សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំណើនដ៏ខ្លាំងក្លានៃការផ្លាស់ប្តូរអត្តចរិតអ្នកប្រើប្រាស់ និងទទួលទានប្រភេទអាហារផ្តល់អត្ថប្រយោជន៍ច្រើនសម្រាប់សុខភាព ដែលមានសម្បូរទៅដោយប្រូតេអ៊ីនខ្ពស់នាពេលបច្ចុប្បន្ន បានធ្វើឲ្យប្រភេទអាហារបែបសម្រន់ដូចជាគ្រាប់ស្វាយចន្ទីមានតម្រូវការទីផ្សារខ្ពស់ទាំងនៅក្នុងស្រុក ក្នុងតំបន់ និងនៅលើពិភពលោក។
បើគេនៅចាំមិនភ្លេចនោះទេ កាលពីប្រមាណ៤-៥ឆ្នាំមុន កសិផលនៃដំណាំគ្រាប់ស្វាយចន្ទីកម្ពុជាបានជួបឱនភាពទីផ្សារដោយសារការប្រកួតប្រជែងតម្លៃពីសំណាក់បណ្តាប្រទេសជិតខាង រហូតធ្វើឲ្យគ្រាប់ស្វាយចន្ទីមានការធ្លាក់ចុះការនាំចេញរហូតធ្វើឲ្យប្រជាកសិករដែលជាអ្នកបង្ករបង្កើនផលមួយចំនួនធ្លាក់ទឹកចិត្ត។
ផ្ទុយពីអ្វីដែលបានលើកឡើងខាងលើនេះ ជាការគួរឲ្យកត់សម្គាល់ ចាប់តាំងពីដើមឆ្នាំ២០២០ ជាពិសេសនៅក្នុងឆ្នាំ២០២១នេះ ទំហំនៃការនាំចេញគ្រាប់ស្វាយចន្ទីរបស់កម្ពុជាទទួលបានកំណើនរហូតទៅដល់៣០០ភាគរយ ឬត្រូវជា៩១តោន នេះបើយោងតាមរបាយការណ៍ដែលធ្វើឡើងដោយក្រសួងកសិកម្មរុក្ខាប្រម៉ាញ់ និងនេសាទគិតត្រឹមរយៈពេល១០ខែប៉ុណ្ណោះ ខណៈដែលទីផ្សារធំរបស់កម្ពុជានៅតែជាវៀតណាម ហើយបន្តបន្ទាប់មានដូចជាប្រទេសចិន, ឥណ្ឌា,ជប៉ុន និងកូរ៉េជាដើម។
ជាមួយគ្នានេះ ស្របទៅនឹងកំណើននៃការនាំចេញ បច្ចុប្បន្ននេះគ្រាប់ស្វាយចន្ទីកម្ពុជាត្រូវបានគេមើលឃើញថា សិប្បករខ្នាតតូច និងមធ្យម ក៏ដូចជាអ្នកប្រកបអាជីវកម្មលក្ខណៈគ្រួសារក្នុងស្រុកចាប់ផ្តើមធ្វើការកែច្នៃគ្រាប់ស្វាយចន្ទីឲ្យក្លាយជាផលិតផលសម្រេចដាក់លក់នៅលើទីផ្សារកម្ពុជា និងទទួលបានការគាំទ្រយ៉ាងច្រើនពីប្រជាជនក្នុងស្រុកដោយផ្ទាល់តែម្ដង។ ដូច្នេះមានន័យថា តម្រូវការគ្រាប់ស្វាយចន្ទីកំពុងមានការកើនឡើងទាំងនៅក្នុងក្នុងស្រុក ក្នុងតំបន់ និងក្នុងពិភពលោកផងដែរ។ គួរកត់សម្គាល់ផងដែរថា រហូតមកដល់ពេលនេះ ស្ថិរភាពទីផ្សារ និងតម្រូវការគ្រាប់ស្វាយចន្ទីរបស់សកលលោកនៅមិនទាន់មានសញ្ញាណាមួយបង្ហាញពីភាពថមថយនៅឡើយ ហើយក៏ជាសញ្ញាមួយដ៏ល្អសម្រាប់អ្នកដាំដុះក៏ដូចជាអ្នកផលិតពង្រឹងលទ្ធភាព ត្រៀមខ្លួនឲ្យបានរួចរាល់ ដើម្បីអាចក្លាយទៅជាអ្នកផ្គត់ផ្គង់ ដែលអាចប្រកួតប្រជែង និងទាញយកចំណែកទីផ្សារអន្តរជាតិបាន។ ទីផ្សារធំបំផុតរបស់ពិភពលោកបច្ចុប្បន្ននេះគឺតំបន់អឺរ៉ុប ដែលកំពុងតែកាន់កាប់ចំណែកទីផ្សារប្រមាណ ៣៥ – ៤០ភាគរយនៃផលិតផលសម្រេចគ្រាប់ស្វាយចន្ទី និងបានបន្តកើនឡើងក្នុងអត្រាប្រមាណ ៦ភាគរយជារៀងរាល់ឆ្នាំ គិតចាប់តាំងតែពីឆ្នាំ២០១៦រហូតមក។ នេះបើយោងតាមទិន្នន័យចុងក្រោយដែលបង្ហាញដោយ CBI.eu ដែលជាមជ្ឈមណ្ឌលផ្សព្វផ្សាយ និងលើកកម្ពស់ការនាំចេញរបស់បណ្តាប្រទេសកំពុងអភិវឌ្ឍ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម
ក្រុមហ៊ុនអុិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មី និងបង្ហាញពីផែនការឆ្ពោះទៅរកភាពរីកចម្រើន
ព្រឹត្តិការណ៍, អត្ថបទពាណិជ្ជកម្ម
• 08/04/2026
ក្រុមហ៊ុនអ៊ិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មីនិងបង្ហាញពីផែនការឆ្ពោះទៅរកភាពរីកចម្រើននៅដំណាក់កាលបន្តបន្ទាប់នាពេលអនាគត។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content