សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ្នកជំនាញសេដ្ឋកិច្ចកម្ពុជា គឺ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានបង្ហាញការរំពឹង ថា សេដ្ឋកិច្ចកម្ពុជានឹងកាន់តែមានភាពល្អប្រសើរក្រោមការដឹកនាំដោយរដ្ឋាភិបាលថ្មីនៃនីតិកាលទី៧នេះ។ ការរំពឹងរបស់អ្នកជំនាញរូបនេះ ត្រូវបានធ្វើឡើងដោយហេតុថា មន្ត្រីដែលថ្នាក់ដឹកនាំជំនាន់ក្រោយភាគច្រើនជាបញ្ញាវ័ន្ដ និងជាអ្នកមានចំណេះខ្ពង់ខ្ពស់ ដែលអាចជួយជំរុញសេដ្ឋកិច្ចកម្ពុជាទៅតាមផែនការរបស់រាជរដ្ឋាភិបាល។
អ្នកឧកញ៉ា លឹម ហេង បានមានប្រសាសន៍ប្រាប់ AMS ថា នៅពេលបច្ចុប្បន្ននេះ ដោយសារតែពិភពលោកកើតមានវិបត្តិមួយចំនួនដែលបណ្តាលមកពីការរាតត្បាតជំងឺកូវីដ ការបម្រែបម្រួលអាកាសធាតុ ជាពិសេសបញ្ហាដែលបណ្តាលមកពីសង្គ្រាមរវាងអ៊ុយក្រែន និងរុស្ស៊ី បានធ្វើឱ្យប្រទេសជាច្រើនមានបញ្ហាផ្នែកសេដ្ឋកិច្ច។ ប៉ុន្តែសម្រាប់កម្ពុជា ដែលជាប្រទេសកំពុងអភិវឌ្ឍក្រោមការដឹកនាំប្រកបដោយគតិបណ្ឌិតរបស់សម្ដេចតេជោ ហ៊ុន សែន កម្ពុជាអាចមានលទ្ធភាពគ្រប់គ្រាន់គេចចេញពីវិបត្តិដ៏ធ្ងន់ធ្ងរទាំងនោះ ហើយអាចធ្វើឱ្យកម្ពុជាមានកំណើនសេដ្ឋកិច្ចថែមទៀតផង។
ដោយឡែក សម្រាប់នីតិកាលថ្មីទី៧ នៃការដឹកនាំរាជរដ្ឋាភិបាលដែលមានឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី សេដ្ឋកិច្ចកម្ពុជានឹងកាន់តែមានភាពល្អប្រសើរបន្ថែមទៀត ខណៈដែលថ្នាក់ដឹកនាំភាគច្រើនសុទ្ធតែជាបញ្ញាវ័ន្ត មានចំណេះដឹងខ្ពង់ខ្ពស់ ច្បាស់លាស់ ដែលមានប្រសិទ្ធភាពខ្ពស់ក្នុងការបម្រើផលប្រយោជន៍ដល់ប្រជាពលរដ្ឋទូទៅ ក៏ដូចជាអាជីវករទូទៅផងដែរឱ្យកាន់តែមានភាពងាយស្រួលក្នុងការប្រកបអាជីវកម្ម អាចកាត់បន្ថយភាពក្រីក្រ បង្កើនការអភិវឌ្ឍន៍នៅតាមទីជនបទ បង្កើនប្រសិទ្ធិភាពនៃការនាំចេញ ជាពិសេស សហគ្រាសធនតូច និងមធ្យមរបស់កម្ពុជា។
យ៉ាងណាមិញ អ្នកឧកញ៉ា លឹម ហេង ក៏បានរំលេចពីស្ថានភាពសេដ្ឋកិច្ចកម្ពុជានៅមុនការបោះឆ្នោតក៏មិនមានអ្វីជាការព្រួយបារម្ភនោះដែរ។ បើទោះបីជាពិភពលោកកំពុងរងផលប៉ះពាល់ផ្នែកសេដ្ឋកិច្ចខ្លាំង ប៉ុន្តែសេដ្ឋកិច្ចកម្ពុជានិយាយដោយឡែក ហាក់មិនចោទជាបញ្ហាធំដុំនោះទេ។
អ្នកឧកញ៉ាបានបញ្ជាក់ឱ្យដឹងថា ៖
“ការបោះឆ្នោតជ្រើសតាំងតំណាំងរាស្ត្រនីតិកាលទី៧នេះ បានបង្ហាញពីភាពចាស់ទុំរបស់កម្ពុជា។ ជាពិសេសឥរិយាបថ និងស្មារតីរបស់ប្រជាពលរដ្ឋ ដែលមិនមានភាពភ័យខ្លាចលើស្ថានការណ៍មិនប្រាកដប្រជាណាមួយនោះឡើយ។ ផ្ទុយទៅវិញ បន្ទាប់ពីបោះឆ្នោតរួច ពលរដ្ឋបានចាត់ទុកថ្ងៃបោះឆ្នោតជាថ្លៃសំរាកដើម្បីដើរកម្សាន្ដតាមតំបន់រមណីយដ្ឋាននានាផងដែរ ហើយសាទរទៅនឹងលទ្ធផលនៃការបោះឆ្នោត ជាពិសេសស្វាគមន៍យ៉ាងកក់ក្ដៅចំពោះវត្តមានរបស់ឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រីនៃកម្ពុជា។”
តាមរយៈទិដ្ឋភាពទាំងនេះ អ្នកឧកញ៉ាក៏បានសង្កត់ធ្ងន់ផងដែរថា វានឹងកាន់តែផ្ដល់ទំនុកចិត្តថែមមួយកម្រិតទៀតដល់ការវិនិយោគនៅកម្ពុជា ហើយកាលណាវិនិយោគិនក្រៅស្រុកមានទំនុកចិត្តលើកម្ពុជា នោះការបណ្ដាក់ទុន ក៏នឹងមានសញ្ញាវិជ្ជមានជាបន្តបន្ទាប់ផងដែរ៕
Account
Security
Favourite Content