សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មន្ត្រីជាន់ខ្ពស់ក្រសួងពាណិជ្ជកម្ម បានលើកឡើងថា រាជរដ្ឋាភិបាលកម្ពុជាមានគោលបំណងប្រែក្លាយឱ្យទៅជាប្រទេសអ្នកផលិត និងផ្គត់ផ្គង់ផលិតផលស្វាយចន្ទី សម្រាប់បម្រើទីផ្សារក្នុងស្រុក ក្នុងតំបន់ និងនៅលើពិភពលោកក្នុងពេលខាងមុខនេះ។
លោកស្រី គង់ សិទ្ធិកា អនុរដ្ឋលេខាធិការក្រសួងពាណិជ្ជកម្មបានឱ្យដឹងកាលពីពេលកន្លងទៅថ្មីៗនេះ ស្វាយចន្ទី ជាដំណាំកសិ-ឧស្សាហកម្ម និងជាដំណាំអាទិភាពមួយក្នុងចំណោមដំណាំអាទិភាពទាំង ១២ មុខ ដែលរាជរដ្ឋាភិបាល បាន និងកំពុងផ្តោតការយកចិត្តទុកដាក់លើការបង្កើនផលិតភាព និងការប្រកួតប្រជែងតាមរយៈការធ្វើពិពិធកម្មសេដ្ឋកិច្ចក្នុងសកម្មភាពដែលមានតម្លៃខ្ពស់ ហើយរាជរដ្ឋាភិបាលមានឆន្ទៈជំរុញអភិវឌ្ឍន៍ និងចង់ឱ្យកម្ពុជាក្លាយទៅជាប្រទេសនាំចេញគ្រាប់ស្វាយចន្ទីច្រើនជាងគេនៅលើពិភពលោក។
យ៉ាងណាមិញ គោលនយោបាយជាតិស្ដីពីស្វាយចន្ទី ឆ្នាំ២០២២-២០២៧ មានចក្ខុវិស័យអភិវឌ្ឍន៍ផលិតកម្ម ការកែច្នៃ និងទីផ្សារស្វាយចន្ទីឱ្យមានលក្ខណៈប្រកួតប្រជែងប្រកបដោយបរិយាបន្ន ធានានូវនិរន្តរភាព និងការធ្វើពិពិធកម្មសេដ្ឋកិច្ច។
លោកស្រី បានបញ្ជាក់ផងដែរថា ក្នុងរយៈពេល ៩ ខែ ឆ្នាំ២០២៣ គ្រាប់ស្វាយចន្ទីឆៅចំនួន ៣៨៩.១៧៤ តោន ត្រូវបាននាំចេញទៅប្រទេស មួយចំនួន ដូចជា ប្រទេសចិន ជប៉ុន បង់ក្លាដែស ឥណ្ឌា វៀតណាម និង ថៃ ។ គ្រាប់ស្វាយចន្ទីកែច្នៃ ចំនួន ៧៥៦ តោន នាំ ចេញទៅ ប្រទេសចិន សាធារណរដ្ឋឆែក ជប៉ុន កូរ៉េ ហូឡង់ វៀតណាម ថៃ តៃវ៉ាន់ និងសហរដ្ឋ អាមេរិក។ ចំណែកផលិតផល គ្រាប់ស្វាយចន្ទីស្ងួតជាមធ្យម មានតម្លៃ ១,៦៥៨ ដុល្លារ ក្នុង ១តោន រីឯក្នុងខែកញ្ញា តម្លៃកើនដល់ ១.៩០០ ដុល្លារ ក្នុង១តោន។
កត្តាទាំងអស់នេះ នឹងក្លាយជាកម្លាំងចលករ យ៉ាងសំខាន់ក្នុងការឈានឆ្ពោះទៅសម្រេចគោលដៅ ប្រែក្លាយកម្ពុជាឱ្យទៅជាអ្នកនាំចេញស្វាយចន្ទីដ៏ធំមួយរបស់ពិភពលោក នៅពេលអនាគតឆាប់ៗខាងមុខនេះ៕
Account
Security
Favourite Content