ក្រសួងពាណិជ្ជកម្ម ​មាន​ផែនការ​បង្កើត​មជ្ឈមណ្ឌល​ពាណិជ្ជកម្ម​ឯកជន​កម្ពុជា ជំរុញ​ការលក់​ផលិតផល​កម្ពុជា​ទៅ​ទីផ្សារ​ចិន

ភ្នំពេញ៖ រដ្ឋមន្ត្រីក្រសួងពាណិជ្ជកម្មបានលើកឡើងថា គោលបំណងនៃការដាក់ផែនការ និងយុទ្ធសាស្ត្រសមាហរណកម្ម ធ្វើពិពិធកម្មទីផ្សារ  ដើម្បីលើកកម្ពស់ការផ្សព្វផ្សាយ និងជំរុញការលក់ផលិតផលកម្ពុជានៅលើទីផ្សារប្រទេសចិនបន្ថែមទៀត ខណៈដែលក្រសួងបាន​មាន​ផែនការ​បង្កើត​មជ្ឈមណ្ឌល​ពាណិជ្ជកម្ម​ឯកជន​កម្ពុជា​ចំនួន ៥ ​ទីតាំងនៅ​ប្រទេស​ចិន ។

ឯកឧត្តម ប៉ាន សូរស័ក្តិ បានមានប្រសាសន៍កាលពីពេលថ្មីៗនេះថា ​បច្ចុប្បន្ន​ក្រសួង​កំពុង​រៀបចំ​រាយការណ៍​ស្តីពី​ការចុះពិនិត្យ​ទីតាំង​​​ជាក់ស្តែង ដើម្បី​បង្កើត​មជ្ឈមណ្ឌល​ពាណិជ្ជកម្ម​ឯកជន​កម្ពុជា​ចំនួន ៥ ទីតាំង​ ​ដើម្បី​លើកកម្ពស់​ការផ្សព្វ​ផ្សាយ និង​ជំរុញ​ការលក់​ផលិតផល​កម្ពុជា​ទៅ​ទីផ្សារ​ចិន​ថែមទៀត​ ខណៈដែលមជ្ឈ​មណ្ឌលពាណិជ្ជកម្មឯកជនកម្ពុជាទាំងនោះមានទីតាំងនៅទីក្រុងឆាងឈុន ហាបីន ណានជីង ថាយយាន និងចឹងចូវនៃប្រទេសចិន។

តាមគម្រោងបង្កើតមជ្ឈ​មណ្ឌលពាណិជ្ជកម្មឯកជននៅក្នុង​ប្រទេស​ចិន នឹងត្រូវ​រៀបចំក្រោយពេលក្រសួង​បានសម្ពោធ​ដាក់ឱ្យ​ដំណើរការ​ជា​ផ្លូវការ​នូវ​មជ្ឈមណ្ឌល​ពាណិជ្ជកម្ម​ឯកជន​កម្ពុជា​នៅក្នុង​ក្រុង Atsugi នៃ​ខេត្ត Kanagawa ប្រទេស​ជប៉ុន ​ដើម្បី​ដាក់តាំង​បង្ហាញ និង​លក់​ផលិតផល​កម្ពុជា​ជា​អចិន្រ្ដៃ​យ៍ ​។​ ក្រសួងក៏បានរៀបចំថ្នាលទីផ្សារផ្សព្វផ្សាយ និងលក់ទំនិញ ដែលមានឈ្មោះថា Go4eCam និងកំពុងរៀបចំអនុស្សរណៈធ្វើកិច្ចសហការជាមួយក្រុមហ៊ុនឯកជន និងអ្នកដឹកជញ្ជូនតាមយន្តហោះ ដើ​ម្បីជំរុញការធ្វើម៉ាកទំនិញកម្ពុជា និងការលក់ទំនិញទៅប្រទេសចិន និងអាស៊ាន តាមរយៈការលើកទឹកចិត្តឱ្យមានការតភ្ជាប់ថ្នាលលក់ទំនិញរបស់កម្ពុជាជាមួយថ្នាលលក់ទំនិញល្បីៗរបស់ប្រទេសចិន និងប្រទេសក្នុងតំបន់ផងដែរ។​

​លោកឧកញ៉ា លឹម ហេង អនុប្រធាន​សភាពាណិជ្ជកម្ម​កម្ពុជាបានប្រាប់ ​AMS ​ថា ការបង្កើតតំណាងមជ្ឈមណ្ឌលពាណិជ្ជកម្មកម្ពុជានៅចិនកាន់តែច្រើន កាន់តែល្អ មិនមែនតែ៥នេះទេ ហើយអាចមានច្រើនជាងនេះ។ មិនត្រឹមតែដំណើរការ មជ្ឈមណ្ឌលពាណិជ្ជកម្មនោះទេ នៅថ្ងៃអនាគត ក៏មានដំណើរការការិយាល័យសភាពាណិជ្ជកម្មកម្ពុជានៅតាមនៅរដ្ឋគោលដៅដែលមានទំនាក់ទំនងសេដ្ឋកិច្ចរីកចម្រើនមួយចំនួន ហើយការបង្កើត​មជ្ឈមណ្ឌល​ពាណិជ្ជកម្ម​ឯកជន​កម្ពុជា​នៅ​តំបន់​សំខាន់ៗ​ក្នុងប្រទេស​ចិន​នឹង​ជួយ​ឱ្យ​ទំនិញ​កម្ពុ​ជាមាន​ទីផ្សារ​កាន់តែច្រើន​។

លោកឧកញ៉ា បានបញ្ជាក់ថា ៖

“ឥឡូវយើងបង្កើតនៅប្រទេសកាណាដា ទីក្រុងតូរ៉ុនតូ និងមានគម្រោងបង្កើតនៅក្រុងសិនដាយ ប្រទេសជប៉ុន ក្នុងខែកុម្ភៈខាងមុខ និងនៅម៉ុងរ៉េអាល់ប្រទេសកាណាដា នៅខែមេសាខាងមុខនេះដែរ ជាការិយាល័យតំណាងសភាពាណិជ្ជកម្មកម្ពុជា ហើយចំពោះមជ្ឈមណ្ឌលពាណិជ្ជកម្មឯកជន អនាគតក៏មានបង្កើតនៅប្រទេសកូរ៉េផងដែរ។ ការិយាល័យសភាពាណិជ្ជកម្មក៏ដូចគ្នា ដោយយើងអាចបែងចែកការងារគ្នាធ្វើឱ្យកាន់តែច្រើន​កាន់តែល្អ”

លោកឧកញ៉ាបានគូសបញ្ជាក់ថា ៖

“បើយើងមានមជ្ឈមណ្ឌល យើងមានការិយាល័យតំណាងប្រទេសច្រើន គឺអាចផ្ដល់ព័ត៌មានទាន់សភាពការណ៍ឱ្យភាគីដៃគូពាណិជ្ជកម្មរបស់យើង។ ការបង្កើត​មជ្ឈមណ្ឌល​ពាណិជ្ជកម្ម​នៅក្រៅ​ប្រទេស​ គឺ​សុទ្ធតែ​ផ្តល់​ផលចំណេញ​សម្រាប់​សេដ្ឋកិច្ចកម្ពុជា ព្រោះ​ទីតាំង​ទាំងនោះ​នឹង​អាច​ត្រូវ​ប្រើប្រាស់​ជា​កន្លែង​ជួបពិភាក្សា និង​ផ្តល់ព័ត៌មាន​ពី​សក្តានុពល ​ឱកាស​វិនិយោគ ហើយក៏​ជា​កន្លែង​តាំង​លក់ ឬ​ផ្សព្វផ្សាយ​ផលិតផល​កម្ពុជា​ផងដែរ​”

​លោកឧកញ៉ា លឹម ហេង បាន​បន្ថែមថា ការបើក​មជ្ឈមណ្ឌល​ពាណិជ្ជកម្ម​ឯកជន​ក្នុងប្រទេស​ចិន គឺ​ចាំ​បាច់ណាស់ ព្រោះ​ប្រទេសចិន​ធំ មាន​ប្រជាជន​ច្រើន ជាពិសេស​កម្ពុជា​ចិន​ក៏មាន​កិច្ចព្រមព្រៀង​ពាណិជ្ជកម្ម​សេរី​ទ្វេភាគី ​ដែល​តាមរយៈ​កិច្ចព្រមព្រៀង​នេះ​នឹង​ជួយ​ទាក់ទាញ​អ្នកវិនិយោគ​ចិន​ឱ្យ​ចូលមក​បណ្តាក់ទុន​នៅ​កម្ពុជា​កាន់តែច្រើន​។​ ​តាម​ទិន្នន័យ​ អគ្គនាយកដ្ឋាន​គយ និង​រដ្ឋាករ​កម្ពុជា ​ពាណិជ្ជកម្ម​ទ្វេភាគី​កម្ពុជា-​ចិន ឆ្នាំ២០២២ មាន​ទឹកប្រាក់​សរុប ១១ ៦៨៦,១៦៤​ លាន​ដុល្លារ កើន ៤,៤​ភាគរយ​បើ​ធៀប​ឆ្នាំ​ ២០២១។ ​ក្នុងនោះ​ការនាំ​ទំនិញ​ពី​ប្រទេស​ចិន​មក​កម្ពុជា មាន១០ ៤៤៥,​៥៣៣​ លាន​ដុល្លារ កើន ៧,៩​ភាគរយ ចំណែក​ទំនិញ​នាំទៅ​ប្រទេស​ចិន ១ ២៤០​,៦៣​ លាន​ដុល្លារ ធ្លាក់ចុះ១៧,៩​ ភាគរយ​។ ​ឆ្នាំ២០២២ ​ ​កម្ពុ​ជាមាន​ឱនភាពជញ្ជីងពាណិជ្ជកម្ម​​ជាមួយ​ប្រទេស​​​​ចិន ចំនួន ៩ ២០៤,៩០៣​ លាន​ដុល្លារ​ ​​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ