កម្ពុជា និងទីផ្សារនៃប្រទេសកិច្ចព្រមព្រៀង RCEP  មានការនាំចេញកើនឡើង គួរឱ្យកត់សម្គាល់

ភ្នំពេញ ៖ ​របាយការណ៍​របស់​​​ក្រសួង​ពាណិជ្ជកម្មបានបង្ហាញថា កម្ពុជា​បាន​នាំចេញ​ទំនិញ​មាន​ទំហំ ​៥​,​២​៦​ ​ពាន់​លាន​ដុល្លារ​ទៅកាន់​ប្រទេស​សមាជិក​នៃ​ភាពជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ (RC​E​P​) ​ក្នុងរយៈពេល​ ​៨​ខែ​ដំបូង​នៃ​ឆ្នាំ​២​០​២​៣​ ​កើន​ឡើងប្រមាណ​ ​២​២​ភាគរយ​ ​ក្នុងរយៈពេល​ដូចគ្នា​កាលពីឆ្នាំ២០២២។​

យោងទិន្នន័យរបស់ក្រសួងពាណិជ្ជកម្មបានបញ្ជាក់ថា ការនាំចេញរបស់កម្ពុជា ទៅកាន់ទីផ្សារនៃបណ្តាប្រទេសសមាជិកនៃកិច្ចព្រមព្រៀង RCEP ក្នុងរយៈពេល ៨ខែ ឆ្នាំ២០២៣ មានតម្លៃប្រមាណ ៥ ២៦១ លានដុល្លារ កើនឡើង ២២,៣៧% បើធៀបរយៈពេលដូចគ្នានៃឆ្នាំ២០២២។

របាយការណ៍ បង្ហាញថា ទោះបីការនាំចេញមានកំណើនក៏ពិតមែន ប៉ុន្តែតួលេខនៃការនាំចូលវិញ បានកត់ត្រាពីការធ្លាក់ចុះដល់ទៅ ១៩,២៥% ពីចំនួនទឹកប្រាក់ ១៧,៧០ ពាន់លានដុល្លារ រយៈពេល ៨ខែឆ្នាំ២០២២ មកនៅត្រឹម ១៤,២៩ពាន់លានដុល្លាររយៈពេល ៨ខែឆ្នាំ២០២៣នេះ ខណៈដែលកាលនាំចេញ​ក្នុង​អំឡុង​ខែ​មករា​ ដល់​ខែ​សីហា​ឆ្នាំនេះ​ ​ភាគច្រើនបានឆ្ពោះទៅគោលដៅ​​កំពូល​ទាំង ៣ ​របស់​កម្ពុជាក្រោម​កិច្ចព្រមព្រៀង​ RC​E​P​ ​គឺ​ប្រទេស​វៀតណាម​ ​ចិន​ ​និង​ជប៉ុន​។​

​​អ្នកនាំពាក្យ​ក្រសួង​ពាណិជ្ជកម្ម​​ ​ឯកឧត្តម​ ​ប៉ែន​ សុ​វិជាតិ​ ​បានឱ្យដឹងថា​ ​កិច្ចព្រមព្រៀង ​RC​E​P​ ​ដែល​ចូលជាធរមាន​នៅ​ឆ្នាំ​​២​០​២​២​ ​គឺជា​កម្លាំង​ច​លក​រ​ដ៏​សំខាន់​សម្រាប់​កំណើន​នៃ​ការនាំចេញរបស់​កម្ពុជា​ ​ហើយ​បាន​ក្លាយ​ជា​មេដែក ​ដើម្បី​ស្រូប​ទាញ​លរំហូរ​វិនិយោគ​ផ្ទាល់​ពី​បរទេស​បន្ថែម​ទៀត​។​

ឯកឧត្តម បានបន្តថា ទោះជាទំហំពាណិជ្ជកម្មជាមួយប្រទេសកិច្ចព្រមព្រៀង RCEP មានការធ្លាក់ចុះក៏ពិតមែន ប៉ុន្តែឃើញតួលេខនាំចេញជារួមរបស់កម្ពុជា ទៅកាន់ទីផ្សារបណ្តាប្រទេសទាំងនេះ មានការកើនឡើង។ ជារួមកំណើននេះ បង្ហាញថាប្រទេសកម្ពុជា អនុវត្តកិច្ចព្រមព្រៀងពាណិជ្ជកម្មសេរីពហុភាគី RCEP បានល្អ ហើយជាផលចំណេញ ដូចអ្វីដែលវិទ្យាស្ថានស្រាវជ្រាវសេដ្ឋកិច្ចនានា បានធ្វើការព្យាករណ៍កាលពីមុនដូច្នោះដែរ។

មុខទំនិញសំខាន់ៗ ដែលកម្ពុជា នាំចេញភាគច្រើន រួមមាន៖ ផលិតផលកសិកម្ម គ្រឿងបន្លាស់ គ្រឿង បង្គុំយានយន្ត សម្ភារអគ្គិសនី គ្រឿងអេឡិចត្រូនិក និងផលិតផលវាយនភណ្ឌកាត់ដេរ សម្លៀកបំពាក់ និងស្បែក​ជើង ខណៈមុខទំនិញ ដែលកម្ពុជា នាំចូលភាគច្រើន មានដូចជា វត្ថុធាតុដើមវាយនភណ្ឌកាត់ដេរ ប្រេងឥន្ធនៈ សម្ភារសំណង់ គ្រឿងឧបភោគបរិភោគ សម្ភារប្រើប្រាស់ប្រចាំថ្ងៃ យានយន្ត គ្រឿងចក្រ គ្រឿងអេឡិចត្រូនិក សម្លៀកបំពាក់ ឱសថ និងបរិក្ខាពេទ្រ និងគ្រឿងសំអាង ជាដើម។

ឯកឧត្តម​ ​ប៉ែន​ សុ​វិជាតិ​ ​បាន​បញ្ជាក់​ថា​ ​កិច្ចព្រមព្រៀង​ពាណិជ្ជកម្ម​សេរី ​ដ៏​ធំបំផុត​របស់​ពិភពលោក​នេះ​ ​និង​កិច្ចព្រមព្រៀង​ពាណិជ្ជកម្ម​សេរី​ទ្វេភាគី​ផ្សេងទៀត​ ​នឹង​ជួយ​កម្ពុជា​ឱ្យ​ចាកចេញ​ពី​ឋានៈ​ប្រ​ទេ​សមានការ​អភិវឌ្ឍន៍​តិចតួច​នៅ​ឆ្នាំ​២​០​២​៧​ ​និង​សម្រេច​បាន​នូវ​គោលដៅ​ក្លាយ​ជា​ប្រទេសដែល​មាន​ចំណូល​មធ្យម​ក​ម្រិ​ត​ខ្ពស់​នៅ​ឆ្នាំ​២​០​៣​០​ ​និង​ជា​ប្រទេស​ដែល​មាន​ចំណូល​ខ្ពស់​នៅ​ឆ្នាំ​២​០​៥​០​។​

គួរបញ្ជាក់ថា បើតាមរបាយកាណ៍ក្រសួងពាណិជ្ជកម្មបានឲ្យដឹងថា ប្រទេសដៃគូពាណិជ្ជកម្មសំខាន់ៗទាំង ៥របស់កម្ពុជា ក្រោមកិច្ចព្រមព្រៀង RCEP រួមមាន ៖ ប្រទេសចិន, ជប៉ុន, វៀតណាម, ថៃ, និងសិង្ហបុរី។

ក្នុងកិច្ចប្រជុំកំពូលធុរកិច្ចសហប្រតិបត្តិការសេដ្ឋកិច្ច និងពាណិជ្ជកម្ម ក្នុងក្រប​ខ័ណ្ឌកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់លើកទី៣ នៅទីក្រុងណាននីង ប្រទេសចិន (ថ្ងៃទី១៧ ខែកញ្ញា ឆ្នាំ២០២៣)  សម្តេចធិបតី ហ៊ុន ម៉ាណែត បានថ្លែងបញ្ជាក់ថា រាជរដ្ឋាភិបាលកម្ពុជាក្នុងអាណត្តិថ្មីនេះ នៅតែបន្តពង្រឹងតួនា​ទីរបស់កម្ពុជាក្នុងអាស៊ាន ពង្រឹងអភិបាលកិច្ច និងពង្រីកតួនាទីរបស់វិស័យឯកជន និងជំរុញសមាហរណកម្មសេដ្ឋកិច្ចទៅក្នុងតំបន់ ក៏ដូចជាសកលលោក ក្រោមក្របខ័ណ្ឌអាស៊ាន,អាស៊ានជាមួយដៃគូ និងកិច្ចព្រមព្រៀង​​អាសិប ដើម្បីទាក់ទាញការវិនិយោគពីបរ​ទេស លើកកម្ពស់កំណើនសេដ្ឋកិច្ច និងពង្រឹងភាពធន់។

សម្តេចធិបតីសង្ឃឹមថា ក្រោមប្រធានបទ ការធ្វើសមាហរណកម្មក្នុងទីផ្សារបើកទូលាយរបស់កិច្ចព្រមព្រៀង RCEP និងការជំរុញកិច្ចសហប្រតិបត្តិការឈ្នះ ឈ្នះ ក្នុងតំបន់អាស៊ី-ប៉ាស៊ីហ្វិក»ពិព័រណ៍ និងកិច្ចប្រជុំកំពូលនេះ​នឹងផ្តល់នូវការយល់ដឹងកាន់តែប្រសើរអំពីកាលានុវត្តភាព ធុរកិច្ច ពាណិជ្ជកម្ម និងវិនិយោគនៅកម្ពុជា និងឱកាសនៃការបង្កើតទំនាក់ទំនងរវាងគ្នាបន្ថែមទៀត ជាមួយប្រទេសកម្ពុជា និងសហគមន៍ធុរកិច្ចកម្ពុជា។

សូមបញ្ជាក់ថា ​កិច្ចព្រមព្រៀង​ RC​E​P​ ​រួម​មាន​ប្រទេស​ក្នុង​តំបន់​អាស៊ី​ប៉ាស៊ីហ្វិក​ចំនួន​១​៥​រួម​មាន​ប្រទេស​សមាជិក​អា​ស៊ាន​ចំនួន​១​០​ដូចជា​ ប្រ៊ុ​យ​ណេ ​កម្ពុជា​ ​ឥណ្ឌូ​នេ​ស៊ី​ ​ឡាវ​ ​ម៉ាឡេស៊ី​ ​មី​យ៉ា​ន់​ម៉ា​ ​ហ្វីលីពីន​ ​សិង្ហបុរី​ ​ថៃ​ ​និង​វៀតណាម​ ​និង​ដៃគូ​រ​ពាណិជ្ជកម្ម​ចំនួន​៥​ ​រួម​មាន​ ​ចិន​ ​ជប៉ុន​ ​កូរ៉េ​ខាងត្បូង​ ​អូស្ត្រាលី​ ​និង​នូ​វែ​ល​សេ​ឡង់​។

កិច្ចព្រមព្រៀង RCEP ជាពាណិជ្ជកម្មដ៏ធំបំផុតរបស់ពិភពលោក បានចូលជាធរមាន នៅក្នុងខែមករាឆ្នាំ២០២២​ ដែលនឹងគ្របដណ្តប់ទីផ្សារមានប្រជាជន ២,២ពាន់លាននាក់ មានតម្លៃជាង ២៥ ទ្រីលានដុល្លារអាមេរិកនៃទិន្នផលសកលលោក និងបានបង្កើតក្រុមពាណិជ្ជកម្មគ្របដណ្តប់ប្រហែល ៣០ភាគរយនៃចំនួនប្រ​ជា​​ជនសរុបពិភពលោក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់