សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រទេសកម្ពុជាបាននាំចេញសម្លៀកបំពាក់ ស្បែកជើង និងផលិតផលធ្វើដំណើរទៅកាន់ទីផ្សារអន្តរជាតិក្នុងឆ្នាំ២០២៣ មានតម្លៃ ១១,១២ ពាន់លានដុល្លារ ខណៈដែលចំនួននេះបានធ្លាក់ចុះ ១២ ភាគរយ ពីចំនួន ១២,៦៨ ពាន់លានដុល្លារកាលពីឆ្នាំមុន។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករ។
របាយការណ៍ដដែលនេះបានឱ្យដឹងថា សម្លៀកបំពាក់ និងវាយនភណ្ឌមានតម្លៃជិត ៨,១៣ពាន់លានដុល្លារក្នុងឆ្នាំ២០២៣ ធ្លាក់ចុះ ១១ ភាគរយពី ៩,១៦ពាន់លានដុល្លារកាលពីឆ្នាំមុន។ ចំណែកស្បែកជើង មានតម្លៃ១,៣៦ ពាន់លានដុល្លារ ធ្លាក់ចុះជាង ២១ភាគរយពីជិត ១,៧៤ ពាន់លានដុល្លារ ខណៈដែលផលិតផលធ្វើដំណើរ មានតម្លៃ១,៦៣ពាន់លានដុល្លារក៏ធ្លាក់ចុះ ៨ ភាគរយពីជិត ១,៧៨ពាន់លានដុល្លារ។
ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានមានប្រសាសន៍ថា អ្នកទិញផលិតផលសំខាន់ៗរួមមាន សហភាពអឺរ៉ុប សហរដ្ឋអាមេរិក កាណាដា និងចក្រភពអង់គ្លេស ក្នុងចំណោមប្រទេសដទៃទៀត។
ឯកឧត្តម បានបញ្ជាក់ថា៖ការធ្លាក់ចុះនៃតម្រូវការសកល ជាពិសេសនៅក្នុងសហភាពអឺរ៉ុប បាននាំឱ្យមានការធ្លាក់ចុះនៃការនាំចេញសម្លៀកបំពាក់ វាយនភ័ណ្ឌ ស្បែកជើង និងផលិតផលធ្វើដំណើររបស់កម្ពុជា ៕
Account
Security
Favourite Content