សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យកសិកម្មទំនងជានឹងបន្តនូវកំណើនក្នុងកម្រិតមធ្យមនៅឆ្នាំនេះ និងកើនឡើងនូវភាពល្អប្រសើរនាឆ្នាំបន្ទាប់។ នេះបើយោងតាមការព្យាករណ៍របស់ធនាគារអភិវឌ្ឍន៍អាស៊ី (ADB) ប្រចាំនៅកម្ពុជា។
លោក ឌួង ពូឡង់ មន្ត្រីសេដ្ឋកិច្ចជាន់ខ្ពស់របស់ ADB បានឱ្យដឹងថា ៖ វិស័យកសិកម្មត្រូវបានព្យាករថា នឹងកើនឡើង ១,៣% ក្នុងឆ្នាំ២០២៤ និង ១,៤% ក្នុងឆ្នាំ២០២៥ ដោយសារការកើនឡើងនៃតម្រូវការនាំចេញ និងការប្រើប្រាស់ក្នុងស្រុក។
លោកបានបានឱ្យដឹងថា ៖ គន្លងវិជ្ជមាននេះត្រូវបានគាំទ្របន្ថែមដោយកិច្ចព្រមព្រៀងពាណិជ្ជកម្មសេរីទ្វេភាគីនាពេលថ្មីៗនេះ ជាមួយសាធារណរដ្ឋកូរ៉េ និងអេមីរ៉ាតអារ៉ាប់រួម និងការចូលរួមរបស់កម្ពុជាក្នុងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់។
លោកបានបន្ថែមថា ៖ សមិទ្ធផលកសិកម្មបានកើនឡើងប្រមាណ ១,១ភាគរយក្នុងឆ្នាំ២០២៣ ដែលជំរុញដោយតម្រូវការក្រៅស្រុកសម្រាប់ផលិតផលកម្ពុជា។ ការនាំចេញក្នុងវិស័យកសិកម្មកើនឡើង ៨,៥ % ជាមួយកំណើនគួរឱ្យកត់សម្គាល់នៃកសិផលដំឡូងមី អង្ករ គ្រាប់ស្វាយចន្ទី និងកៅស៊ូ។
ទាក់ទងនឹងវិស័យសេវាកម្ម លោកស្រី Duong Nguyen អ្នកសេដ្ឋកិច្ចជាន់ខ្ពស់នៃធនាគារអភិវឌ្ឍន៍អាស៊ីប្រចាំកម្ពុជា បានឱ្យដឹងថា ៖ វិស័យសេវាកម្មបង្ហាញពីការស្ទុះងើបឡើងវិញដ៏ខ្លាំងក្លាដែលបានកើនឡើងប្រមាណ១២ភាគរយក្នុងឆ្នាំ២០២៣។ កំណើនវិស័យទេសចរណ៍បានរួមចំណែកដ៏សំខាន់ដល់កំណើនវិស័យសេវាកម្មសណ្ឋាគារ ការស្នាក់នៅ ការដឹកជញ្ជូន និងសេវាគមនាគមន៍។ ចំណែកវិស័យអចលនទ្រព្យវិញ នៅមានសភាពទ្រឹងនៅឡើយដោយសារការវិនិយោគបរទេសនៅមានកម្រិតទាប៕
Account
Security
Favourite Content