សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ បើទោះបីជាស្ថិតនៅក្នុងស្ថានភាពប្រឈមទៅនឹងបញ្ហានៃជំងឺកូវីដយ៉ាងណាក្ដី ប៉ុន្តែកម្ពុជានៅតែជាចំណុចគោលដៅយ៉ាងសំខាន់ក្នុងការវិនិយោគរបស់បណ្តាក្រុមហ៊ុនអន្តរជាតិមកពីបណ្តាប្រទេសនានានៅលើសាកលលោក។ ជាក់ស្ដែងនៅក្នុងរយៈពេល៦ខែនៃឆមាសទី១ ឆ្នាំ២០២១កន្លងទៅនេះ កម្ពុជាទទួលបានគម្រោងវិនិយោគថ្មីចំនួន ៨៧គម្រោងស្មើនឹងទឹកប្រាក់ប្រមាណជិត ៣ពាន់លានដុល្លារ។
តាមរយៈកំណត់ត្រាពីការគាំទ្រ និងអនុម័តពីសំណាក់ក្រុមប្រឹក្សាអភិវឌ្ឍន៍កម្ពុជា (CDC) បានបង្ហាញថា ក្នុងរយៈពេល៦ខែនៃឆមាសទី១ ឆ្នាំ២០២១កន្លងទៅនេះ កម្ពុជាទទួលបានគម្រោងវិនិយោគថ្មីៗសរុបចំនួន៨៧គម្រោង មានទុនវិនិយោគសរុបជិត៣ពាន់ដុល្លារ ដែលគម្រោងភាគច្រើនផ្តោតសំខាន់ទៅលើវិស័យឧស្សាហកម្ម។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា នៅថ្ងៃទី៧ ខែកក្កដា ឆ្នាំ២០២១នេះបានបង្ហាញពីក្ដីសាទរទៅនឹងកំណើននៃគម្រោងវិនិយោគដែលកម្ពុជាទទួលបានកាលពីពេលថ្មីៗនេះ ជាមួយនឹងការត្រៀមខ្លួនរួចជាស្រេចក្នុងការជួយសម្របសម្រួលក្នុងនាមជាស្ថាប័នតំណាងវិស័យឯកជនទៅលើកិច្ចការវិនិយោគនានានៅកម្ពុជា។
«ជាធម្មតា ទាល់តែគេមានជំនឿចិត្តខ្ពស់ទៅលើអត្រាទទួលបានផលចំណេញពីការវិនិយោគយ៉ាងប្រាកដទើបពួកគេដាក់ទុនចូលមកវិនិយោគនៅកម្ពុជា ដែលវាមិនមែនជាការប្រថុយប្រថាននោះទេ»
លោកឧកញ៉ា លឹម ហេង បានមានប្រសាសន៍ប្រាប់ AMS ថា ៖
«ភាពប្រាកដប្រជារបស់បណ្តាអ្នកវិនិយោគគឺកើតឡើងក្រោយការសិក្សាលម្អិតពីកម្ពុជា ទាំងកត្តាសន្តិភាព សន្ដិសុខសង្គម ស្ថិរភាពនយោបាយ កំណើនសេដ្ឋកិច្ច ជាពិសេសការមើលឃើញពីឱកាសចំណេញ ខណៈដែលកម្ពុជាបានក្លាយជាគោលដៅដ៏មានសក្តានុពលខ្ពស់សម្រាប់គម្រោងវិនិយោគរបស់ពួកគេបើធៀបទៅនឹងបណ្តាប្រទេសជិតខាង»
លោកឧកញ៉ាបានបន្តថា ៖
ជាមួយនឹងការលើកឡើងខាងលើនេះ អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង ក៏បានបញ្ជាក់ឲ្យដឹងផងដែរថា កម្ពុជាមានលក្ខណៈពិសេសដែលអាចទាក់ទាញទុនវិនិយោគរាប់ពាន់លានដុល្លារក្នុងមួយឆ្នាំៗដោយក្នុងនោះរួមមានដូចជា ការទទួលបានកិច្ចព្រមព្រៀង
ពាណិជ្ជកម្មសេរីជាមួយប្រទេសមហាអំណាចសេដ្ឋកិច្ចចិនដែលជាមិត្តដែកថែមជាមួយកម្ពុជា។ ក្រៅពីនេះ កម្ពុជាទទួលបានការលើកលែងពន្ធពិសេស GSP ជាមួយចក្រភពអង់គ្លេស កិច្ចព្រមព្រៀមពាណិជ្ជកម្មជាមួយប្រទេសកូរ៉េ កិច្ចព្រមព្រៀងដៃគូសេដ្ឋកិច្ចទូលំទូលាយក្នុងតំបន់ (RCEP) ដែលមាន១៥ប្រទេសជាសមាជិក ការឈានទៅរកកិច្ចព្រមព្រៀងពាណិជ្ជកម្មជាមួយឥណ្ឌា។
បន្ថែមពីនេះ កម្ពុជាបានផ្តល់សិទ្ធិវិនិយោគដល់ជនបរទេស១០០ភាគរយ រួមជាមួយនឹងការដាក់ចេញឲ្យអនុវត្តនូវច្បាប់វិនិយោគថ្មី ការព្យាយាមតាំងចិត្តរបស់រាជរដ្ឋាភិបាលក្នុងការធ្វើកំណែទម្រង់ស៊ីជម្រៅ ដើម្បីជួយសម្រួលដល់កិច្ចដំណើរការវិនិយោគដែលមានស្រាប់ និងលើកទឹកចិត្តវិនិយោគិនថ្មីៗបន្ថែមទៀត ដែលអាចទទួលបាននូវផលប្រយោជន៍រួមគ្នា ទាំងវិស័យរដ្ឋ វិស័យឯកជន និងប្រជាពលរដ្ឋផងដែរ។
«ការមកដល់ថ្មីនៃគម្រោងវិនិយោគអន្តរជាតិនៅពេលនេះ កម្ពុជាទទួលបានផលប្រយោជន៍យ៉ាងច្រើន ដែលក្រៅពីទទួលចំណូលបន្ថែមសម្រាប់ទ្រទ្រង់កំណើនសេដ្ឋកិច្ចជាតិតាមរយៈការបង់ពន្ធពាក់ព័ន្ធផ្សេងៗ កម្ពុជាក៏ទទួលបាននូវចំណេះដឹង ចំណេះធ្វើ បច្ចេកទេសថ្មី ដែលក្រុមហ៊ុនវិនិយោគនាំយកមកជាមួយសម្រាប់ដំណើរការនៃគម្រោងរបស់ខ្លួន ហើយប្រជាពលរដ្ឋក៏ទទួលបានឱកាសការងារផងដែរ»
លោកឧកញ៉ា លឹម ហេង បញ្ជាក់ថា ៖
គួរបញ្ជាក់ផងដែរថា នៅក្នុងឆមាសទី១ ឆ្នាំ២០២១កន្លងទៅនេះ នៅក្នុងចំណោមគម្រោងទាំង៨៧ លើទុនវិនិយោគសរុបជិត ៣ពាន់លានដុល្លារ មានការកើនឡើងចំនួនទុនប្រមាណ១០ភាគរយ ឬស្មើនឹង៣១៥លានដុល្លារធៀបទៅនឹងរយៈពេលដូចគ្នាកាលពីឆ្នាំ២០២០ ហើយក្នុងចំណោមគម្រោងទាំងអស់ មានគម្រោងវិនិយោគថ្មីក្រៅតំបន់សេដ្ឋកិច្ចពិសេសចំនួន ៥៣គម្រោង (តម្លៃជាង៩០០ លានដុល្លារអាមេរិក) ការពង្រីកផលិតកម្មចំនួន ១១គម្រោង (ជាង១៥០ លានដុល្លារអាមេរិក) និងគម្រោងវិនិយោគថ្មីក្នុងតំបន់សេដ្ឋកិច្ចពិសេសចំនួន ២៣គម្រោង (១.៨ ពាន់ដុល្លារអាមេរិក) ជួយបង្កើតឱកាសការងារបានប្រមាណ ៥០ ០២៩កន្លែង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
កាណាដា និងអេមីរ៉ាតអារ៉ាប់រួមបានពិភាក្សាជំរុញផែនការវិនិយោគទំហំ ៥០ ពាន់លានដុល្លារ ដើម្បីពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគីលើវិស័យសំខាន់ៗ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content