សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការប្រកួតប្រជែងកម្ពុជា «គ.ប.ក.» និងលោក Michael G. Aguinaldo ប្រធានគណៈកម្មាធិការប្រកួតប្រជែងហ្វីលីពីន «PCC» នារសៀលថ្ងៃទី១១ ខែកុម្ភៈ ឆ្នាំ២០២៥ បានធ្វើការផ្លាស់ប្តូរអនុស្សរណៈនៃការយោគយល់គ្នារវាង គ.ប.ក. និង PCC” ក្រោមសក្ខីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម Ferdinand Romualdez Marcos Jr. ប្រធាននាធិបតីនៃសាធារណៈរដ្ឋហ្វីលីពីន នៅកំឡុងពេលបំពេញទស្សនកិច្ចផ្លូវការរបស់សម្តេចមហាបវរធិបតីនាយករដ្ឋមន្ត្រី នៅសាធារណរដ្ឋហ្វីលីពីន។
អនុស្សរណៈនៃការយោគយល់គ្នានេះ នឹងផ្តល់នូវក្របខណ្ឌសម្រាប់កិច្ចសហប្រតិបត្តិការជិតស្និទ្ធរវាង គ.ប.ក. និង PCC រួមមាន ការចែករំលែកព័ត៌មានលើករណីប្រកួតប្រជែងឆ្លងដែន ការជូនដំណឹងអំពីសកម្មភាពពាក់ព័ន្ធនឹងការអនុវត្តច្បាប់ កិច្ចសម្របសម្រួល និងកិច្ចសហការលើការស៊ើបអង្កេត និងការងារបច្ចេកទេស ដូចជាការបណ្តុះបណ្តាលសមត្ថភាពរួមគ្នារបស់មន្ត្រីស៊ើបអង្កេតក្រោមច្បាប់ស្តីពីការប្រកួតប្រជែងឲ្យស្របតាមយុទ្ធសាស្ត្របញ្ចកោណដំណាក់កាលទី១ បញ្ចកោណទី៣ មុំទី៤ «ការពង្រឹងការប្រកួតប្រជែង» របស់រាជរដ្ឋាភិបាល នីតិកាលទី៧នៃរដ្ឋសភា។
គួរជម្រាបថា៖ រាជរដ្ឋាភិបាលកម្ពុជា បានផ្លាស់ប្តូរឈ្មោះ អគ្គនាយកដ្ឋានកម្ពុជាត្រួតពិនិត្យទំនិញនីហរ័ណ អាហរ័ណ និងបង្ក្រាបការក្លែងបន្លំ (កាំកុងត្រូល) ឱ្យទៅជាអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នាឆ្នាំ២០២០។ តួនាទីនិងភារកិច្ចចម្បង ផ្តោតលើការការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ដើម្បីធានាឱ្យបាននូវគុណភាព និងសុវត្ថិភាព នៃផលិតផលទំនិញ និងសេវា ជាពិសេសការការពារសុខុមាលភាពរបស់ប្រជាពលរដ្ឋ៕
Account
Security
Favourite Content