កសិករឥណ្ឌា ដាំម្ទេសជាមួយនឹងបច្ចេកវិទ្យា AI ទទួលបានប្រសិទ្ធភាពខ្ពស់ កើនឡើងទាំងប្រាក់ចំណេញ និងទិន្នផលជិត២០ភាគរយ

បរទេស ៖ ដូចដែលមនុស្សគ្រប់គ្នាបានដឹងហើយថា ឥណ្ឌា គឺជាប្រទេសដែលមានប្រជាជនច្រើនជាងគេបំផុតមួយរបស់ពិភពលោក ខណៈដែលពលរដ្ឋដល់ទៅ៦០ភាគរយគឺជាកសិករធ្វើស្រែចំការពឹងផ្អែកទាំងស្រុងទៅលើវិស័យកសិកម្ម ដូច្នេះសក្តានុពលរបស់ឥណ្ឌាគឺពិតជាធំខ្លាំងណាស់សម្រាប់ឧស្សាហកម្មផលិតម្ហូបអាហាររបស់ពិភពលោក។ ទោះបីជាយ៉ាងណាក្តី កសិករឥណ្ឌាដែលមានចំណេះដឹងទាបពិបាកក្នុងការស្វែងរកជំនួយហិរញ្ញវត្ថុ​ និងជំនាញ កំពុងប្រឈមមុខយ៉ាងខ្លាំងទៅនឹងទីផ្សារប្រកួតប្រជែង ក៏ដូចជាបញ្ហាបម្រែបម្រួលអាកាសធាតុផងដែរ ជាពិសេសចំពោះដំណាំ និងកសិផលរបស់ពួកគេ។

យ៉ាងណាក៏ដោយ ប្រជាកសិករឥណ្ឌាបានបង្ហាញពីការអរគុណដល់កម្មវិធីជំនួយមួយរបស់ស្ថាបនិក Google លោក Bill Gates ដែលមានឈ្មោះថា Bill & Melinda Gates Foundation ដែលបច្ចប្បន្ននេះកំពុងដំណើរការនូវគម្រោងសាកល្បងថ្មីមួយដែលអនុញ្ញាតឲ្យក្រុមកសិករមានដីដាំដុះតិចតួចប្រើប្រាស់បច្ចេកវិទ្យា AI ក្នុងការជួយគាំទ្រទៅដល់ការដាំដុះដើមម្ទេសក្រហមនៅក្នុងរដ្ឋ Telangna ប្រទេសឥណ្ឌាដោយនៅក្នុងជំហ៊ានដំបូងជាមួយនឹងក្រុមកសិករបែបគ្រួសារចំនួន៧០០០គ្រួសារ។

ជាលទ្ធផលគួរឲ្យរីករាយ ការដាំដុះរបស់ពួកគេទទួលបានផលល្អប្រសើរជាងមុន អាចយកទៅដល់ទីផ្សារលក់ក្នុងតម្លៃថ្លៃជាងមុន ហើយការចំណាយទុនក្នុងការដាំដុះក៏បានធ្លាក់ចុះតិចជាងមុន ធ្វើឲ្យប្រាក់ចំណេញសរុបរបស់ពួកគេមានការកើនឡើងទៅដល់ជិត២០ភាគរយធៀបទៅនឹងវិធីសាស្ត្រនៃការដាំដុះបែបប្រពៃណីរបស់ពួកគេនាពេលកន្លងមក។

Bill & Melinda Gates Foundation បានដាក់ឲ្យដំណើរការនូវប្រព័ន្ធបច្ចេកវិទ្យាស្មាតវ៉ៃ AI ដែលក្នុងនោះរួមមទាំង Chatbots ទៅកាន់ទូរស័ព្ទដៃរបស់ក្រុមកសិករដែលអនុញ្ញាតឲ្យពួកគេទទួលបាននូវការប្រឹក្សាក្នុងការដាំដុះដោយបច្ចេកទេសបានត្រឹមត្រូវ១០០ភាគរយតាមអ្នកជំនាញព្រមទាំងការប្រឹក្សាដោយផ្ទាល់ក្នុងការប្រមូលផលឲ្យសមស្របទៅតាមអាកាសធាតុ និងសណ្ឋានដីជាដើម។

ក្រៅពីនោះក៏មានមុខងារ AI ផ្សេងទៀតដែលកសិករកំពុងប្រើប្រាស់ផងដែរ ដូចជាការត្រួតពិនិត្យ និងពន្លឿននៃការធ្វើតេស្តគុណភាពនៃកសិផលជាផ្លែម្ទេសតាមទូរស័ព្ទដៃនិងឈានទៅដល់ការប្រើប្រាស់ AI ក្នុងការជួយរៀបចំយុទ្ធសាស្ត្រធ្វើទីផ្សារតាមបែបឌីជីថលឲ្យមានប្រសិទ្ធភាពខ្លាំងផងដែរ។

តាមរបាយការណ៍ដែលគេប្រមូលបានក្រោយគម្រោងសាកល្បងជាមួយនឹងកសិករ ៧ ០០០គ្រួសាររួចមកគេសង្កេតឃើញថា ទិន្នផលនៃការដាំដុះម្ទេសបានទទួលកំណើនដល់ទៅ៨ភាគរយ ដោយសារតែការអនុវត្តវិធីសាស្ត្រដាំដុះបានត្រឹមត្រូវពីអ្នកជំនាញតាមរយៈ AI ហើយវាបានធ្វើឲ្យប្រាក់ចំណូលរបស់ពួកគេកើនឡើង១១ភាគរយ
ខណៈដែលខ្ទង់ចំណាយសម្រាប់ការដាំដុះបានធ្លាក់ចុះដែលជាសរុបនៃការគណនា វាពិតជាបានជួយឲ្យកសិករឥណ្ឌាទទួលបានប្រាក់ចំណេញកើនឡើងដល់ទៅ១៨ភាគរយ។

ជាដំណឹងល្អសម្រាប់ឥណ្ឌា និងកសិករនៅរដ្ឋ Telangana ដោយសារតែរដ្ឋាភិបាលបានសម្រេចក្នុងការពង្រីកគម្រោងនេះបន្ថែមទៀតទៅកាន់ក្រុមកសិករចំនួន១០ម៉ឺន
គ្រួសារបន្ថែមទៀតនៅក្នុងឆ្នាំបន្តបន្ទាប់ ហើយសង្ឃឹមថាវានឹងក្លាយទៅជាគំរូកសិកម្មដ៏ល្អមួយដែលនឹងអាចប្រើប្រាស់បាននៅតាមបណ្តាប្រទេសមួយចំនួនផ្សេងទៀតដូចជា
នៅប្រេស៊ីល និងម៉ារ៉ុកផងដែរ៕

យោងតាមការព្យាករណ៍ដោយក្រុមអ្នកជំនាញគេជឿជាក់ថា ទីផ្សារកសិកម្មបែបបច្ចេកវិទ្យា ឬ Agritech នឹងអាចផ្តល់នូវចំណូលជូនប្រទេសឥណ្ឌាសរុបដល់ទៅ ៥០ ឬ៧០ពាន់
លានដុល្លារនៅត្រឹមឆ្នាំ២០២៥ខាងមុខនេះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល