គំនិតកែច្នៃពីសំណល់ស្រកីដូងទៅជាវត្ថុធាតុដើមមានតម្លៃក្នុងវិស័យកសិកម្ម

ស្រកីដូងដែលជាសំណល់បកចេញពីត្រឡោកដូង ដែលមនុស្សភាគច្រើនហាក់មិនសូវចាប់អារម្មណ៍ និងឲ្យតម្លៃនោះ បច្ចុប្បន្នត្រូវបានគេយកទៅកែច្នៃជាវត្ថុធាតុដើមដ៏មានប្រយោជន៍សម្រាប់បម្រើដល់ការដាំដុះនៅក្នុងវិស័យកសិកម្មបានយ៉ាងល្អប្រសើរ។

លោក ជា ឡង់ឌី ជាម្ចាស់កសិដ្ឋាន Takhmao Farm មានទីតាំងនៅភូមិក្របៅ ឃុំកំពង់សំណាញ់ សង្កាត់តាខ្មៅ ដែលជាកន្លែងកែច្នៃស្រកីស្ងួតៗឱ្យទៅជាស្រកីដូងម៉ដ្ឋសម្រាប់បម្រើដល់ការដាំដុះបានមានប្រសាសន៍ប្រាប់ AMS ឲ្យដឹងថា ស្រកីដូងម៉ដ្ឋនេះមានអត្ថប្រយោជន៍ច្រើនមុខដែលគេអាចយកទៅលាយដីដាំដំណាំ បណ្ដុះកូនរុក្ខជាតិ ផ្សាំមែកឈើ គ្របគល់ដំណាំ ឬកែច្នៃជាផើង និងជាវត្ថុធាតុដើមសម្រាប់បម្រើដល់វិស័យផ្សេងៗទៀត។​

“ស្រកីដូងនេះមានច្រើនប្រភេទអាស្រ័យលើតម្រូវការប្រើប្រាស់របស់អតិថិជន តែជាទូទៅគេនិយមតែ 2ប្រភេទគឺស្រកីដូងម៉ដ្ឋ និងលាយសរសៃហ្វាយប័រ។ តួយ៉ាងដូចជាបើបងប្អូនចង់យកវាទៅលាយដីដាំដំណាគេត្រូវប្រើស្រកីដូងម៉ដ្ឋ ចំណែកយកទៅផ្សាំមែកឈើគេយកស្រកីដូងដែលនៅសរសៃរច្រើន។ ក្រៅពីនេះគេក៏អាចយកស្រកីដូងសរសៃទៅច្នៃជា ព្រំ ពូក ក៏ដូចជាផើងសម្រាប់ដាំរុក្ខជាតិផងដែរ”

ពាក់ព័ន្ធទៅនឹងទំហំនៃការផលិត លោកអាចផលិតស្រកីដូងម៉ដ្ឋបាន 300-500បាវក្នុងមួយថ្ងៃ ដោយក្នុងមួយបាវមានទម្ងន់ប្រមាណ​ 4គីឡូក្រាម។ លោកបន្តទៀតថា ស្រកីដូងទុំមានគុណភាពជាងស្រកីដូងខ្ចីដោយសារវាមានសរសៃច្រើន ប្រើបានយូរ និងមិនងាយពុក។ ចំណែកអតិថិជនរបស់លោកភាគច្រើនមកពីតាមបណ្ដាលខេត្តមានចំការធំៗដូចជាខេត្តមណ្ឌលគិរី ក្រចេះ បាត់ដំបងជាដើម ដែលធ្វើឱ្យការលក់ចេញរបស់លោកអាចបានប្រមាណ 70-100បេ និងទទួលបានចំណូលប្រមាណ 300-400 ដុល្លារក្នុង1ថ្ងៃ។

គួរបញ្ជាក់ដែរថា លោក ជា ឡង់ឌី បានចាប់ផ្ដើមអាជីវកម្មនេះតាំងពីឆ្នាំ2015 ក្នុងដើមទុនប្រមាណជាង 30លានរៀលដែលត្រូវចំណាយទៅលើការទិញម៉ាស៊ីន ត្បាល់កិន ការធ្វើរោងសម្រាប់កិន និងស្តុកស្រកីដូងទុក ពិសេសគឺការភ្ជាប់ចរន្តអគ្គិសនីដែលត្រូវការថាមពលខ្លាំងជាងអគ្គិសនីធម្មតា។

ចំពោះមូលហេតុដែលលោក ឡង់ឌី សម្រេចចិត្តបើកអាជីវកម្មនេះដោយសារដំបូងឡើយគាត់បានដាំបន្លែសុវត្ថិភាព ក៏បានសាកច្នៃយកស្រកីដូងដែលគេបោះចោលនៅតាមផ្សារមកលាយជាមួយដីដើម្បីបណ្ដុះកូនបន្លែ។ ជាលទ្ធផល ស្រកីដូងមានសរសៃដែលអាចឱ្យឫសបន្លែតោងបានល្អជាដីធម្មតា ហើយក៏មានភាពមាំដែលអាចជញ្ជូនបានមិនបែកដូចដីឡើយ។ ហេតុនេះលោកក៏បានស្រាវជ្រាវរកម៉ាស៊ីនសម្រាប់កិនស្រកីដូងនេះ និងទិញមកពីក្រៅប្រទេស ហើយបន្តប្រើប្រាស់រហូតដល់បច្ចុប្បន្ន។

លោកថា ដោយសារឃើញស្រកីដូងដែលបកហើយនៅតាមផ្សារគរចោលច្រើន ហើយអ្នកលក់ខ្លះក៏ត្រូវបង្ខំចិត្តបង់លុយឱ្យគេប្រមូលយកទៅចោលទៀតនោះ ទើបលោករកគំនិតប្រមូលវាយកមកច្នៃ ដែលក្រៅពីអាចជួយកាត់បន្ថយសំរាម ​រក្សាបរិស្ថានផង និងជួយអាជីវករលក់ដូងមួយចំណែកផង ហើយអាចទាញយកផលប្រយោជន៍បានទៀត។

ទាក់ទងទៅនឹងសង្វាក់ផលិតកម្មវិញ ត្រូវបានម្ចាស់អាជីវកម្មរូបនេះបានបញ្ជាក់ថា ដំបូងឡើយលោកត្រូវដើរប្រមូលស្រកីដូងទុំនៅតាមផ្សារ ឬតូបដែលបានចុះកុងត្រាទិញ-លក់ក្រកីដូងជារៀងរាល់ខែ ហើយយកមកហាលរយៈពេល3ថ្ងៃឱ្យបានស្ងួតល្អ ចៀសវាងស្រកីដូងនៅសើមដែលអាចធ្វើឱ្យស្ទះម៉ាស៊ីនកិន។ បន្ទាប់មកគេប្រមូលវាឱ្យបានច្រើន ទើបយកទៅកិន ហើយច្រកចូលបាវដេរមាត់ឲ្យជិតទុកជាការស្រេច។ លោកបញ្ជាក់ទៀតថា តាមពិតទៅផលិតផលនេះមាននាំចូលពីប្រទេសជិតខាងដែរ ប៉ុន្តែដោយសារការច្រក និងដឹកជញ្ជូនបានធ្វើឱ្យគុណភាពក៏ដូចជាកម្រិតសំណើមរបស់ស្រកីដូងប្រែប្រួល ហើយតម្លៃក៏ថ្លៃ ទើបប្រជាកសិករយើងនិយមគាំទ្រផលិតផលក្នុងស្រុកជាង។

ចំពោះអ្នកដែលចង់បើកអាជីវកម្មប្រភេទនេះ លោក ឡង់ឌី បានផ្ដល់ជាគំនិតមួយចំនួនថា ៖ «យើងគួរសិក្សាទៅលើវត្ថុធាតុដើម និងវត្ថុប្រើប្រាស់ឱ្យបានច្បាស់លាស់សិន ដោយសារតំបន់ខ្លះពុំអាចផ្គត់ផ្គង់វត្ថុធាតុដើមបានគ្រប់គ្រាន់ទេ ឬក៏ត្រូវការចំណាយទៅលើការដឹកជញ្ជូនថ្លៃជាដើម។ មួយវិញទៀតគឺទីតាំងក្នុងការផលិតដែលត្រូវរកកន្លែងណាដែលសមរម្យ ព្រោះវាហុយខ្លាំងដែលអាចប៉ះពាល់ដល់ការស់នៅក្នុងសហគមន៍»។

បន្ថែមពីលើអាជីវកម្មដែលកំពុងដំណើរការនៅពេលបច្ចុប្បន្ន សម្រាប់ថ្ងៃខាងមុខ លោក ឡង់ឌី ក៏មានគម្រោងចង់ច្នៃស្រកីដូងបន្ថែមដើម្បីប្រើជំនួសប៉ុងក្នុងការដាំបន្លែលើទឹក ដែលអាចកាត់បន្ថយការប្រើប្រាស់ប្លាស្ទិច។ លោកចង់ពង្រឹងការផលិតជាលក្ខណៈសរសៃឱ្យបានច្រើនបន្ថែមទៀតដោយសារវាមានប្រយោជន៍អាចច្នៃបានច្រើនមុខសម្រាប់បម្រើដល់វិស័យដាំដុះឲ្យកាន់តែទូលាយ៕


ជំនួញ, ព្រឹត្តិការណ៍

អាល្លឺម៉ង់ ចាយលុយជិត ៩០លានដុល្លារសម្រាប់ទិញសាច់កង្កែបក្នុងមួយឆ្នាំ

បរទេស ៖ បណ្តាញផ្សព្វផ្សាយ The Gravitas និងសារព័ត៌មាន The WION បានស្រាវជ្រាវរកឃើញថា នៅប៉ុន្មានឆ្នាំចុងក្រោយនេះ ជនជាតិអាល្លឺម៉ង់មានទំនោរ និងការពេញនិយមក្នុងការទទួលទាន…
ព្រឹត្តិការណ៍, សេដ្ឋកិច្ច

វត្តមានត្រីបបែលយក្ស សបញ្ជាក់ពីទន្លេមេគង្គក្រោមជាតំបន់ទឹកទន្លេដែលគ្មានការបំពុល

ភ្នំពេញ ៖ ត្រីបបែលយក្ស គឺជាប្រភេទត្រីទឹកសាបម្យ៉ាងដែលចូលចិត្តរស់នៅតំបន់ទឹកទន្លេស្អាតដែលមិនមានការបំពុលនោះទេ និងស្ថិតក្នុងចំណោមប្រភេទពូជត្រីទឹកសាបទំហំធំៗបំផុតលើពិភពលោក…
ព្រឹត្តិការណ៍, ហិរញ្ញវត្ថុ

អាជីវកម្មតូចៗ គួរឈ្វេងយល់ពីការគ្រប់គ្រងលើបញ្ហារំហូរសាច់ប្រាក់ ជារឿងសំខាន់បំផុត

ភ្នំពេញ ៖ ជាធម្មតា ការបង្កើតអាជីវកម្មថ្មីៗរបស់សហគ្រិន រមែងតែចង់បានភាពជោគជ័យ ប៉ុន្តែវាមិនងាយស្រួលនោះទេដើម្បីសម្រេចគោលដៅជោគជ័យក្នុងអាជីវកម្មរបស់ខ្លួន ព្រោះបញ្ហាតែងតែកើត…
ព្រឹត្តិការណ៍, អចលនទ្រព្យ

លោក ង៉ែត ជូ ​បង្ហាញពីគន្លងថ្មីៗនៃការ​វិនិយោគ​អចលនទ្រព្យ​នៅកម្ពុជា

ភ្នំពេញ៖ លោក ង៉ែត ជូ ជាអ្នកវិនិយោគ និងជាអ្នកជំនាញនៃវិស័យហិរញ្ញវត្ថុមួយរូបនៅក្នុងប្រទេសកម្ពុជា ហើយលោកតែងតែផ្ដល់នូវដំបូន្មានសម្រាប់ប្រជាពលរដ្ឋកម្ពុជា អ្នកវិនិយោគថ្មីដែលទើបប្រឡូកក្នុងការ…
ព្រឹត្តិការណ៍, សេដ្ឋកិច្ច

កម្ពុជាជំរុញរដ្ឋាភិបាលចិន ពន្លឿនការចរចាលើពិធីសារភូតគាមអនាម័យ លើការនាំចេញផលិតផលកសិកម្ម

ភ្នំពេញ ៖ មន្ត្រីជាន់ខ្ពស់នៃក្រសួងពាណិជ្ជកម្ម បានស្នើដល់រដ្ឋាភិបាលចិនឱ្យពន្លឿនការចរចាលើពិធីសារអនាម័យ និងភូតគាមអនាម័យ លើការនាំចេញនូវផលិតផលកសិកម្មមួយចំនួនក្រោយពី…
ព្រឹត្តិការណ៍, អាជីវកម្មថ្មី និងនវានុវត្ត

Car-Free ក្លាយជាយុទ្ធសាស្ត្រដ៏ពេញនិយមសម្រាប់បណ្តាទីក្រុងនៅអឺរ៉ុប ក្នុងការកាត់បន្ថយបំពុលអាកាសធាតុ

នៅពេលបច្ចុប្បន្ននេះ Car-Free បានក្លាយទៅជាឧបករណ៍ និងច្បាប់ថ្មីគួរឲ្យទាក់ទាញបំផុតសម្រាប់បណ្តាទីក្រុងធំៗនៅក្នុងប្លុកអឺរ៉ុបដោយត្រូវបានគេអនុវត្ត និងទទួលបានលទ្ធផលគួរជាទីគាប់ចិត្តនៅក្នុងទីក្រុងដ៏…
ជំនួញ, ព្រឹត្តិការណ៍

អាស៊ីទិញប្រេងបញ្ចុះតម្លៃពីរុស្ស៊ី បន្ទាប់ពីអឺរ៉ុបដែលបានដកខ្លួនចេញ

អន្តរជាតិ ៖ កំណើននៃតម្រូវការប្រេងបញ្ចុះតម្លៃរបស់រុស្ស៊ីនៅលើទីផ្សារអាស៊ី កំពុងជំនួសឱ្យទីផ្សារអឺរ៉ុបដែលដកខ្លួនចេញ និងធ្វើឱ្យជះឥទ្ធិពលដល់កិច្ចខិតខំប្រឹងប្រែងរបស់បស្ចិមលោកក្នុងការទណ្ឌកម្មក្រុង…
ព្រឹត្តិការណ៍, សេដ្ឋកិច្ច

ពូជស្រូវសែនក្រអូបក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ

ភ្នំពេញ ៖ ពូជស្រូវសែនក្រអូបបានក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ ដែលប្រជាកសិករកម្ពុជាគប្បីពង្រឹង និងពង្រីកការបង្ករបង្កើនផល ស្របពេលដែលតម្រូវការ…
ព្រឹត្តិការណ៍, ហិរញ្ញវត្ថុ

ការសិក្សា ៖ ស្ថានភាពសេដ្ឋកិច្ចកម្ពុជាបន្តងើបឡើងក្នុងត្រីមាសទី១ ដើមឆ្នាំ២០២២

ភ្នំពេញ ៖ បន្ទាប់ពីតម្រូវការទីផ្សារធំៗរបស់កម្ពុជា ព្រមទាំងសកម្មភាពធុរកិច្ច និងខ្សែច្រវាក់ផ្គត់ផ្គង់ផលិតកម្មក្នុងស្រុក បាន និងកំពុងងើបឡើងជាបណ្តើរៗ គេសង្កេតឃើញថា ស្ថានភាពសេដ្ឋកិច្ចកម្ពុជា…
ព្រឹត្តិការណ៍, អចលនទ្រព្យ

អ្នកជំនាញអចលនទ្រព្យ ៖ ការកើនឡើងនៃវិស័យសំណង់ និងអចលនទ្រព្យគ្មានផែនការ ធ្វើឱ្យការវិនិយោគវិស័យលើកសិកម្មត្រូវរំលង

ភ្នំពេញ ៖ វិស័យសំណង់ និងអចលនទ្រព្យត្រូវបានគេមើលឃើញថាមានការរីកចម្រើន និងទទួលបានការវិនិយោគយ៉ាងច្រើនពីសំណាក់វិនិយោគិនជាតិ និងអន្តរជាតិ ជាពិសេសនៅក្នុងរយៈពេល…