សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មមាញ ជាប្រភេទរុក្ខជាតិដែលត្រូវបានគេដាំដោយការបាចគ្រាប់ ឬមានដុះនៅដោយខ្លួនឯងនៅក្នុងតំបន់ ឬក្នុងភូមិ ដែលត្រូវបានគេយកមកកែច្នៃធ្វើជាអាហារប្រភេទជ្រក់សម្រាប់ទទួលទានដោយផ្ទាល់ ឬទទួលទានផ្សំរសជាតិជាមួយប្រភេទសាច់អាំង ជាពិសេសត្រីអាំង ដែលមានរសជាតិជូរ ប្រៃ យ៉ាងជក់ចិត្ត។
ពាក់ព័ន្ធទៅនឹងអាហារកែច្នៃផ្អាប់ពីរុក្ខជាតិក្នុងស្រុក ដើមមមាញ ឬគេនិយមហៅថា ជ្រក់មមាញ នៅតែមានការនិយមទទួលទានពីសំណាក់ប្រជាជនខ្មែរយ៉ាងទូលាយ ដែលក្នុងនោះ ត្រឹមតែជាមុខរបរខ្នាតតូច ដែលឆ្លៀតពេលទំនេរពីការងារប្រចាំ គេក៏អាចរកបានប្រាក់ចំណូលពីការលក់ជ្រក់មមាញនេះបានផងដែរ។
អ្នកស្រី ជឹម ស្រីរួស ជាអាជីវករលក់ជ្រក់មមាញមួយរូបរស់នៅទីក្រុងភ្នំពេញបានមានប្រសាសន៍ប្រាប់ AMS ឱ្យដឹងថា ការលក់ជ្រក់មមាញរបស់អ្នកស្រីនពេលបច្ចុប្បន្ននេះជាលក្ខណៈតិចតួចតែប៉ុណ្ណោះ ដែលអ្នកស្រីយកបន្តពីលោកយាយនៅខេត្តកំពង់ចាម ដែលគាត់ដាំដោយខ្លួនឯង ច្រូតខ្លួនឯង និងជ្រក់ខ្លួនឯងតាមរូបមន្តដែលគាត់បានចេះបន្តពីម្ដាយរបស់គាត់ ដែលមានរសជាតិឆ្ងាញ់ខុសប្លែកពីជ្រក់ដែលមានលក់នៅតាមទីផ្សារនានាទាំងនៅខេត្តកំពង់ចាម ក៏ដូចជានៅតាមកន្លែងលក់មួយចំនួនក្នុងរាជធានីភ្នំពេញ។
អ្នកស្រីបញ្ជាក់ថា ៖
“ខ្ញុំមិនលក់ច្រើន ឬធំដុំដែលធ្វើជាអាជីវកម្មប្រចាំគ្រួសារនោះទេ ប៉ុន្តែដោយសារខ្ញុំចូលចិត្តទទួលទានជ្រក់មមាញនេះស្រាប់ ហើយមានការបញ្ជាទិញពីអ្នកជិតខាង ក៏ដូចជាអ្នកធ្លាប់ស្គាល់ពីរសជាតិជ្រក់មមាញដែលជាស្នាដៃរបស់លោកយាយនៅខេត្តកំពង់ចាម ខ្ញុំក៏យកមកទុកហូបផង និងលក់ផង ខណៈដែលខ្ញុំតែងទទួលបានការបញ្ជាទិញជារឿយៗពីសំណាក់អ្នកដែលចូលចិត្តហូបជាបន្តបន្ទាប់ ដោយក្នុងនោះមានទាំងអ្នករស់នៅក្នុងក្រុងភ្នំពេញ និងមួយចំនួនជាអ្នករស់នៅតាមខេត្តដែលស្ថិតនៅក្បែរភ្នំពេញ”
អ្នកស្រីបានបន្តឱ្យដឹងថា ចំពោះការរក្សាទុកជ្រក់មមាញនេះដែរ អ្នកស្រីយកបន្តពីយាយដែលរស់នៅខេត្តកំពង់ចាមម្ដងប្រមាណ២០គីឡូក្រាម ហើយរក្សាទុកក្នុងទូរទឹកកក ដោយអាចលក់ត្រឹម ២-៣ថ្ងៃតែប៉ុណ្ណោះ ឬពេលខ្លះទៀតអាចមួយសប្ដាហ៍ទើបលក់អស់ ទើបកម្ម៉ង់យកពីយាយមកបន្ថែមទៀត។
ដោយឡែក សម្រាប់តម្លៃនៃការលក់ជ្រក់មមាញវិញ អ្នកស្រី ជឹម ស្រីរួស អាចលក់បានតម្លៃ ១៨ ០០០រៀល ក្នុង១គីឡូក្រាមតែប៉ុណ្ណោះ ហើយបើគិតទាំងការវេចខ្ចប់ដាក់ធុងស្នោ និងទឹកកកដើម្បីផ្ញើទៅកាន់អតិថិជនរស់នៅតាមបណ្តាខេត្តគឺនៅសល់ចំណេញតិចតួច ប៉ុន្តែទោះជាយ៉ាងណា វាក៏ជាចំណូលបន្ទាប់បន្សំដែលអាចរកបាននៅពេលទំនេរ។ លើកលែងតែចំពោះអតិថិជនដែលរស់នៅក្នុងក្រុងភ្នំពេញ ដែលអាចចំណេញបានច្រើន ព្រោះមិនចំណាយលើថ្លៃធុងស្នោរ និងទឹកកក។
អ្វីដែលជាលក្ខណៈពិសេសនៃជ្រក់មមាញដែលមានប្រភពមកពីខេត្តកំពង់ចាមនេះ គឺវិធីសាស្ត្រនៃការធ្វើ ឬជ្រក់ ដែលមានរបៀបធ្វើស្រដៀងគ្នាទៅនឹងការធ្វើជ្រក់ស្ពៃដែរ ដោយគេគ្រាន់តែយកដើមមមាញមកលាងទឹកសម្អាតដី ហើយកាត់ជាកំណាត់ខ្លីៗ និងបន្តយកទៅដាក់ហាលថ្ងៃឱ្យស្រពាប់ ក្រោយមកយកមកច្របល់ជាមួយគ្រឿងផ្សំក្នុងដំណាក់កាលដំបូងជាមួយអំបិល ស្ករ ហើយផ្អាប់ទុក ដោយដាក់ទឹកបាយ (អ្នកខ្លះដាក់ទឹកដាំឆ្អិន) រយៈពេល២-៣ ថ្ងៃ រហូតមានរសជាតិជូរល្មម ហើយអាចដាក់លាយជាមួយសណ្ដែកបណ្ដុះបន្ថែមទៀតគឺអាចហូបបានហើយ។ គួរបញ្ជាក់ដែរ ដំណាំមមាញត្រូវបានគេចាប់ផ្ដើមដាំនៅខែធ្នូ ហើយប្រើរយៈពេលប្រមាណបីខែទើបអាចប្រមូលផលបានដើមខ្ចីៗ ហើយអាចច្រូតយកមកជ្រក់ផ្អាប់ដើម្បីបរិភោគក៏ដូចជាអាចលក់បាន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ផលិតផលកសិកម្មរបស់កម្ពុជាមានវត្តមាននៅទីផ្សារជាង១៧០ប្រទេសលើពិភពលោក
Top News, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ផលិតផលកសិកម្មរបស់កម្ពុជា បាន និងកំពុងពង្រីកទីផ្សារកាន់តែធំនៅក្រៅប្រទេស ដោយគិតមកដល់បច្ចុប្បន្ននេះ ផលិតផលកសិកម្មរបស់កម្ពុជាកំពុងចរាចរណ៍នៅលើទីផ្សារបរទេសបានប្រមាណ១៧០ប្រទេសហើយ ។ នេះបើតាមលោកបណ្ឌិត កែ មុន្ធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ក្រសួងកសិកម្ម រុក្ខាប្រមាញ់ និងនេសាទ ។ ថ្លែងនៅក្នុងវេទិកា និងពិព័រណ៍កសិកម្មកម្ពុជា
អាម៉េរិក ផ្តល់កុងត្រា១០ឆ្នាំ ផលិតយន្តហោះចម្បាំង F-35 ៨៥០គ្រឿងបន្ថែម
ព្រឹត្តិការណ៍, អាជីវកម្មថ្មី និងនវានុវត្ត
• 23/10/2026
បរទេស ៖ ក្រសួងការពារជាតិសហរដ្ឋអាមេរិក(មន្ទីរប៉ង់តាហ្គោន) និងក្រុមហ៊ុន Lockheed Martin បានឈានទៅដល់កិច្ចព្រមព្រៀងលើក្របខ័ណ្ឌរយៈពេល ១០ ឆ្នាំ ដែលធានានូវការផ្គត់ផ្គង់យន្តហោះចម្បាំង F-35 Lightning II យ៉ាងហោចណាស់ ៨៥០ គ្រឿងទៀតសម្រាប់កងទ័ពអាមេរិក។ យោងតាមការចេញផ្សាយរបស់ Defences News នៅសប្តាហ៍នេះបានសរសេរថា
ការដាក់ចេញយុទ្ធសាស្ត្រជាតិ អភិវឌ្ឍន៍វិស័យ MSMEs ២០២៦-២០៣០ ជាកាតាលីករពង្រឹងចរន្តសេដ្ឋកិច្ចឱ្យមានភាពធន់
ជំនួញ, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ក្នុងបរិបទដែលសហគ្រាសធុនមីក្រូ តូច និងមធ្យម (MSMEs) កំពុងរួមចំណែកដល់ទៅ ៦៣% នៃផលិតផលក្នុងស្រុកសរុប និងបង្កើតការងារជាង ៧០% យុទ្ធសាស្ត្រជាតិ ស្ដីពី «ការអភិវឌ្ឍន៍ សហគ្រាសធុនមីក្រូ តូច និងមធ្យម ២០២៦-២០៣០» ត្រូវបានគេមើលឃើញថា ជាគន្លឹះក្នុងការបង្វិលកង់សេដ្ឋកិច្ចឱ្យអាជីវកម្មមានចរន្ត
អ្នកការទូតអាមេរិក ៖ វិនិយោគិនបច្ចុប្បន្នកំពុងវាយតម្លៃពីហានិភ័យខ្ពស់ខុសពីការពិតក្នុងករណីផ្ទុះសង្គ្រាមនៅកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 22/10/2026
បរទេស ៖ យោងតាមមន្ត្រីការទូតជាន់ខ្ពស់អាមេរិកម្នាក់បានឱ្យដឹងថា វិនិយោគិនបច្ចុប្បន្នកំពុងវាយតម្លៃពីការគំរាមកំហែងនៃលទ្ធភាពដែលអាចផ្ទុះឡើងនូវជម្លោះយោធានៅទល់មុខច្រកសមុទ្រតៃវ៉ាន់ក្នុងកម្រិតខ្ពស់ខុសពីការពិត ខណៈដែលទាំងទីក្រុងវ៉ាស៊ីនតោន និងប៉េកាំង សុទ្ធតែមិនចង់ឱ្យកើតមានជម្លោះដោយយោធានោះទេ។ ចេញផ្សាយដោយកាសែត RT បានបញ្ជាក់ថា លោក Michael DeSombre ជំនួយការរដ្ឋមន្ត្រីការបរទេសអាមេរិកទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានថ្លែងថា ទីផ្សារសកលលោកកំពុងវាយតម្លៃពីហានិភ័យនៃការផ្ទុះអាវុធលើបញ្ហាកោះតៃវ៉ាន់ហួសពីការពិត។ មហាអំណាចទាំងពីរមានសមត្ថភាពក្នុងការទប់ស្កាត់ជម្លោះ បើទោះបីជាកោះស្វយ័តមួយនេះនៅតែជាចំណុចក្ដៅគគុកនៃភាពតានតឹងក៏ដោយ។ ទីក្រុងប៉េកាំង
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កំពង់ចាមដាក់ចេញផែនការទេសចរណ៍ ២០២៦-២០៣០ ផ្តោតលើហេដ្ឋារចនាសម្ព័ន្ធនិងផលិតផលទេសចរណ៍ថ្មី
សក្ដានុពលវិស័យកសិកម្មនៅស្រុកស្ទឹងត្រង់ ខេត្តកំពង់ចាម បានបង្កើតឱកាសការងាររាប់ម៉ឺនកន្លែងជូនពលរដ្ឋ
Account
Security
Favourite Content