សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ម្ទេសប្លោក ជាអំបូរបន្លែដែលគេអាចយកទៅចម្អិន ឬទទួលទានបានទាំងនៅស្រស់ ទាំងខ្ចី និងទុំ ហើយពិសេសជាងនេះទៅទៀត ម្ទេសប្លោកស្រស់ក៏អាចច្នៃទៅជាម្ទេសប្លោកក្រៀមដែលជាគ្រឿងទេសមួយសំខាន់សម្រាប់គ្រឿងផ្សំមុខម្ហូប ហើយអាចរក្សាទុកបានយូរ។
ក្នុងការផលិត ឬធ្វើជាម្ទេសក្រៀម គេមានរូបមន្តយ៉ាងត្រឹមត្រូវ ដោយម្ទេសប្លោកទម្ងន់ ១០០គីឡូក្រាម ត្រូវដាក់អំបិល ៣គីឡូក្រាម ខ្លាញ់ត្រី ១វែក សាច់ជូរ ១ខាំ និងទឹកចំណុះ ៥០លីត្រ។ ក្រៅពីនេះ គេត្រូវការសម្ភារជំនួយខ្លះដូចជា បន្ទះ ឬរានសម្រាប់ហាលម្ទេស ឆ្នាំងសម្រាប់ស្រុះ កញ្ច្រែង ប្រដាប់កូរ ថង់កៅស៊ូ និងខ្សែសម្រាប់ចងមាត់ថង់។
សម្រាប់ការផលិតគេត្រូវចំណាយពេលច្រើនទៅលើការវះសម្អាតម្ទេសដោយយកបណ្ដូល គ្រាប់ និងសរសៃចេញ ទើបគេរៀបចំដាក់ដាំទឹកឱ្យពុះដោយថែមនូវគ្រឿងផ្សំខាងលើរួចកូរឱ្យរលាយអស់។ បន្ទាប់មកគេយកម្ទេសដែលបានវះហើយទៅដាក់ស្រុះក្នុងទឹកនេះឱ្យឆ្អិន ទើបស្រង់ដាក់ក្នុងកញ្ច្រែងឱ្យស្រស់ទឹក។ យកម្ទេសដែលស្រស់ទឹកហើយមកតម្រៀបលើរានហាលឱ្យពេញ ដោយដាក់ក្បាលម្ទេសឡើងមកលើឱ្យត្រូវកម្ដៅថ្ងៃ ចៀសវាងការដុះផ្សិត និងធ្វើឱ្យម្ទេសឆាប់ស្ងួត មិនរលួយក្បាល។ ម្ទេសនេះត្រូវហាលរហូតស្ងួតល្អ បើថ្ងៃក្ដៅខ្លាំងអាចហាលត្រឹម ១ទៅ២ថ្ងៃ ដោយរើសយកម្ទេសណាដែលនៅសល់គ្រាប់គោះគ្រាប់ចេញ មុននឹងរក្សាទុក។
ចំពោះការរក្សាទុក នៅពេលម្ទេសហាលក្រៀមហើយ គេត្រូវយកថង់កៅស៊ូស្អាតទៅច្រកវា រួចចងមាត់ឱ្យជិតកុំឱ្យខ្យល់ចូលដែលអាចឱ្យម្ទេសដុះផ្សិតបាន ហើយអាចរក្សាទុកបានយូរដល់ទៅរាល់ខែ។ ដោយឡែកសម្រាប់បងប្អូនកសិករ ឬអ្នកដាំម្ទេសប្លោកដែលមិនអាចលក់នៅពេលស្រស់ អាចច្នៃវះ និងហាលឱ្យទៅជាម្ទេសក្រៀមដែលមានទីផ្សារខ្ពស់ មិនខ្វះឈ្មួញទិញនោះឡើយ៕
Account
Security
Favourite Content