អ្នកជំនាញកសិកម្ម ៖ ការធ្វើកសិកម្មមានកុងត្រាទិញ-លក់មុនប្រមូលផល ប្រសើរជាងការធ្វើកសិកម្មទាំងប្រថុយ​ប្រថាន

ភ្នំពេញ ៖ ក្រុមអ្នកជំនាញកសិកម្មបានលើកឡើងថា ការធ្វើដំណាំកសិកម្មមានកុងត្រាទិញ-លក់ ឬ (Contract Faming) មុនពេលដាំដុះ ឬមុនប្រមូលផល មានភាពល្អប្រសើរជាងធ្វើកសិកម្មទាំងប្រថុយប្រថានដែលមានទីផ្សារមិនច្បាស់លាស់ ឬចូលដល់រដូវប្រមូលផលមិនមានឈ្មួញចុះទិញ ហើយតម្លៃទិន្នផលធ្លាក់ចុះ។  

លោកស្រី អេង រ៉ាណែត ​ប្រធានសហគមន៍កសិកម្មទំនើបម្រេចមេមត់ និងត្បូងឃ្មុំ បានមានប្រសាសន៍ថា ជារៀងរាល់ឆ្នាំ នៅពេលជិតដល់រដូវប្រមូលផលម្រេច​ គេឃើញឈ្មួញ ក៏ដូចជាតំណាងក្រុមហ៊ុននានា តែងមកសហការចុះកិច្ចសន្យាទិញ-លក់ជាមួយកសិករ ប៉ុន្តែសម្រាប់តម្លៃថ្លៃថ្នូរវិញ មានភាពមិនទៀងទាត់នោះឡើយ ដោយឆ្នាំខ្លះបានតម្លៃខ្ពស់ ឆ្នាំខ្លះបានតម្លៃទាប អាស្រ័យទៅតាមទីផ្សារជាក់ស្តែង។ តួរយ៉ាងដូចជាឆ្នាំ២០២៥នេះ ម្រេចមានតម្លៃ ៧ដុល្លារក្នុងមួយគីឡូក្រាម ខណៈដែលកាលពីឆ្នាំ២០២៣ និងឆ្នាំ២០២៤ កន្លងទៅ ម្រេចមានតម្លៃចន្លោះត្រឹមតែពី ៤ដុល្លារទៅ ៥ដុល្លារប៉ុណ្នោះក្នុង ១គីឡូក្រាម។

អ្នកស្រីបានមានប្រសាសន៍ដូច្នេះថា ៖

«ឆ្នាំនេះខុសពីឆ្នាំមុនៗ ដោយយើងបានកុងត្រា ១គីឡូ ៧ដុល្លារ ដែលជាតម្លៃល្អ និងខ្ពស់ជាងឆ្នាំចាស់ ព្រោះកាលពីឆ្នាំកន្លងទៅយើងលក់បានតែចន្លោះពី ១៦០០០រៀលទៅ ២០០០០រៀលទេក្នុង ១គីឡូក្រាម»។

សូមបញ្ជាក់ថា សហគមន៍កសិកម្មទំនើប ម្រេច មេមត់ និងត្បូងឃ្មុំ មានសមាជិកសរុប ៨៨គ្រួសារ មានផ្ទៃដីដាំដុះសរុបចំនួន ១៥០ហិកតា និងអាចប្រមូលផលម្រេចបាន ១៥០តោនក្នុងមួយឆ្នាំ។ ម្រេចជាដំណាំមួយប្រភេទដែលមានទីផ្សារទាំងក្នុង និងក្រៅប្រទេស ជាកត្តាធ្វើឱ្យកសិករមិនព្រួយបារម្ភពីការរកទីផ្សារនោះឡើយ។  

ស្រដៀងគ្នានេះដែរ លោក ហេង ឆេងលី ប្រធានសហគមន៍កសិកម្ម ទុរេន បែកអន្លូង ស្ទឹងត្រង់​ ខេត្តកំពង់ចាម មានទីតាំងស្ថិតនៅជាប់ដងទន្លេមេគង្គលើ ដែលជាដីសម្បូរជីជាតិ អំណោយផលដល់ការដាំដុះ ជាពិសេសប្រភេទដំណាំទុរេនតែម្ដង ហើយក្រៅពីនេះក៏មានដូចជា ស្វាយចន្ទី កៅស៊ូ និងដំណាំអនុផលផ្សេងៗទៀតផងដែរ។

សម្រាប់សហគមន៍កសិកម្ម បែកអន្លូង ស្ទឹងត្រង់ កំពង់ចាម បច្ចុប្បន្នមានសមាជិកចំនួន ៤៥គ្រួសារ និងមានផ្ទៃដីសរុបជាង ៦០០ ហិកតា ស្មើនឹងចំការសរុបចំនួន ៩៥ និង​មាន​ផ្ទៃដីដាំដុះដំណាំទុរេនជិត ៥០០ហិកតា ដែលមានសមត្ថភាពផ្គត់ផ្គង់ទុរេនប្រមាណ ២ ៥០០​ តោន ក្នុងមួយឆ្នាំ ហើយឱ្យតែជិតដល់រដូវប្រមូលផលម្តងៗ គឺតែងមានឈ្មួញក្នុងស្រុកចុះដើរម៉ៅទិញយកទាំងអស់ ឬធ្វើកិច្ចសន្យាទិញ-លក់ទៅតាមតម្លៃចរចាជាមួយម្ចាស់ចំការ។

លោក ហេង ឆេងលី បានបញ្ជាក់បន្ថែមដូច្នេះថា ៖

«តាមធម្មតា ដំណាំប្រភេទនេះនៅជិតដល់ពេលប្រមូលផល ឈ្មួញមកទិញរៀងរាល់ឆ្នាំ ហើយភាគច្រើនធ្វើកុងត្រាទិញ-លក់ទៅតាមការចរចារវាងអ្នកលក់និងអ្នកទិញ ឬឈ្មួញខ្លះម៉ៅយកជាចំការតែម្តង»។

សូមបញ្ជាក់ដែរថា បច្ចប្បន្ន សហគមន៍កសិកម្មទំនើប បែកអន្លូង ស្ទឹងត្រង់ ខេត្តកំពង់ចាម តាមរយៈក្រសួងកសិកម្ម រុក្ខាប្រមាញ់ និងនេសាទ ទទួលបានការអនុញ្ញាតជាផ្លូវការពីអគ្គរដ្ឋបាលគយចិន (GACC) ក្នុងការចុះកិច្ចសន្យា ចាប់ផ្តើមធ្វើការនាំចេញផ្លែទុរេនស្រស់ទៅកាន់ទីផ្សារប្រទេសចិន ស្របតាមពិធីសារដែលបានចុះហត្ថលេខាកាលពីខែមេសា ឆ្នាំ២០២៥កន្លងទៅនេះ។

ពាក់ព័ន្ធទៅនឹងការធ្វើកិច្ចសន្យាទិញ-លក់មុនប្រមូលផលនេះដែរ ក្រុមហ៊ុន វីរៈ ប៊ុនថាំ តាមរយៈក្រសួងកសិកម្ម រុក្ខាប្រមាញ់ និងនេសាទ បានធ្វើកិច្ចសន្យា (Contract Farming) ជាមួយកសិករសហគមន៍កសិកម្មទំនើបក្នុងខេត្តបាត់ដំបង និងខេត្តបន្ទាយមានជ័យ ដោយទទួលទិញស្រូវស្រង៉ែពីកសិករប្រមាណជាង ៣០ ០០០តោន។

អ្នកឧកញ៉ា ស៊ូ វីរៈ អគ្គនាយកក្រុមហ៊ុន វីរៈ ប៊ុនថាំ គ្រុប បានមានប្រសាសន៍ថា ៖

«ការចុះមកធ្វើកិច្ចសន្យាទិញ-លក់ ជាមួយកសិករដែលជាសមាជិកសហគមន៍កសិកម្មទំនើប គឺដើម្បីផ្តល់ទំនុកចិត្ត និងជួយឱ្យពួកគាត់មានជំនឿចិត្តកាន់តែខ្ពស់ទៅលើក្រសួងកសិកម្ម ថាពិតជាបានស្វែងរកទីផ្សារ ទិញស្រូវពីកសិករពិតប្រាកដមែន ដែលស្រូវស្រង៉ែទាំងនេះនឹងត្រូវផលិតជាអង្ករគុណភាពខ្ពស់ សម្រាប់នាំចេញទៅទីផ្សារបរទេស មានដូចជា ប្រទេសចិន សហគមន៍អឺរ៉ុប សហរដ្ឋអាម៉េរិក និងប្រទេសអូស្រ្តាលី ជាដើម»។

ឯកឧត្តម ឃឹម ហ្វ៊ីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា ក្រុមហ៊ុន វីរៈ ប៊ុនថាំ បានចុះកិច្ចសន្យាទិញ-លក់ ស្រូវស្រង៉ែចំនួនជាង ៣ម៉ឺនតោន ក្នុងនោះមានកសិករចំនួន ១២០គ្រួសារ និងមានផ្ទៃដំាដុះចំនួន ៦០០០ហិកតា ដែលបានចូលរួម និងចុះកិច្ចសន្យា។

ឯកឧត្តម​បញ្ជាក់ថា ៖

«ការធ្វើ​កសិកម្ម​ដោយ​មាន​ការចុះកុង​ត្រាជាមួយ​អ្នកទិញ​ជា​មុន​ គឺជាវិធីសាស្រ្តដ៏ប្រសើរបំផុតដើម្បីការពារកសិករតូចៗ។ ចំពោះកសិករណា ឬសហគមន៍ណា ដែលអាចបំពេញទៅតាមកិច្ចសន្យាខាងលើបាន តែងទទួលបាននូវការធានាតម្លៃពីទីផ្សារនៅក្នុងកម្រិតមួយដែល​ល្អប្រសើរជាជាងកសិករធ្វើកសិកម្មដោយប្រថុយប្រថាន។ ក្រសួងកសិកម្ម បាន​បង្កើត​យន្តការមួយគឺការរួមគ្នារបស់​ប្រជាកសិករបង្កើតសហគមន៍កសិកម្មទំនើប ហើយ​តាមរយៈយន្តការនេះ មានការធានាតម្លៃទីផ្សារទុកជាមុនតាមរយៈការធ្វើផលិតកម្មកសិកម្មតាមកិច្ចសន្យា ឬ Contract Farming នេះ»។

គួរបញ្ជាក់ថា រហូតមកទល់បច្ចុប្បន្ននេះ ក្រសួងកសិកម្ម រុក្ខាប្រមាញ់ និងនេសាទ បានបង្កើតសហគមន៍កសិកម្មទំនើបបានចំនួន ២៥ទីតាំង នៅទូទាំងប្រទេស​ ហើយសហគមន៍មួយចំនួនទទួលបានកិច្ចសន្យាទិញ-លក់រួចរាល់ហើយ ហើយសហគមន៍មួយចំនួនទៀតក៏កំពុងបន្តនីតិវិធីធ្វើកិច្ចសន្យាទិញ-លក់ផងដែរ៕   



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

សហគមន៍​កសិកម្ម ​​២៥ ​នៅ​កំពង់ធំ​ ​ទទួល​ត្រាក់ទ័រ​ ​និង​សម្ភារៈ​កសិកម្ម ​ដើម្បី​កាត់បន្ថយ​ថ្លៃ​ដើម​ផលិតកម្ម

ព្រឹត្តិការណ៍, សេដ្ឋកិច្ច

• 19/11/2026

សហគមន៍​កសិកម្ម​ចំនួន​ ​២២ ​និង​សហគមន៍​កសិកម្ម​ទំនើប​ចំនួន​ ៣ ​នៅ​ទូទាំង​ខេត្ដ​កំពង់ធំ​ ​ទទួល​បាន​ត្រាក់ទ័រ​ចំនួន​ ១៦ ​គ្រឿង​ គោយន្ត​ចំនួន​ ​២​ ​គ្រឿង​ ​និង​លាន​ហាល​សម្ងួត​គ្រាប់​ចំនួន​ ​១០ ​កន្លែង​ ​ដើម្បី​ជួយ​បង្កើន​ផលិតភាព​កសិកម្ម ​កាត់បន្ថយ​ថ្លៃ​ដើម​ពលកម្ម ​និង​ពង្រឹង​ភាព​ធន់​នឹង​ការ​ប្រែប្រួល​អាកាសធាតុ

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

គម្រោង​ខ្សែ​បញ្ជូន​អគ្គិសនី​​ ២៣០​ គីឡូ​វ៉ុល​ តម្លៃ​ ១៨៣ ​លាន​ដុល្លារ ​បើក​ផ្លូវ​ពង្រីក​ឧស្សាហកម្ម ​និង​បង្កើត​ការងារ​ថ្មី​

ព្រឹត្តិការណ៍, សេដ្ឋកិច្ច

• 19/11/2026

​រាជ​រដ្ឋាភិបាល​កម្ពុជា​ តាមរយៈ​ក្រសួង​រ៉ែ ​និង​ថាមពល ​បាន​ប្រកាស​បើកការដ្ឋាន​សាងសង់​ខ្សែ​បញ្ជូន​អគ្គិសនី​តង់ស្យុង​ ​២៣០​គីឡូ​វ៉ុល​ ប្រវែង​ប្រមាណ​ ​១២០​ គីឡូម៉ែត្រ ​ក្នុង​ទំហំ​ទឹកប្រាក់​ ​១៨៣ ​លាន​ដុល្លារ​អាម៉េរិក​ ​ដោយ​ប្រើប្រាស់​ឥណទាន​ពី​ធនាគារ​អភិវឌ្ឍន៍​អាស៊ី ​(​ADB​)​ ​ដើម្បី​ត​ភ្ជាប់​ខេត្ត​ពោធិ៍សាត់​ ​កំពង់ឆ្នាំង ​និង​កណ្ដាល

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់

ព្រឹត្តិការណ៍, អាជីវកម្មថ្មី និងនវានុវត្ត

• 19/11/2026

បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាជីវកម្ម​ត្រី​ចំហុយ​ខ្មែរ​នៅ​ព្រែក​ព្នៅ ​​បង្កើត​តម្លៃ​បន្ថែម​តាមរយៈ​គុណភាព និង​ការ​វេចខ្ចប់​បែប​ធម្មជាតិ​

ជំនួញ, ព្រឹត្តិការណ៍

• 18/11/2026

​ ​អាជីវកម្ម​ត្រី​ចំហុយ​ខ្នាត​គ្រួសារ​មួយ​នៅ​ខណ្ឌ​ព្រែក​ព្នៅ​ ​រាជធានី​ភ្នំពេញ​ ​កំពុង​បង្កើត​ភាព​ខុសប្លែក​ក្នុង​ទីផ្សារ​ម្ហូប​អាហារ​តាម​អនឡាញ​ ​តាមរយៈ​ការ​ផ្តោត​លើ​គុណភាព​ អនាម័យ ​និង​ការ​វេចខ្ចប់​បែប​ធម្មជាតិ​ ​ដោយ​ប្រើប្រាស់​អនុផល​ព្រៃឈើ​ក្នុង​ស្រុក​ ​ជំនួស​ឱ្យ​ប្រអប់​ស្នោ


Leave a Reply

Your email address will not be published.Required fields are marked *