សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្បូងឃ្មុំ៖ ជាខេត្តមួយដែលបានកាត់ផ្ដាច់ចេញពីខេត្តកំពង់ចាម ក្នុងនាមជាខេត្តថ្មីដែលកំពុងអភិវឌ្ឍជាបន្តបន្ទាប់ស្ទើរគ្រប់វិស័យ ជាពិសេសផ្នែកហេដ្ឋារចនាសម្ព័ន្ធនានាក្រោមការវិនិយោគពីសំណាក់រាជរដ្ឋាភិបាល ក៏ដូចជាវិស័យឯកជនផងដែរ។ ដោយឡែក សម្រាប់វិស័យទេសចរណ៍របស់ខេត្តមួយនេះក៏កំពុងមានភាពរីកចម្រើនគួរឱ្យកត់សម្គាល់ ជាពិសេសតំបន់ទេសចរណ៍សហគមន៍ដែលកើតចេញពីការកែច្នៃរបស់ប្រជាសហគមន៍។
ស្ពានបឹងឈូក ជាឈ្មោះរមណីយដ្ឋានមួយកន្លែងដែលត្រូវបានរចនាឡើងដោយការយកបឹងឈូកជាចំណុចចម្បងភ្ជាប់ជាមួយវាលស្រែ មានទីតាំងស្ថិតក្នុងឃុំប៉ើស២ ស្រុកក្រូចឆ្មារ ខេត្តត្បូងឃ្មុំ ក្នុងនាមជាកន្លែងកម្សាន្តថ្មីមួយដែលមានទេសភាពបឹងឈូកយ៉ាងស្រស់ស្អាត ខ្យល់បរិសុទ្ធ ក៏ដូចជាមានអាហារឆ្ងាញ់ៗផងដែរ។
លោក រឿន ថាវរ័ត្ន ជាម្ចាស់រមណីយដ្ឋាន ស្ពានបឹងឈូក បានមានប្រសាសន៍ឱ្យដឹងថា លោកបង្កើតកន្លែងកម្សាន្តនេះឡើងដោយសារតែមានចំណូលចិត្តដើរលេងនៅតាមតំបន់ដែលមានទេសភាពបែបធម្មជាតិ ហើយមើលឃើញពីភាពពេញនិយមរបស់បងប្អូនក្នុងស្រុកក្នុងការដើរកម្សាន្ត ក៏ដូចជាថតរូបភាពស្អាតនៅកន្លែងថ្មីបែបធម្មជាតិ។
លោកបានបញ្ជាក់ថា ៖
“ខ្ញុំបង្កើតស្ពានបឹងឈូកនេះ ដោយសារខ្ញុំស្រឡាញ់ការងារនេះ ហើយចង់ឱ្យមានកន្លែងកម្សាន្តនៅក្នុងស្រុក ព្រោះស្រុកយើងមិនសូវមានកន្លែងដើរលេងទេ ហើយក៏មើលឃើញថាបងប្អូនយើងគាត់ចូលចិត្តដើរលេងកន្លែងថ្មីៗ និងថតរូបបានស្អាតៗ”
លោកបន្តថា ៖
“ចំពោះភ្ញៀវដែលចូលមកលេងនៅទីនេះមានស្ទើររាល់ថ្ងៃ ដោយថ្ងៃធម្មតាមានបងប្អូនចូលមកលេង និងទទួលទានអាហារប្រមាណ១០០-២០០នាក់ ចំណែកពេលមានបុណ្យទានវិញមានភ្ញៀវកើនឡើងដល់ ៤០០-៦០០នាក់ ហើយភ្ញៀវដែលចូលមកលេងនៅស្ពានបឹងឈូកគឺក្នុងឱកាសបុណ្យទាន ក៏ដូចជាបុណ្យចូលឆ្នាំកន្លងទៅនេះភាគច្រើនជាប្រជាជនមកទីក្រុង ឬក៏តំបន់ឆ្ងាយៗដែលពួកគាត់មកលេងកម្សាន្ត ទទួលទានអាហារ ក៏ដូចជាផ្ដិតយកទិដ្ឋភាពស្អាតៗផងដែរ”
យ៉ាងណាមិញ រមណីយដ្ឋាន ស្ពានបឹងឈូក ដែលបានលាក់ខ្លួនក្នុងស្រុកក្រូឆ្មារបានបើកដំណើរការប្រមាណពីរឆ្នាំមកហើយ ដោយមានសេវាកម្មបម្រើអាហារជាង២០មុខ ភេសជ្ជៈ និងមានខ្ចុះសម្រាប់អង្គុយលេងផងដែរ ហើយអ្វីដែលគួរឱ្យទាក់ទាញនោះគឺទេសភាពបឹងឈូកដ៏ស្រស់ត្រកាលស័ក្ដិសមទៅនឹងឈ្មោះថា ស្ពានបឹងឈូក ផ្ទាល់តែម្ដង។
បន្ថែមពីលើនេះ ទីរមណីយដ្ឋានមួយនេះ អាចចាត់ទុកជាការកែច្នៃធនធានដែលមានស្រាប់ ឱ្យអាចទទួលបានផលប្រយោជន៍ក្រៅពីទិន្នផលផ្លែឈូកតែមួយមុខ ពោលគឺអាចរកចំណូលបន្ថែមពីការមកលេង និងទទួលទានអាហាររបស់បងប្អូនក្នុងភូមិស្រុកផងដែរ។
គួរបញ្ជាក់ដែរថា លោក ថាវរ័ត្ន និងគ្រួសារបានរួមគ្នាបង្កើតរមណីយដ្ឋាននេះឡើងក្នុងដើមទុនប្រមាណ ១ម៉ឺនដុល្លារដែលបានចំណាយលើការរៀបចំ សម្ភារតុបតែងផ្សេងៗ ធ្វើយ៉ាងណាឱ្យមានសោភ័ណភាពអាចទាក់ទាញភ្ញៀវក្មេងចាស់ចូលមកលេងកម្សាន្តបាន។
ជាចុងក្រោយ ម្ចាស់រមណីយដ្ឋានរូបនេះក៏សូមអរគុណដល់បងប្អូនជិតឆ្ងាយ ដែលបានចូលមកលេងក៏ដូចជាគាំទ្រតំបន់ទេសចរណ៍ក្នុងស្រុកថ្មីមួយនេះ ហើយលោកនឹងខិតខំពង្រីកកន្លែងឱ្យកាន់តែធំ ស្រស់ស្អាត ប្លែកៗ និងកាន់តែទាក់ទាញបន្ថែមទៀតផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content