សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សេដ្ឋកិច្ចកម្ពុជា កាលពីឆ្នាំ២០២៣ សម្រេចបានកំណើ ន៥% ហើយនៅឆ្នាំ២០២៤ ត្រូវបានព្យាករថានឹងកើនឡើងក្នុងរង្វង់៦% ដោយក្នុងនោះ វិស័យសំខាន់ៗដែលគាំទ្រកំណើនរួមមាន វិស័យកសិកម្ម វិស័យឧស្សាហកម្ម ជាពិសេសវិស័យកាត់ដេរ វិស័យកម្មន្តសាលមិនមែនកាត់ដេរ និងវិស័យសេវាកម្ម។ នេះបើតាមប្រសាសន៍របស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជានៅក្នុងសេចក្តីថ្លែងការណ៍ពិសេសមួយស្តីពីសមិទ្ធផលមួយឆ្នាំរបស់រាជរដ្ឋាភិបាលនីតិកាលទី៧ នៃរដ្ឋសភា កាលពីរាត្រីថ្ងៃទី២២ ខែសីហា ឆ្នាំ២០២៣-២២សីហា ឆ្នាំ២០២៤។
ធនាគារពិភពលោក World Bank បានព្យាករថា កម្ពុជានឹងទទួលបានកំណើនសេដ្ឋកិច្ច ៥.៨% នៅឆ្នាំ២០២៤ ពោលគឺលើសឆ្នាំ២០២៣ ដែលមានត្រឹម ៥.៤% ។ កំណើនសេដ្ឋកិច្ចនេះទទួលបានពីវិស័យការនាំចេញសម្លៀកបំពាក់ វិស័យទេសចរណ៍ កសិកម្ម សំណង់ និងវិស័យអចលនទ្រព្យ។
ដោយឡែក របាយការណ៍របស់មូលនិធិរូបិយវត្ថុអន្ដរជាតិ IMF ចេញផ្សាយកាលពីចុងខែមករា ឆ្នាំ២០២៤ បានឲ្យដឹងថា សេដ្ឋកិច្ចកម្ពុជាអាចទទួលបានកំណើនកើនឡើង ៦.០% នៅក្នុងឆ្នាំ២០២៤។ តួលេខនេះគឺដូចគ្នានឹងការព្យាករណ៍របស់ធនាគារអភិវឌ្ឍន៍អាស៊ី ADB កាលពីអំឡុងខែកក្កដា ឆ្នាំ២០២៣។
ពាក់ព័ន្ធនឹងវិស័យការងារ សម្តេចបានថ្លែងថា ៖
«ទោះបីជាស្ថានភាពសន្តិសុខ និងសេដ្ឋកិច្ចពិភពលោកមានភាពមិនប្រកដប្រជាដែលជះឥទ្ធិពលអវិជ្ជមានដល់សេដ្ឋកិច្ចកម្ពុជាក៏ដោយ ក៏ស្ថានភាពការងារនៅតែមានភាពវិជ្ជមាន។ ជាក់ស្តែង ក្នុងរយៈពេល១២ខែកន្លងមកនេះ ទោះជាមានរោងចក្រ សហគ្រាសមួយចំនួនបានបិទទ្វារក៏ដោយ ក៏មានរោងចក្រ សហគ្រាស បើកថ្មីជាច្រើនផងដែរ ដែលបង្កើតការងារសរុបបានជាង២២ម៉ឺនកន្លែង ដោយក្នុងនោះ រោងចក្រក្នុងវិស័យកាត់ដេរ និងវាយនភណ្ឌបានបើកថ្មីចំនួន២៧៥ បានបង្កើតការងារថ្មីចំនួនជាង១៣ម៉ឺនកន្លែង»។
សម្តេចធិបតីបានបញ្ជាក់ថា រាជរដ្ឋាភិបាលបានដំឡើងប្រាក់ឈ្នួលអប្បបរមាជូនកម្មករនិយោជិតក្នុងវិស័យកាត់ដេរ និងវាយណភណ្ឌរហូត ២០៤ដុល្លារក្នុងមួយយខែ ក្នុងឆ្នាំ២០២៤ ក្នុងគោលដៅគាំទ្រ និងការពារសិទ្ធិ ការពារផលប្រយោជន៍ជាច្រើនទៀតផងដែរ។
សូមជម្រាបជូនថា ក្នុងរយៈពេល១ឆ្នាំកន្លងមកនេះ ក្រុមប្រឹក្សាអភិវឌ្ឍន៍កម្ពុជា ក៏បានអនុម័តគម្រោងវិនិយោគសរុបចំនួន៣៩១គម្រោងដែលមានទឹកប្រាក់ប្រមាណ ៧,៦ពាន់លានដុល្លារ ដោយក្នុងនោះផ្ដោតលើវិស័យសំខាន់ៗដូចជា វិស័យកសិកម្ម កសិ-ឧស្សាហកម្ម ឧស្សាហកម្មទេសចរណ៍ និងហេដ្ឋារចនាសម្ព័ន្ធ៕
Account
Security
Favourite Content