សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី South China Morning Post បានរាយការណ៍ថា ទេសាភិបាលធនាគារកណ្តាល និងរដ្ឋមន្ត្រីហិរញ្ញវត្ថុរបស់ចិនបានអំពាវនាវឱ្យមានកិច្ចសហប្រតិបត្តិការកាន់តែស៊ីជម្រៅជាមួយអាស៊ាន ជប៉ុន និងកូរ៉េខាងត្បូង ចំពេលដែលសង្គ្រាមពាណិជ្ជកម្មកាន់តែមានភាពតានតឹង។
នៅក្នុងកិច្ចប្រជុំអាស៊ាន +3 កាលពីថ្ងៃអាទិត្យ រដ្ឋមន្ត្រីហិរញ្ញវត្ថុរបស់ចិន លោក Lan Foan បានលើកឡើងថា ទីក្រុងប៉េកាំងមានឆន្ទៈក្នុងការធ្វើការជាមួយដៃគូក្នុងតំបន់ ដើម្បីពង្រឹងគោលនយោបាយសម្រាប់ធ្វើឱ្យទំនាក់ទំនងពាណិជ្ជកម្ម និងការវិនិយោគកាន់តែស៊ីជម្រៅ។ ចិនបានប្តេជ្ញាចិត្តចំពោះកិច្ចសហប្រតិបត្តិការហិរញ្ញវត្ថុក្នុងតំបន់ដែលមានលក្ខណៈបើកចំហ និងរួមបញ្ចូល ដើម្បីទប់ទល់នឹងភាពមិនប្រាកដប្រជានៃសកលលោក។
នៅក្នុងសេចក្តីថ្លែងការណ៍មួយដែលបានបង្ហោះនៅលើគេហទំព័ររបស់ក្រសួងហិរញ្ញវត្ថុចិន លោក Lan បានលើកឡើងថា នាពេលបច្ចុប្បន្ននេះ ទិដ្ឋភាពសេដ្ឋកិច្ចពិភពលោកកំពុងមានការផ្លាស់ប្តូរខ្លាំងក្លា ដោយសកលភាវូបនីយកម្មកំពុងប្រឈមនឹងការប្រឆាំងគ្នា ឯកតោភាគីនិយម និងការការពារនិយម ដែលធ្វើឲ្យភាពមិនប្រាកដប្រជាកាន់តែកើនឡើង។ ការកត់សម្គាល់របស់លោក Lan បានកើតឡើងចំពេលមានភាពតានតឹងពាណិជ្ជកម្មសកល បន្ទាប់ពីប្រធានាធិបតីអាម៉េរិក Donald Trump ប្រកាសការយកពន្ធគយពីដៃគូពាណិជ្ជកម្មជាច្រើនរបស់ខ្លួន។ ទន្ទឹមនឹងនេះ ប្រទេសជាច្រើនបានជួបពិភាក្សាជាមួយសហរដ្ឋអាម៉េរិក ដើម្បីឈានដល់កិច្ចចរចាមួយ ប៉ុន្តែមិនទាន់មានកិច្ចព្រមព្រៀងពាណិជ្ជកម្មណាមួយត្រូវបានប្រកាសនោះទេរហូតមកដល់ពេលនេះ។
នៅក្នុងកិច្ចប្រជុំអាស៊ាន +3 ដដែលនោះ ទេសាភិបាលធនាគារកណ្តាលចិន លោក Pan Gongsheng បានលើកឡើងពីសារៈសំខាន់ក្នុងការពង្រឹងគំនិតផ្តួចផ្តើមឈៀងម៉ៃ (CMI) ក៏ដូចជាបណ្តាញសុវត្ថិភាពហិរញ្ញវត្ថុក្នុងតំបន់។ លើសពីនេះ លោក Pan ក៏បានអំពាវនាវឲ្យសេដ្ឋកិច្ចក្នុងតំបន់រួបរួមគ្នាក្នុងការប្រឈមមុខនឹងការដំឡើងពន្ធរបស់អាម៉េរិក។
អ្នកវិភាគសេដ្ឋកិច្ចបានមើលឃើញថា កិច្ចប្រជុំនេះបានឆ្លុះបញ្ចាំងពីបំណងប្រាថ្នារួមគ្នាក្នុងចំណោមប្រជាជាតិអាស៊ាន ចិន ជប៉ុន និងកូរ៉េខាងត្បូង ដើម្បីរក្សាក្របខ័ណ្ឌសកលភាវូបនីយកម្មបច្ចុប្បន្ន ពោលគឺប្រព័ន្ធពាណិជ្ជកម្មពហុភាគីផ្អែកលើច្បាប់ WTO។ បន្ថែមពីនេះ គេព្យាករណ៍ថា ចិននឹងបើកទីផ្សាររបស់ខ្លួនបន្ថែមទៀតដល់សមាជិកអាស៊ាន ដើម្បីទូទាត់ផ្នែកខ្លះដែលបាត់បង់អ្នកប្រើប្រាស់អាម៉េរិក ក៏ដូចជាធ្វើការកាន់តែជិតស្និទ្ធជាមួយប្រទេសជប៉ុន និងកូរ៉េខាងត្បូង៕
Account
Security
Favourite Content