ហេតុផលមួយចំនួនដែលធ្វើឱ្យអូស្ត្រាលីក្លាយជាប្រទេសលំដាប់អ្នកមានមួយរបស់ពិភពលោក

បរទេស ៖ យោងទៅតាមទិន្នន័យដែលសិក្សាដោយធនាគារស្វីស Credit Suisse បានបង្ហាញថា អូស្ត្រាលី គឺជាប្រទេសមួយក្នុងចំណោមបណ្តាប្រទេសផ្សេងទៀតដែលមានជាងគេបំផុតនៅលើពិភភពលោក ដោយ ១ ក្នុងចំណោម ១០នាក់នៃជនជាតិអូស្ត្រាលី គឺជាមហាសេដ្ឋី និងជាប្រទេសធំជាងគេទី៦ របស់ពិភពលោកដែលមានផ្ទៃក្រឡាសរុប ៧ ៦៩២ ០២៤ គីឡូម៉ែត្រការ៉េ និងមានចំនួនប្រជាជនត្រឹមតែ ២៥,៨ លាននាក់ប៉ុណ្ណោះ។ ទោះបីជាផ្ទៃដីភាគច្រើនត្រូវបានគ្របដណ្ដប់ដោយវាលខ្សាច់ក៏ដោយ ប៉ុន្តែអូស្ត្រាលីគឺជាប្រទេសមួយក្នុងចំណោមប្រទេសដែលមានជាងគេបំផុតនៅលើពិភភពលោក។

យោងទៅតាមរបាយការណ៍ដដែលបានបង្ហាញថា ជនជាតិអូស្ត្រាលីពេញវ័យជាមធ្យមមានទ្រព្យសម្បត្តិជិត ៥០ម៉ឺនដុល្លារ ដែលបានធ្វើឲ្យប្រទេសអូស្ត្រាលីជាប់ចំណាត់លេខ១ដែលប្រជាជនមានទ្រព្យសម្បត្តិជាមធ្យមច្រើនជាងប្រទេសដទៃទៀតក្នុងពិភពលោក។ ខាងក្រោមនេះគឺជាកត្តាមួយចំនួនដែលធ្វើឲ្យអូស្ត្រាលីក្លាយជាប្រទេសសម្បូរអ្នកមាន ៖

កត្តាទី១ អូស្ត្រាលី សម្បូរសារធាតុរ៉ែច្រើន និងជាប្រទេសមួយក្នុងចំណោមប្រទេសដែលមានធនធានធម្មជាតិដ៏ច្រើនសន្ធឹកសន្ធាប់។ ប្រទេសនេះមិនត្រឹមតែបំពេញតម្រូវការនៅក្នុងស្រុកតែប៉ុណ្ណោះទេ ប៉ុន្តែក៏បានផ្គត់ផ្គង់តម្រូវការប្រទេសជាច្រើនជុំវិញពិភពលោកផងដែរ។ លើសពីនេះ អូស្ត្រាលីគឺជាប្រទេសដែលផលិតរ៉ែដែក និង រ៉ែត្បូង opal ដ៏ធំជាងគេរបស់ពិភពលោក ហើយប្រទេសនេះគឺជាអ្នកផលិតម៉ង់ហ្គាណេសមាសធំជាងគេទី២។ ក្រៅពីនេះ ធនធានធម្មជាតិផ្សេងៗទៀតក៏មានវត្តមាននៅក្នុងប្រទេសនេះផងដែរ ដូចជា ធ្យូងថ្ម ស័ង្កសី កូបាល់ អ៊ុយរ៉ាញ៉ូម ហ្គាសធម្មជាតិ និងរ៉ែច្រើនប្រភេទទៀត។ ដូច្នេះហើយ កម្លាំងពលកម្មមនុស្សត្រូវការជាចាំបាច់ដើម្បីប្រមូលធនធានធម្មជាតិទាំងនេះ ហើយឧស្សាហកម្មរុករករ៉ែរបស់អូស្ត្រាលីផ្ដល់ការងារដែលមានប្រាក់ខែល្អទៅដល់ពលរដ្ឋទាំងមានជំនាញ និងគ្មានជំនាញ។

យោងទៅតាមស្ថិតិមួយបានប៉ាន់ស្មានថា វិស័យរុករករ៉ែអូស្ត្រាលីមានកម្មករជាង ២៥ ម៉ឺននាក់ដែលមានប្រាក់ចំណូលប្រចាំសប្តាហ៍ជាមធ្យមគឺ ២ ៣២៥ ដុល្លារអូស្ត្រាលី (១ ៥៦៣ ដុល្លារអាមេរិក) សូម្បីតែបុគ្គលិកធម្មតាក៏មានប្រាក់ឈ្នួលជាមធ្យមប្រចាំសប្តាហ៍ប្រហែល ២ ០០០ដុល្លារអូស្ត្រាលីដែរ។

កត្តាទី២ គឺគម្រោងសន្សំប្រាក់បៀវត្សរ៍ដែលត្រូវបានណែនាំដោយរដ្ឋាភិបាលអូស្ត្រាលីនៅក្នុងឆ្នាំ១៩៩១ ដើម្បីជួយប្រជាជនអូស្ត្រាលីសន្សំប្រាក់សម្រាប់ពេលចូលនិវត្តន៍។ មានន័យថា និយោជិតត្រូវចូលរួមសន្សំជាមួយនឹងចំនួនជាក់លាក់នៃប្រាក់ចំណូលរបស់ពួកគេទៅក្នុងគម្រោងសោធននិវត្តន៍ ហើយច្បាប់នេះអនុវត្តចំពោះជនជាតិអូស្ត្រាលីគ្រប់រូប។ លើសពីនេះ និយោជិតក៏អាចចូលរួមចំណែកច្រើនជាងចំនួនកំណត់បានផងដែរ ដោយសារនៅពេលចូលនិវត្តន៍ ជនជាតិអូស្ត្រាលីទទួលបានចំនួនទឹកប្រាក់ទាបជាងប្រាក់បៀវត្សរ៍ពួកគេតែបន្តិចប៉ុណ្ណោះ។

កត្តាទី៣ គឺប្រព័ន្ធអប់រំនៅអូស្ត្រាលីបានចូលរួមចំណែកដល់សេដ្ឋកិច្ចប្រទេសនេះ ពីព្រោះប្រព័ន្ធអប់រំនៅប្រទេសនេះត្រូវបានគេយល់ថាជាការវិនិយោគដ៏ល្អបំផុតមួយសម្រាប់អនាគតធនធានមនុស្ស។ ជាយូរឆ្នាំណាស់មកហើយ អូស្រ្តាលីក្លាយទៅជាប្រទេសមានប្រព័ន្ធអប់រំខ្ពស់ និងជាគោលដៅពេញនិយមបំផុតទី៣របស់ពិភពលោក ដោយប្រទេសនេះសម្បូរផលិតភាពសម្រាប់សិស្សទាំងក្នុងប្រទេស និងសិស្សអន្តរជាតិ។ អូស្រ្តាលី ជាប្រទេសមានស្តង់ដារប្រព័ន្ធអប់រំខ្ពស់ កម្មវិធីសិក្សាទូលំទូលាយ និងគ្រូបង្រៀនដែលមានសមត្ថភាពខ្ពស់។ កត្តាទាំងនេះបានធ្វើឲ្យប្រទេសអូស្ត្រាលីមានការងារដែលមានប្រាក់ខែខ្ពស់ ទ្រព្យសម្បត្តិច្រើន និងបានទាក់ទាញមនុស្សស្ទើរតែគ្រប់ទ្វីបទាំងអស់មកទទួលការអប់រំនៅប្រទេសអូស្ត្រាលី ដើម្បីឲ្យជីវិតពួកគេកាន់តែប្រសើរ។

កត្តាទី៤ គឺគោលនយោបាយអន្តោប្រវេសន៍ដ៏វៃឆ្លាតមួយដែលបានចូលរួមចំណែកក្នុងសេដ្ឋកិច្ចអូស្រ្តាលីផងដែរ។ ស្របពេលដែលប្រទេសផ្សេងទៀតមានគោលនយោបាយអន្តោប្រវេសន៍ផ្អែកទៅលើភាពចម្រុះនៃវប្បធម៌ និងជនជាតិ ប៉ុន្តែអូស្ត្រាលីផ្ដោតទៅលើជំនាញ​ និងតម្លៃការងាររបស់ជនអន្តោប្រវេសន៍ដោយមិនខ្វល់ថាពួកគេមកពីណានោះទេ។ មិនត្រឹមតែប៉ុណ្ណោះ កត្តាគោលនយោបាយអន្តោប្រវេសន៍របស់អូស្ត្រាលីបានក្លាយជាចំណុចគោលដៅសម្រាប់ជនអន្តោប្រវេសន៍មកពីប្រទេសផ្សេងទៀត ដូចជា ជប៉ុន កូរ៉េ និងចិន ហើយជនជាតិទាំងនេះសម្បូរទៅដោយមនុស្សឧស្សាហ៍ព្យាយាម ការគោរព និងជាមនុស្សដែលមានគំនិតច្នៃប្រឌិតខ្ពស់បំផុតមួយនៅពេលដែលពួកគេធ្វើការ។

កត្តាទី៥ គឺវិស័យកសិកម្មបានចូលរួមចំណែកយ៉ាងធំធេងដល់សេដ្ឋកិច្ចអូស្ត្រាលី ដោយកសិកម្ម ខ្សែសង្វាក់ផ្គត់ផ្គង់ និងឧស្សាហកម្មអាហារជាប់ទាក់ទងគ្នា ដែលបានផ្ដល់ឱកាសការងារជាង ១,៦ លានកន្លែង។ វិស័យកសិកម្មបានរួមចំណែក ៣ ភាគរយដប់នៃផលិតផលក្នុងស្រុកសរុប (GDP) របស់ប្រទេសនេះ ដែលធ្វើឲ្យប្រទេសនេះក្លាយជាអ្នកផលិត និងអ្នកនាំចេញអាហារដ៏ធំបំផុតមួយរបស់ពិភពលោក។ មិនត្រឹមតែប៉ុណ្ណោះ វាលខ្សាច់ជាច្រើនត្រូវបានកែច្នៃសម្រាប់គោលបំណងកសិកម្ម ហើយឥឡូវនេះ ដីទាំងនោះត្រូវគ្របដណ្តប់ទៅដោយដំណាំធញ្ញជាតិ។ លើសពីនេះ អូស្ត្រាលីគឺជាប្រទេសមួយដែលមានហ្វូងសត្វកសិកម្មច្រើនជាងគេ ដោយចំនួនចៀមនៅក្នុងប្រទេសអូស្ត្រាលីមានចំនួនច្រើនជាងគេទី២បន្ទាប់ពីចិន។ អូស្ត្រាលីនាំចេញសាច់គោលំដាប់ទី២បន្ទាប់ពីប្រេស៊ីល។

កត្តាទី៦ គឺគំរូសេដ្ឋកិច្ច Anglo Saxon ដែលទទួលបានជោគជ័យ និងបានធ្វើឲ្យប្រទេសអូស្ត្រាលីមានការអភិវឌ្ឍន៍មកដល់សព្វថ្ងៃនេះ។ គំរូសេដ្ឋកិច្ចនេះ គឺជាប្រភេទនៃមូលធននិយមដែលត្រូវបានកំណត់លក្ខណៈដោយចំណុចពិសេសសំខាន់ៗមួយចំនួនក្នុងការជំរុញការធ្វើអាជីវកម្មឲ្យមានភាពងាយស្រួល ដោយមានការចូលរួមរបស់រដ្ឋាភិបាលកម្រិតទាបបំផុត។ ការធ្វើអាជីវកម្មបានអនុញ្ញាតឲ្យក្រុមហ៊ុនអូស្ត្រាលីផ្ដោតទៅលើប្រយោជន៍របស់ម្ចាស់ភាគហ៊ុនជាជាងបុគ្គលិករបស់ខ្លួន ដែលធ្វើឲ្យគំរូនេះទទួលបានភាពជោគជ័យខ្លាំង និងរីករាលដាលនៅតាមបណ្ដាប្រទេសនានា ដូចជា ញូវែលសេឡង់ ចក្រភពអង់គ្លេស អៀឡង់ សហរដ្ឋអាមេរិក កាណាដា និងប្រទេសដទៃទៀតនៅជុំវិញពិភពលោក។ កត្តាចុងក្រោយគឺ ជាគោលដៅទេសចរណ៍របស់អូស្ត្រាលី ដោយប្រទេសនេះសម្បូរទីតាំងធម្មជាតិសំខាន់ៗ ហើយទីតាំងមួយចំនួនមានលក្ខណៈមិនដូចកន្លែងផ្សេងទៀតនោះឡើយ ដូចជា វាលខ្សាច់ក្រហម ឆ្នេរសមុទ្រ ទីក្រុងថ្មប៉ប្រក់ទឹក និងព្រៃទឹកភ្លៀងបុរាណ ខណៈដែលវិស័យទេសចរណ៍បានរួមចំណែកដល់សេដ្ឋកិច្ចរបស់អូស្ត្រាលី និងផ្តល់ការងារដល់មនុស្សរហូតដល់ជាង១លាននាក់៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ