តោះ ! មកស្គាល់ប្រទេសកំពូលទាំង ៥ ដែលលក់រថយន្តអគ្គិសនី EV បានច្រើនជាងគេ

បរទេស ៖ យោងតាមប្រភពពី Weforum បានលើកឡើងថា ប្រទេសទាំង ៥ បាន និងកំពុងនាំមុខគេលើពិភពលោកក្នុងការលក់ចេញ និងផ្លាស់ប្តូរទៅប្រើប្រាស់រថយន្តអគ្គិសនី (EV) ច្រើនជាងគេបំផុត ខណៈដែលរថយន្តអគ្គិសនីផលិតឧស្ម័នពុលតិចជាងរថយន្តដែលប្រើសាំង និងម៉ាស៊ូត ដោយសារនៅពេលដែលថាមពលអគ្គិសនីបំប្លែងទៅជាថាមពលកាបូនសូន្យ ការបំភាយឧស្ម័ននឹងកាន់តែទាប។

ប្រទេសន័រវេស បាននាំមុខគេលេខមួយដែលលក់រថយន្តអគ្គិសនី ៨០ ភាគរយនៃការលក់រថយន្តថ្មីសរុប។ កាលពីឆ្នាំ២០២២ កន្លងទៅនេះ ប្រទេសនេះបានលក់រថយន្តអគ្គិសនីសរុបចំនួន ១៥០ ០០០ គ្រឿង។ រហូតមកដល់ពេលនេះ ប្រទេសន័រវេសក្លាយជាអ្នកលក់រថយន្ត EV នាំមុខគេ ដោយសារតែរដ្ឋាភិបាលបានផ្សព្វផ្សាយអំពីថាមពល EV មុនគេនៅលើពិភពលោក។ ប្រទេសនេះមានគោលបំណងចង់បញ្ឈប់ការលក់រថយន្តម៉ាស៊ីនចំហេះខាងក្នុងដែលប្រើសាំង និងម៉ាស៊ូតមុនគេនៅឆ្នាំ២០២៥។

ប្រទេសអ៊ីស្លង់ ជាប់ចំណាត់ថ្នាក់លេខ២ ដែលលក់រថយន្តអគ្គិសនី ៤១ ភាគរយនៃការលក់រថយន្តថ្មីសរុប។ ប្រទេសស៊ុយអែត ជាប់ចំណាត់ថ្នាក់លេខ ៣ ដែលលក់រថយន្តអគ្គិសនី ៣២ ភាគរយនៃការលក់រថយន្តថ្មីសរុប។ ប្រទេសហូឡង់ ជាប់ចំណាត់ថ្នាក់លេខ ៤ ដែលលក់រថយន្តអគ្គិសនី ២៤ ភាគរយនៃការលក់រថយន្តថ្មីសរុប។ ប្រទេសចិន ជាប់ចំណាត់ថ្នាក់លេខ ៥ ដែលលក់រថយន្តអគ្គិសនីបាន ២២ ភាគរយនៃការលក់រថយន្តថ្មីសរុប។

ស្របពេលនេះដែរ ចិន គឺជាតួអង្គសំខាន់មួយនៅក្នុងថាមពល EV ដោយសារការគាំទ្ររបស់ចិនលើថាមពល EV បានជួយកាត់បន្ថយការចំណាយលើថ្មថាមពល និងធ្វើឱ្យការទទួលយក EV កាន់តែងាយស្រួលនៅទូទាំងពិភពលោក។ ចិនមើលឃើញថា EV ជាយុទ្ធសាស្ត្រវិនិយោគថ្មីមួយក្នុងវិស័យផលិតរថយន្ត ដែលវាអាចទទួលបានអត្ថប្រយោជន៍ប្រកួតប្រជែង ប្រសិនបើខ្លួនអាចអភិវឌ្ឍបានលឿន។ ចិនក៏ចាប់អារម្មណ៍អំពីរបៀបដែលរថយន្ត EV អាចជួយកាត់បន្ថយការបំពុលបរិយាកាស និងកាត់បន្ថយការពឹងផ្អែកលើការនាំចូលឥន្ធនៈផងដែរ។ សព្វថ្ងៃនេះ រថយន្ត EV ចំនួន ៨ ក្នុងចំណោមរថយន្ត EV កំពូលទាំង ១០ ដែលដាក់លក់នៅក្នុងប្រទេសចិន ត្រូវបានផលិតដោយក្រុមហ៊ុនចិន។ មិនត្រឹមតែប៉ុណ្ណោះ អ្នកប្រើប្រាស់នៅចិនអាចជ្រើសរើសរថយន្ត EV ជិត ៣០០ ម៉ូដែលដែលច្រើនជាងកន្លែងផ្សេងទៀតនៅលើពិភពលោក។

កាលពីឆ្នាំកន្លងទៅ រថយន្តអគ្គិសនី EV ច្រើនជាង ១០ លានគ្រឿងត្រូវបានលក់នៅទូទាំងពិភពលោកដែលស្មើនឹង ១៤ ភាគរយនៃការលក់រថយន្តថ្មីទាំងអស់ ដោយកើនឡើងពី ៩ ភាគរយក្នុងឆ្នាំ ២០២១។ អ្នកជំនាញនិយាយថា ការលក់រថយន្តអគ្គិសនីគួរបន្តកើនឡើង ៣១ ភាគរយក្នុងមួយឆ្នាំរហូតដល់ឆ្នាំ២០២៣ ដើម្បីឈានដល់គោលដៅ ៧៥ ភាគរយ។ ទន្ទឹមនឹងនេះ រថយន្ត EV មានចំនួន ១៨ ភាគរយនៃរថយន្តថ្មីទាំងអស់ដែលបានលក់នៅឆ្នាំនេះ ដែលវាបានជួយដល់គោលនយោបាយប្រើប្រាស់ EV និងសម្រួលដល់តម្លៃប្រេងថ្លៃ។ ដូច្នោះហើយ ការបង្កើនការលក់ EV គឺជាជំហានដ៏សំខាន់មួយក្នុងការកាត់បន្ថយការបំភាយឧស្ម័ន កាត់បន្ថយការស្លាប់ដែលទាក់ទងនឹងបញ្ហារថយន្ត សន្សំសំចៃពេលវេលា និងកាត់បន្ថយការបំផ្លាញប្រព័ន្ធអេកូឡូស៊ី៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ