សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា យន្តហោះ Boeing ដែលប្រើប្រាស់ដោយក្រុមហ៊ុនអាកាសចរណ៍ចិនបានចុះចតនៅមជ្ឈមណ្ឌលផលិតយន្តហោះរបស់សហរដ្ឋអាម៉េរិកវិញកាលពីថ្ងៃសៅរ៍។
យោងតាមសាក្សីពីរ៉យទ័រ បានឱ្យដឹងថា យន្តហោះ 737 MAX ដែលត្រូវបានទិញដោយក្រុមហ៊ុនអាកាសចរណ៍ចិន Xiamen បានចុះចតនៅ Boeing Field នៃទីក្រុង Seattle នៅវេលាម៉ោង ៦:១១ នាទីល្ងាច។ គួរឲ្យបញ្ជាក់ដែរថា យន្តហោះនេះបានឈប់ចាក់សាំងនៅ Guam អំឡុងពេលហោះហើរត្រឡប់មកវិញក្នុងចម្ងាយ ៨ ០០០ គីឡូម៉ែត្រ។ វាគឺជាយន្តហោះមួយក្នុងចំណោមយន្តហោះ 737 MAX ជាច្រើនដែលកំពុងរង់ចាំនៅមជ្ឈមណ្ឌល Zhoushan របស់ Boeing សម្រាប់បង្ហើយការងារដំឡើងចុងក្រោយមុននឹងបញ្ជូនទៅកាន់ក្រុមហ៊ុនដឹកជញ្ជូនចិន។ យ៉ាងណាមិញ ការត្រឡប់មកអាម៉េរិកវិញរបស់យន្តហោះមួយនេះ បានបង្ហាញថា វាគឺជាជនរងគ្រោះនៃពន្ធទ្វេភាគីដែលបានចាប់ផ្តើមដោយប្រធានាធិបតី Donald Trump នៅក្នុងពាណិជ្ជកម្មពិភពលោក។
នៅក្នុងខែមេសានេះ Trump បានដំឡើងពន្ធមូលដ្ឋានលើការនាំចូលរបស់ចិនរហូតដល់ ១៤៥% ហើយចិនបានវាយបកមកវិញតាមរយៈការដាក់ពន្ធ ១២៥% លើទំនិញអាមេរិក។ ដូច្នោះហើយ ក្រុមហ៊ុនអាកាសចរណ៍ចិនដែលទិញយន្តហោះ Boeing របស់អាម៉េរិកនឹងត្រូវប្រឈមនឹងការបង់ពន្ធគយធ្ងន់ធ្ងរ ដោយសារយន្តហោះ 737 MAX ថ្មីមានតម្លៃទីផ្សារប្រហែល ៥៥ លានដុល្លាររួចទៅហើយ។ យ៉ាងណាមិញ វាមិនច្បាស់ទេថាភាគីណាមួយដែលធ្វើការសម្រេចចិត្តឱ្យយន្តហោះត្រឡប់ទៅអាម៉េរិកវិញ ដោយសារទាំងក្រុមហ៊ុនអាម៉េរិក Boeing និង ក្រុមហ៊ុនចិន Xiamen មិនទាន់បានឆ្លើយតបទៅនឹងសំណើសុំការអត្ថាធិប្បាយនោះទេ។
ការត្រលប់មកវិញនៃយន្តហោះ 737 MAX ដែលជាម៉ូដែលលក់ដាច់បំផុតរបស់ Boeing គឺជាសញ្ញាចុងក្រោយបង្ហាញពីការរំខានដល់ការដឹកជញ្ជូនយន្តហោះថ្មីៗ និងស្ថានភាពមិនបង់ពន្ធរាប់ទសវត្សរ៍របស់ឧស្សាហកម្មអាវកាស។ ក្រុមហ៊ុន Boeing ទើបតែធូរស្បើយពីការហាមឃាត់លើការនាំចេញលើយន្តហោះ 737 MAX ជិត ៥ ឆ្នាំ ដោយសារជម្លោះពាណិជ្ជកម្មមុនៗ ប៉ុន្តែជម្លោះពន្ធគយបានត្រឡប់មកវិញ ហើយក្រុមហ៊ុនេះត្រូវប្រឈមនឹងបញ្ហាម្តងទៀត ។ អ្នកវិភាគនិយាយថា ភាពច្របូកច្របល់លើការផ្លាស់ប្តូរពន្ធគយនឹងបង្កឲ្យការចែកចាយយន្តហោះជាច្រើនជាប់គាំង ដោយសារ CEO ក្រុមហ៊ុនអាកាសចរណ៍មួយចំនួនសុខចិត្តពន្យាពេលការបញ្ជូនយន្តហោះជាជាងការបង់ពន្ធ៕
Account
Security
Favourite Content