេះបើគិតទៅវាជារឿងបែបសាមញ្ញបំផុត។ អ្វីដែលយើងជឿជាក់នោះគឺថារាល់សំរាម និងកាកសំណល់ទាំងអស់គឺសុទ្ធតែអាចប្រើប្រាស់ឡើងវិញបាន ឬយកមកកែច្នៃឡើងវិញបានទាំងអស់។ តួយ៉ាងដូចជាស្លឹកឈើ ដែលជាសំរាមតែងកើតមាននៅតាមទីសាធារណៈត្រូវតែប្រមូលយកមកទាំងអស់ ជាពិសេសនៅក្នុងទីក្រុងទៅចាក់ចោលឲ្យឆ្ងាយ ពីព្រោះថាវានឹងបញ្ចេញសារធាតុកាបូនឌីអុកស៊ីតនៅពេលដែលវារលួយ”
Frechka បាននិយាយថា
លោកបានលើកឡើងឲ្យដឹងទៀតថា គ្រាដំបូងនៅពេលដែលលោកយកវាមកកែច្នៃ លោកបានទទួលរងនូវពាក្យរិះគន់ជាច្រើនដោយសារតែមនុស្សមិនសូវយល់ពីតម្លៃនៃការកែច្នៃ ហើយមានកង្វល់ទៅការបញ្ចេញសារធាតុកាបូនឌីអុកស៊ីត ប៉ុន្តែជាលទ្ធផលនៅពេលដែលលោកយកវាមកកែច្នៃ និងផលិតចេញជាក្រដាសដ៏ស្រស់ស្អាតបានយ៉ាងសមរម្យនោះ គឺទទួលបានការគាំទ្រ និងបញ្ជារទិញពីអតិថិជនជាច្រើន ជាពិសេសពីបណ្តាហាងលក់ទំនិញដែលចូលចិត្តស្រលាញ់ និងថែរក្សាបរិស្ថានតែម្ដង។
គួរឲ្យដឹងដែរថា លោក Valentyn Frechka បច្ចុប្បន្នកំពុងតែប្រើប្រាស់ក្រដាសដែលបានកែច្នៃមកពីស្លឹកឈើទាំងនោះក្នុងការផលិតជាកាបូបផង និងសម្ភារៈប្រើប្រាស់ប្រចាំថ្ងៃជាច្រើនប្រភេទ ដូចជាក្រដាសវេចខ្ចប់ ចាន កែវ ក្រដាសទម្រ ក៏ដូចជាសម្ភារផ្សេងៗទៀត ដែលទីតាំងហាងផ្គត់ផ្គង់របស់លោកស្ថិតនៅក្នុងទីក្រុង Kyiv ប្រទេសអ៊ុយក្រែន និងមានជំនួយពីសិប្បកម្មផលិត និងកាត់ក្រដាសក្នុងស្រុកមួយកន្លែងដើម្បីអាចដំណើរការបណ្តោះអាសន្នក្នុងដំណាក់ដំបូងនេះនៅឡើយ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន អំពាវនាវឱ្យអាម៉េរិកឈប់គំរាមកំហែងលើក្រុមហ៊ុន AI របស់ខ្លួន និងយកបញ្ហាបច្ចេកវិទ្យាមកធ្វើជាឧបករណ៍នយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
ថ្នាក់ដឹកនាំកំពូលចិន បានអំពាវនាវឱ្យអាម៉េរិកបញ្ឈប់ការគំរាមកំហែងមកលើក្រុមហ៊ុន AI របស់ខ្លួន ហើយកុំយកបញ្ហាបច្ចេកវិទ្យាមកធ្វើជាឧបករណ៍នយោបាយ
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
ស្ថាប័នចំនួន ៣ រួមដៃគ្នារៀបចំវគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល ដើម្បីកាត់បន្ថយចំណាយថ្លៃដើម
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
សហព័ន្ធអភិវឌ្ឍន៍ស្វាយកម្ពុជា (CMDF) បានរៀបចំ «វគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល» រយៈពេល ៣ថ្ងៃ នៅសាលាស្រុកត្រពាំងប្រាសាទ ស្ថិតក្នុងភូមិទួលតាសេក ខេត្តឧត្តរមានជ័យ ដល់យុវជនក្នុងមូលដ្ឋាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content