សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្របទៅនឹងគោលនយោបាយរបស់រាជរដ្ឋាភិបាលដែលកំពុងធ្វើការពង្រីកសក្តានុពល និងបង្កើនផលិតភាពលើការផលិតទិន្នផលកសិកម្មឲ្យបានច្រើន និងប្រកបដោយគុណភាពនោះ កម្ពុជាបានស្នើដល់រដ្ឋាភិបាលប្រទេសសឹង្ហបុរីឲ្យបើកទីផ្សារទូលាយសម្រាប់ផលិតផលកសិកម្មពីកម្ពុជាបន្ថែមទៀត ដើម្បីបង្កភាពកាន់តែងាយស្រួលក្នុងការពង្រីកទំហំពាណិជ្ជកម្ម និងបង្កើនកំណើនសេដ្ឋកិច្ចនៃប្រទេសទាំង2។
នៅក្នុងឱកាសពិភាក្សាការងារជាមួយឯកអគ្គរដ្ឋទូតសឹង្ហបុរីប្រចាំប្រទេសកម្ពុជានៅថ្ងៃទី20 ខែឧសភា ឆ្នាំ2021ម្សិលមិញនេះ ឯកឧត្តមរដ្ឋមន្ត្រីបានលើកឡើងថា៖
“ផលិតផលកសិកម្មដែលមានសក្តានុពលរបស់កម្ពុជាមានជាច្រើន ដូចជា ស្វាយ ចេក មៀនប៉ៃលិន ម្រេចកំពត ទុរេន ដូង ស្រកានាគ និងអង្ករជាដើម” ។
ជាមួយគ្នានេះ ឯកឧត្តមរដ្ឋមន្ត្រី ក៏បានជម្រាបជូនបន្ថែមពីការធ្វើឱ្យប្រសើរឡើងនូវបរិយាកាសធុរកិច្ចនៅកម្ពុជាដើម្បីទាក់ទាញវិនិយោគិន ជាពិសេសកិច្ចការពារកម្មសិទ្ធិបញ្ញា ដោយក្នុងនោះឯកឧត្តមរដ្ឋមន្ត្រីក្នុងនាមជាប្រធាននៃគណៈកម្មាធិការជាតិគ្រប់គ្រងកម្មសិទ្ធិបញ្ញាបានជំរុញឱ្យមានការអនុវត្តច្បាប់យ៉ាងជាក់លាក់ ជាពិសេសត្រូវការពារនូវម៉ាក ពាណិជ្ជនាមរបស់ក្រុមហ៊ុនបរទេសធំៗ ដើម្បីជាការលើកទឹកចិត្តឱ្យមានការវិនិយោគនៅកម្ពុជា។ ក្រៅពីនេះ ក្រសួងពាណិជ្ជកម្មក៏បានជំរុញការបង្កើតអត្តសញ្ញាណផលិតផលជាតិ ដូចជាផលិតផលសម្គាល់ភូមិសាស្ត្រ ម៉ាកសមូហភាព និងម៉ាកវិញ្ញាតកម្ម ដើម្បីផ្សព្វផ្សាយទៅកាន់ពិភពលោកឱ្យបានស្គាល់។
ឯកអគ្គរដ្ឋទូតសឹង្ហបុរីប្រចាំកម្ពុជា លោកស្រី Teo Lay Cheng បានទទួលស្គាល់ពីកិច្ចអភិវឌ្ឍន៍ និងភាពរីកចម្រើនយ៉ាងឆាប់រហ័សរបស់កម្ពុជានាពេលបច្ចុប្បន្ន ជាមួយនឹងការបង្ហាញពីភាពមោទនចំពោះកិច្ចប្រឹងប្រែងរបស់រាជរដ្ឋាភិបាលកម្ពុជាផងដែរ។
តបទៅនឹងសំណើររបស់ក្រសួងពាណិជ្ជកម្មខាងលើនេះ លោកស្រីបានសន្យា និងព្យាយាមផ្សព្វផ្សាយបន្តពីសក្តានុពល និងឱកាសវិនិយោគនៅកម្ពុជា ជាពិសេសបញ្ជ្រាបព័ត៌មាននានាទៅដល់បណ្តាក្រុមហ៊ុនសឹង្ហបុរីអំពីផលិតផលកសិផលកម្ពុជាដែលកំពុងបង្កើនលទ្ធភាព គុណភាពសម្រាប់នាំចេញទៅកាន់បណ្តាទីផ្សារអន្តរជាតិនាពេលបច្ចុប្បន្នផងដែរ។
គួរកត់សម្គាល់ផងដែរថា កម្ពុជា-សឹង្ហបុរី មានទំនាក់ទំនង និងកិច្ចសហប្រតិបត្តិការលើវិស័យការទូតជាមួយគ្នា តាំងពីឆ្នាំ1965 ហើយកម្ពុជាសិ្ថតនៅក្នុងចំណោមប្រទេសដំបូងគេ ដែលទទួលស្គាល់ឯករាជ្យរបស់សឹង្ហបុរី។ ជាមួយគ្នានេះ វឌ្ឍនភាពនៃទំនាក់ទំនង និងកិច្ចសហប្រតិបត្តិការទ្វេភាគីរវាងប្រទេសកម្ពុជា និងសឹង្ហបុរីសំខាន់ៗបានផ្តោតលើវិស័យនយោបាយការទូត សេដ្ឋកិច្ច ពាណិជ្ជកម្ម ទេសចរណ៍ វិនិយោគ បច្ចេកទេស អប់រំ បណ្តុះបណ្តាលវិជ្ជាជីវៈ វប្បធម៌ សុខាភិបាល និងវិស័យការពារជាតិ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាទាក់ទាញជើងហោះហើរដឹកទំនិញតាមផ្លូវអាកាសច្រើនជាងមុន ជំរុញកំណើនដឹកជញ្ជូនទំនិញតាមផ្លូវអាកាសជិត ៣០%
Top News, ព្រឹត្តិការណ៍, សេដ្ឋកិច្ច
• 15/07/2026
កម្ពុជាកំពុងទាក់ទាញជើងហោះហើរដឹកទំនិញតាមផ្លូវអាកាសច្រើនជាងមុន ដែលជាកត្តាជំរុញកំណើនដឹកជញ្ជូនទំនិញតាមផ្លូវអាកាសជិត ៣០%រយៈពេល៦ខែ
ស្ថាបនិក DeepSeek កើនទ្រព្យដល់ ៣៦ ពាន់លានដុល្លារ ក្លាយជាសេដ្ឋីមានជាងគេក្នុងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 15/07/2026
ទ្រព្យសម្បត្តិសុទ្ធរបស់លោក Liang Wenfeng ស្ថាបនិកក្រុមហ៊ុន AI ដ៏ល្បីរបស់ចិន DeepSeek បានកើនឡើងដល់ទៅជាងទ្វេដង បន្ទាប់ពីការកៀរគរទុនវិនិយោគបន្ថែម ដែលវាបានធ្វើឱ្យសហគ្រិនជនជាតិចិនរូបនេះបានក្លាយជាបុគ្គល មានទ្រព្យសម្បត្តិស្ដុកស្ដម្ភជាងគេបំផុតលើលោក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content