សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមព័ត៌មានពី CNBC បានឱ្យដឹងថា ប្រទេសចិនអាចនឹងនាំមុខប្រទេសជប៉ុនក្នុងនាមជាអ្នកនាំចេញរថយន្តកំពូលរបស់ពិភពលោកនៅចុងឆ្នាំ ២០២៣ នេះ។
បន្ទាប់ពីធូរស្រាលនៃការរាតត្បាតកូវីដ-១៩ ចិនបានយកឈ្នះកូរ៉េខាងត្បូងក្នុងឆ្នាំ២០២១ និង អាល្លឺម៉ង់នៅឆ្នាំ២០២២ក្នុងនាមជាអ្នកនាំចេញរថយន្តធំជាងគេទី២របស់ពិភពលោក។ ឥឡូវនេះ ការនាំចេញរបស់ចិនកំពុងកៀកនឹងជប៉ុន ដោយសារតម្រូវការកើនឡើងសម្រាប់រថយន្តអគ្គិសនីដែលត្រូវនាំចេញលើសពីកម្រិតមុនពេលមានការរាតត្បាត។ នៅក្នុងឆមាសទី១នៃឆ្នាំ២០២៣ ការនាំចេញរថយន្អអគ្តិសនី EV របស់ចិនបានកើនឡើងទ្វេដងធៀបនឹងរយៈពេលដូចគ្នាកាលពីឆ្នាំមុន។ ទន្ទឹមនឹងនេះ គេប្រៀបធៀបការនាំចេញរថយន្តសរុបទាំងប្រភេទធម្មតា និងប្រភេទ EV ពីជប៉ុន និង ថៃ គឺមិនទាន់ឃើញត្រឡប់ទៅកាន់កម្រិតដូចមុនពេលមានការរាតត្បាតនោះទេ។
យោងទៅតាមទិន្នន័យពី Moody បានលើកឡើងថា ចិនមានសមត្ថភាពប្រកួតប្រជែង ដោយសារការផលិតថ្មថាមពលលីចូម-អ៊ីយ៉ុង ដែលជាកត្តាជំរុញឱ្យក្រុមហ៊ុនផលិតរថយន្តរបស់ខ្លួនទទួលអត្ថប្រយោជន៍ពីតម្លៃផលិតកម្ម EV ។ ចិនផលិតថាមពលលីចូមច្រើនជាងពាក់កណ្តាលនៃការផ្គត់ផ្គង់លីចូមរបស់ពិភពលោក ដោយសារតម្លៃពលកម្មទាប បើប្រៀបធៀបទៅនឹងគូប្រជែងរបស់ខ្លួនដូចជា ជប៉ុន និងកូរ៉េខាងត្បូង។ លើសពីនេះ ចិនក៏មានសមត្ថភាពចម្រាញ់លោហៈច្រើនជាងពាក់កណ្តាលចំនួនសរុបរបស់ពិភពលោកផងដែរ។ ជាលទ្ធផល ក្រុមហ៊ុនរថយន្តធំៗមួយចំនួនរបស់ពិភពលោកបានបង្កើតរោងចក្រផលិតនៅក្នុងប្រទេសចិនមានដូចជា ក្រុមហ៊ុន Tesla និង BMW ជាដើម។
ទោះជាយ៉ាងណាក៏ដោយ ម៉ាករថយន្តក្នុងស្រុកដូចជា Chery និង SAIC នៅតែលេចធ្លោជាងម៉ាករថយន្តបរទេស។ អ្នកវិភាគសេដ្ឋកិច្ចបាននិយាយថា ល្បឿនដែលចិនបានទទួលយកបច្ចេកវិទ្យាថ្មីៗនៅក្នុងឧស្សាហកម្មរថយន្តគឺមិនអាចប្រៀបផ្ទឹមបាននោះទេ។ មិនត្រឹមតែប៉ុណ្ណោះ តំបន់អាស៊ីប៉ាស៊ីហ្វិកដែលជាកន្លែងនាំចេញរថយន្តធំជាងគេលើពិភពលោកដូចជាកូរ៉េខាងត្បូង ចិន និងជប៉ុនមានការងើបឡើងវិញនៃការនាំចេញរថយន្តរបស់ពួកគេ។
គួរឲ្យបញ្ជាក់ផងដែរថា រថយន្តប្រភេទ EV មានចំណែក ៣០ ភាគរយនៃចំនួនរថយន្តដឹកអ្នកដំណើរសរុបដែលបានលក់នៅទូទាំងពិភពលោកកាលពីឆ្នាំមុន។ កាលពីខែមេសាកន្លងទៅនេះ ទីភ្នាក់ងារថាមពលអន្តរជាតិ IEA បានបង្ហាញថា ការលក់រថយន្ត EV បានកើនឡើងដល់ជាង ១០ លានគ្រឿងក្នុងឆ្នាំ ២០២២ ដោយចិននាំមុខគេ និង មានចំណែកប្រហែល ៦០ ភាគរយនៃទីផ្សាររថយន្ត៕
Account
Security
Favourite Content