ភ្នំពេញ ៖ និស្សិត​កម្ពុជា​ជាច្រើន​ត្រូវ​បានផ្ដល់​ឱកាសនិងលើ​ក​ទឹកចិត្ត​​ឱ្យចូលរួមប្រកួត​ប្រជែង​​ក្នុងការ​កែច្នៃ​ផលិត​ផល​ពី​​​ស្វាយ​ ទៅជាផលិតផល​សម្រេច​ដើម្បីដាក់​ចូល​ក្នុងទីផ្សារ​ទាំង​ក្នុង​ប្រទេស និងក្រៅប្រទេស ដែល​កម្មវិធី​ប្រកួត​ប្រជែង​នេះ ធ្វើឡើង​ដោយ​មូលនិធិ​គីណាល់​  ហើយ​ត្រូ​វបានដាក់​ឈ្មោះថា ​ ពានរង្វាន់​ត្នោត​មាស ឬ Thnot d’Or ។​

កាលពី​ចុងសប្ដាហ៍កន្លងទៅនេះ កម្មវិធី​ពានរង្វាន់​នេះក៏បាន​រកឃើញ​និងប្រកាស​ជ័យលាភី​សម្រាប់​និស្សិ​ត​ឆ្នើម​ចំនួន៣ក្រុមដែលមានស្នាដៃស្រាវជ្រាវ​ដ៏មានប្រជា​ប្រិយភាព​លើ​ការ​កែច្នៃ ប្រឌិត​និង​អភិវឌ្ឍផលិត​ផល​ពី​​ស្វាយ​នេះ​ដោយបានរៀបចំ ការ​ប្រគល់ពាន​ក្រោមអធិបតីភាព ឯកឧត្តម​អ៊ុច បូររិទ្ធ អនុប្រធានទី១ ព្រឹទ្ធសភា​នៃព្រះរាជាណាចក្រកម្ពុជា ។​

បើតាមសេចក្ដីប្រកាសព័ត៌មាន​របស់​មូលនិធិ​គីណាល់​ បានឱ្យដឹងថាកម្មវិធីប្រកួ​តប្រជែងពានរង្វាន់ត្នោត​មាស សម្រាប់ឆ្នាំ២០២៥​នេះ មាននិស្សិត​ចូលរួម​ពីសាកល​វិទ្យាល័យ​នានា ចំនួន​៦០​ក្រុម ដោយ​ជម្រុះនៅជុំទី១​​នៅសល់ចំនួន ​១០ក្រុម​ សម្រាប់​ចូលរួមប្រកួត​ចុងក្រោយកាលពីថ្ងៃទី ២៦ ខែកក្កដា ២០២៥ ​ ហើយនៅទីបំផុតគណៈកម្មការ​បានរកឃើញ​ ៣ក្រុម ជា​ម្ចាស់ជ័យលាភី ដើម្បីទទួល​ពាននៅក្នុងថ្ងៃនោះ ​ ។

សេចក្ដីប្រកាសព័ត៌មាន​នេះ​បានឱ្យដឹង​បន្ថែមថា នៅក្នុង​ចំណោម​ជ័យលាភីទាំង​៣​ក្រុមនោះ​ លេខ​១​បានទៅ​លើ​​ក្រុ​ម​និស្សិតមក​ពី​វិទ្យាស្ថាន​ បច្ចេកវិទ្យា​កម្ពុជា​ជាមួយនឹងប្រធានបទ៖ «ការកែច្នៃ​ផ្លែ​ស្វា​យ​ទៅជា​ផលិ​ត​ផល​ស​ម្រេចមានប៊ឺស្វាយ, តែសំបកស្វាយ និងសំបកវិចខ្ចប់ពីស្លឹ​ក​ស្វា​យដើ​ម្បី​គាំ​ទ្រដល់​ប​រិ​ស្ថាន​និ​ង​ប​ង្កើ​ន​សេ​ដ្ឋ​កិ​ច្ចកសិករ» ។ ជ័យលាភីលេខ ២ បានទៅ​លើនិ​ស្សិ​ត ម​ក​ពី​វិទ្យា​ស្ថានបច្ចេកវិទ្យកម្ពុជាដូចគ្នា ជាមួ​យនឹងប្រធានបទ៖«ការកែច្នៃផ្លែស្វាយ ឲ្យក្លាយទៅជាផលិតផលនវានុវត្តន៍ ទឹកខ្មេះស្វាយ»។ ​រីឯ​ជ័​យលា​ភី​​លេខ៣ បានទៅលើនិស្សិតដែលមកពីវិទ្យាស្ថានបច្ចេកវិទ្យាកំពង់ស្ពឺ ជាមួយ​នឹ​ង​ប្រធាន​បទ​៖«កា​រ​កែច្នៃ​៣ ​ផ​លិ​តផលផ្សេងគ្នាពីផ្លែស្វាយកែវរមៀត»។

នៅក្នុង​ឱកាស​នោះដែរលោក​ឧកញ៉ា​ឱសថ​បណ្ឌិត​ហៃ លីអ៊ាង​ ប្រធានមូលនិធិ​គីណាល់ និងជាប្រធានអគ្គ​នាយក​ក្រុមហ៊ុន​សហគ្រាស​ខនហ្វីរេល និង​ប៉េប៉េអឹម បានមានប្រសាសន៍ថា ពានរង្វាន់នេះបានធ្វើឡើង​ក្នុង​​បំណងជំរុញ និងលើកទឹកចិត្តដល់ស្មារតីស្រាវជ្រាវ និងការច្នៃប្រឌិតសម្រាប់យុវនិស្សិ​​តវ័​យ​ក្មេ​ងក​ម្ពុ​​ជាឱ្យ​ធ្វើ​កា​រសិ​ក្សា​ស្រាវ​ជ្រា​វតាមបែបវិទ្យាសាស្រ្តលើបញ្ហាសុខភាពជាចម្បង។

បើតាមការ​បញ្ជាក់ពី​មូលនិធិគីណាល់​បានឱ្យដឹងថា កម្មវិធីពានរង្វាន់ត្នោតមាស មានការទទួលស្គាល់ និង​ល្បីល្បា​ញ​គួ​រឱ្យកត់សម្គាល់ តាមរយៈការចុះឈ្មោះចូលរួមប្រកួតជារៀងរាល់ឆ្នាំរបស់និស្សិត ។ កាលពីឆ្នាំ ២០១៨ ដែលជាឆ្នាំដំបូងមាននិស្សិតចំនួន ១៩ ក្រុម បានចុះឈ្មោះចូលរួមប្រកួត ។ ពីមួយឆ្នាំទៅមួយ​ឆ្នាំក​ម្ម​វិធីប្រកួតនេះមានការគាំទ្រកាន់តែច្រើនដោយមានការចុះឈ្មោះចូលរួមរបស់និស្សិតមកពីគ្រឹះស្ថានឧត្តមសិក្សា​ល្បីៗរួមមានៈ វិទ្យាស្ថានបច្ចេកវិទ្យាកម្ពុជា សាកលវិទ្យាល័យភូមិន្ទកសិកម្ម សាកលវិ​ទ្យាល័យ​ភូ​មិ​ន្ទភ្នំពេញ សាកលវិទ្យាល័យអន្តរជាតិ វិទ្យាស្ថានបច្ចេកវិទ្យាកំពង់ស្ពឺ វិទ្យាស្ថានបច្ចេកវិទ្យាកំពង់ឈឺទាល វិទ្យាស្ថានសន្តប៉ូល – វិទ្យាស្ថានជាតិកសិកម្មព្រែកលៀប  វិទ្យាស្ថានជាតិកសិកម្មកំពង់ចាម សាកលវិទ្យាល័យជាតិបាត់ដំបង និងសាកលវិទ្យាល័យជាតិមានជ័យ ។

សម្រាប់ប្រធានបទឆ្នាំ២០២៥ បច្ចេកទេសកែច្នៃផលិតផលចេញពីផ្លែស្វាយ​ការប្រ​កួត​ស្នា​ដៃអ​ត្ថ​បទ​ស្រា​វ​ជ្រា​វនៅ​ក្នុ​ង​ឆ្នាំនេះផ្តោតសំខាន់លើប្រធានបទស្តីអំពី៖ «ការកែច្នៃផលិតផស្វាយ ព្រមទាំងសិក្សាលក្ខ​ណៈបច្ចេ​ក​ទេ​សលើ​ខ្សែសង្វាក់ផលិតកម្មប្រកបដោយនវានុវត្តន៍ សម្រាប់ទីផ្សារ» ដែលឆ្លុះបញ្ចាំ​ង​ពីស​ក្តា​នុ​ព​លដ៏​សំ​ខាន់​រ​ប​ស់ប្រទេសកម្ពុជាក្នុងការផលិត និងនាំចេញស្វាយ ៕