ឧបនាយករដ្ឋមន្ត្រី សាយ សំអាល់ គាំទ្រវិនិយោគិនវៀតណាមពង្រីកពិពិធកម្មការកែច្នៃចំណីអាហារសម្រាប់សត្វ ឬប្រភេទនំផ្សេងៗផលិតចេញពីស្វាយចន្ទីកម្ពុជា

ភ្នំពេញ៖ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញពីការគាំទ្រវិនិយោគិនវៀតណាមពង្រីកនូវការធ្វើពិពិធកម្មមិន​ត្រឹមតែកៅស៊ូប៉ុណ្ណោះទេ ថែមទាំងអាចពង្រីកទៅផ្នែកផ្សេងៗទៀត ដូចជាការកែច្នៃចំណីអាហារសម្រាប់សត្វ ឬប្រភេទនំផ្សេងៗ ដែលផលិតចេញពីស្វាយចន្ទីកម្ពុជា និងប្តេជ្ញាបញ្ចប់នូវការងារចុះបញ្ជីដីធ្លីទាំងអស់សម្រាប់ក្រុមហ៊ុនវៀតណាមនៅកម្ពុជា។

ឯកឧត្តមឧបនាយករដ្ឋមន្ត្រី បានថ្លែងបែបនេះនៅក្នុងឱកាសអនុញ្ញាតឱ្យតំណាងសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជាចូលជួបសម្ដែងការគួរសម និងពិភាក្សាការងារនាព្រឹកថ្ងៃទី៥ ខែធ្នូ ឆ្នាំ២០២៣ នៅទីស្ដីការក្រសួង។

ក្នុងជំនួបនេះ តំណាងសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា បានលើកឡើងថា៖ បើទោះបីជានៅមានការលំបាកដែលកើតចេញពីវិបត្តិជំងឺកូវីដ១៩ យ៉ាងណាក្តី ក៏បណ្តាសមាជិកសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជា បានខិតខំប្រឹងប្រែងដើម្បីឱ្យទទួលបានទិន្នផលលើសផែនការកំណត់ចាប់ពី ៥% ទៅ ៧% ។ ជាមួយនេះ លោកបានឱ្យដឹងថា បច្ចុប្បន្ន ក៏មានសម្ព័ន្ធកែច្នៃចំណីអាហារពីកសិផល ចាប់អារម្មណ៍មកសិក្សាស្វែងយល់នៅខាងស្រុកភ្នំស្រួច ខេត្តកំពង់ស្ពឺ ដោយអាចនឹងបង្កើត​ជារោងចក្រកែច្នៃកសិផលនៅទីនោះផងដែរ។

សម្ព័ន្ធឧស្សាហកម្មកៅស៊ូវៀតណាមសង្ឃឹមថានៅពេលដែលសម្ព័ន្ធឧស្សាហកម្មរបស់វិនិយោគិនវៀតណាមមកបណ្ដាក់ទុន​វិនិយោគនៅលើទឹកដី​កម្ពុជា​នាពេលខាងមុខ នឹងទទួលបានការលើកទឹកចិត្ត និងការជួយជ្រោមជ្រែងពីឯកឧត្តមឧបនាយករដ្ឋមន្ត្រីជាបន្តទៀតនៅក្នុងអាណត្តិនៃរាជរដ្ឋាភិបាលថ្មី ដែលដឹកនាំដោយ​សម្ដេច​មហាបវរធិបតី ហ៊ុន ម៉ាណែត។

ជាការឆ្លើយតប ឯកឧត្តមឧបនាយករដ្ឋមន្ត្រី សាយ សំអាល់ បានចូលរួមអបអរសាទរចំពោះការសម្រេចបាននូវសមិទ្ធផលរបស់សម្ព័ន្ធឧស្សាហកម្ម​កៅស៊ូវៀតណាម​ប្រចាំកម្ពុជា ដែលសមិទ្ធផលទាំងនេះក៏ជួយបង្កើតការងារបានច្រើនដល់ប្រជាពលរដ្ឋកម្ពុជាផងដែរ។

ឯកឧត្តមបានចាត់ទុកថាការរីកចម្រើនរបស់វៀតណាមក៏ដូចជាការរីកចម្រើនរបស់កម្ពុជា។ សេដ្ឋកិច្ចរបស់កម្ពុជា និងវៀតណាមបានធ្វើសមាហរណកម្មជាមួយគ្នាយ៉ាងច្រើន ហើយវិស័យពាណិជ្ជកម្មរវាងប្រទេសទាំងពីរក៏មានការកើនឡើងពីមួយឆ្នាំទៅមួយឆ្នាំផងដែរ។

ដោយសារសម្ព័ន្ធឧស្សាហកម្មកៅស៊ូវៀតណាមប្រចាំកម្ពុជាមានរចនាសម្ព័ន្ធច្បាស់លាស់ និងមានការដឹកនាំត្រឹមត្រូវនោះ ឯកឧត្តមឧបនាយករដ្ឋមន្ត្រី សាយ សំអាល់ យល់ឃើញថាជារឿងល្អដែលក្រុមហ៊ុនវៀតណាមគួរគិតគូរក្នុងការពង្រីកនូវការធ្វើពិពិធកម្មមិនត្រឹមតែកៅស៊ូប៉ុណ្ណោះទេ ថែមទាំងអាចពង្រីក​ទៅផ្នែកផ្សេងៗទៀតដូច​ជាការកែ​ច្នៃ​ចំណីអាហារសម្រាប់សត្វឬប្រភេទនំផ្សេងៗ ដែលផលិតចេញពីស្វាយចន្ទីផងដែរ។

នាឱកាសនោះ ឯកឧត្តមឧបនាយករដ្ឋមន្ត្រីបញ្ជាក់ថា យើងផ្ដោតសំខាន់ទៅលើសក្តានុពលរបស់ដីថាតើដីប្រភេទណាអាចប្រើប្រាស់សម្រាប់ធ្វើអ្វីបានខ្លះ ដើម្បីយើងអាច​រៀបចំទីក្រុងទៅតាមសក្តានុពលរបស់ដីឱ្យបានល្អ ហើយឯកឧត្តមឧបនាយករដ្ឋមន្ត្រីនឹងបញ្ចប់នូវការងារចុះបញ្ជីដីធ្លីទាំងអស់សម្រាប់ក្រុមហ៊ុនវៀតណាមនៅកម្ពុជា។

បច្ចុប្បន្ននេះ ឧស្សាហកម្មកៅស៊ូវៀតណាមត្រូវបានបែងចែកជា ៣តំបន់ធំៗនៅកម្ពុជា ហើយទិន្នផលកៅស៊ូដែលទទួលបានជាមធ្យមមានប្រមាណ ១៣ម៉ឺនតោនក្នុងមួយឆ្នាំ ហើយតាមផែនការដែលបានគ្រោងទុករហូតដល់ដំណាច់ខែធ្នូឆ្នាំ២០២៣នេះ ទិន្នផលនឹងអាចសម្រេចបានដល់ ១៤ម៉ឺនតោន ដែលស្មើនឹងប្រមាណ ៣៥% នៃទិន្នផលកៅស៊ូ​នាំចេញរបស់ព្រះរាជាណាចក្រកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ