សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កសិករបច្ចុប្បន្នមានចំណេះដឹងទាក់ទងនឹងការកែច្នៃធនធានបានកាន់តែច្រើនមុខ និងសមស្របទៅតាមស្ថានភាពដីចំការរបស់ខ្លួន។ ក្នុងនោះ កសិករ ជាពិសេសអ្នកដំាំស្រូវ គួរយល់ដឹងពីសារប្រយោជន៍នៃចំបើង ក៏ដូចជាជញ្ជ្រាំងស្រូវ ដើម្បីអាចគ្រប់គ្រង និងកែច្នៃទៅជាជីសម្រាប់បំប៉នដី។
ចំបើង និងជញ្ជ្រាំងស្រូវ ជាកាកសំណល់ដែលសេសសល់ពីការប្រមូលទិន្នផលស្រូវ ហើយវាក៏មានសារធាតុសរីរាង្គមានផ្ទុកនូវសារធាតុចិញ្ចឹមសំខាន់ៗមានធាតុអាសូត ធាតុផូស្វ័រ ធាតុប៉ូតាស្យូម ធាតុស្ពាន់ធ័រ ដែលមានសារសំខាន់ក្នុងការកែលម្អជីជាតិដី។
នៅក្នុងស្រែទំនាប បើគ្រប់គ្រងចំបើងបានត្រឹមត្រូវ វាមិនគ្រាន់តែជាប្រភពផ្ដល់សារធាតុអាសូត ធាតុផូស្វ័រ និងប៉ូតាស្យូមប៉ុណ្ណោះទេ វាផ្ដល់នូវពពួកសារធាតុចិញ្ចឹម និងពពួកមីក្រូអង្គធាតុ ដោយសារ ក្នុងរយៈពេលលូតលាស់របស់ដំណាំស្រូវ វាបានស្រូបទុកក្នុងសរីរាង្គលូតលាស់របស់វានៅវគ្គទុំ នូវបរិមាណ ធាតុអាសូត ប្រហែលជា ៤០% ធាតុស្ពាន់ធ័រ ៨០-៨៥% នៃធាតុផូស្វ័រ និង ៣០-៣៥% នៃធាតុប៉ូតាស្យូមនិង ៤០-៥០%នៃធាតុស្ពាន់ធ័រ ដែលស្រូវស្រូបយក នៅពេលដំណាក់កាលលូតលាស់ពី ៣០-៣៥% ធាតុប៉ូតាស្យូមពី ៨០-៨៥% និងធាតុស្ពាន់ធ័រពី ៤០-៥០% ។
ថែមលើនេះ ចំបើងក៏ជាប្រភពសំខាន់នៃធាតុ ស័ង្កសី និងស៊ីលីស្យូមផងដែរ ដោយកសិករអាចប្រើប្រាស់ចំបើងឡើងវិញបាន ក្នុងមធ្យោបាយ ៣យ៉ាងគឺ ប្រើបន្ទាប់ពីរលួយ ប្រើដោយភ្ជួរលប់ផ្ទាល់ និងប្រើជាគម្របពីលើដី។ តួយ៉ាង ទម្លាប់ច្រូតយកជញ្ជ្រាំងរបស់កសិករនៅខេត្តស្វាយរៀង និងព្រៃវែង គឺគេទុកធ្វើជាអុស និងលាយជាមួយដីឥដ្ឋធ្វើជញ្ជាំងផ្ទះ ដែលធ្វើឱ្យបាត់បង់នូវសារធាតុចិញ្ចឹមទាំងឡាយ។
ក្រៅពីនេះ ការដុតជញ្ជ្រាំង និងចំបើងចោល ដូចជានៅខេត្តពោធិ៍សាត់ បាត់ដំបង បន្ទាយមានជ័យ និងខេត្តមួយចំនួនទៀត ជាពិសេសនៅតំបន់ដែលធ្វើស្រែប្រាំងច្រើន បណ្ដាលឱ្យបាត់បង់សារធាតុចិញ្ចឹមទាំងអស់នៅក្នុងជញ្ជ្រាំង ដូចជាបាត់បង់ធាតុអាសូត និងផូស្វ័រប្រហែល ២៥% ធាតុប៉ូតាស្យូម ២០% និងធាតុស្ពាន់ធ័រប្រហែលជា ៥០-៦០%។
គួរបញ្ជាក់ដែរថា ការដុតជញ្ជ្រាំងក៏បណ្ដាលឱ្យពុលបរិស្ថាន និងបាត់បង់សារធាតុចិញ្ចឹម តែវាក៏ជាវិធីមួយមានប្រសិទ្ធភាពក្នុងការបោសសំម្អាតកាកសំណល់ និងជួយបន្ថយ កម្ចាត់សត្វល្អិត និងជំងឺឆ្លងដល់ដំណាំស្រូវនៅរដូវក្រោយផងដែរ។ ចំណែកការភ្ជួរលប់ជញ្ជ្រាំង និងចំបើងទៅក្នុងដី គឺជាមធ្យោបាយល្អក្នុងការបញ្ជូនត្រឡប់ទៅវិញនូវសារធាតុចិញ្ចឹមទៅឱ្យដី និងរក្សាដីឱ្យមានជីជាតិបានយូរអង្វែង។
ជារួមមក ដើម្បីរក្សាសារធាតុសរីរាង្គនៅក្នុងដីយើងត្រូវគ្រប់គ្រងជញ្ជ្រាំង និងចំបើងឱ្យបានល្អ ដោយពេលច្រូតកាត់ និងមុនពេលរដូវភ្លៀងធ្លាក់នៅតំបន់ស្រែទំនាបពឹងដោយរបបទឹកភ្លៀង គេត្រូវរក្សាចំបើងសម្រាប់ធ្វើជាជីកំប៉ុស្តិ៍ ចំណីសត្វ ដាំដំណាំ និងប្រើប្រាស់ចាំបាច់នានា។ ជៀសវាងការដុតចំបើង និងជញ្ជ្រាំងចោលដែលជាហេតុធ្វើឱ្យប៉ះពាល់ដល់បរិស្ថាន បំពុលបរិយាកាសតាមរយៈបំភាពឧស្ម័នផ្ទះកញ្ចក់៕
Account
Security
Favourite Content