សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទំនៀមទម្លាប់នៃការដាក់ឈ្មោះផ្កាអ័រគីដេរ ឬកេសរកូលតាមឈ្មោះថ្នាក់ដឹកនាំ និងបុគ្គលល្បីៗ គឺមានប្រភពចេញពីប្រទេសសិង្ហបុរី។ សួនផ្កាអ័រគីដេរជាតិរបស់ប្រទេសសិង្ហបុរី (National Orchid Garden at Singapore Botanic Gardens) គឺជាឬសគល់ចម្បងនៃការដាក់ឈ្មោះថ្នាក់ដឹកនាំ និងបុគ្គលល្បីៗ (VIPs) ដែលបានទៅទស្សនាសួនមួយនេះ។
រហូតមកដល់ពេលនេះមានបុគ្គលល្បីៗដូចជា អនុប្រធានាធិបតីអាមេរិក គឺលោកស្រី Kamala Harris លោក លី ក្វាន់យូ អតីតនាយករដ្ឋមន្ត្រីរបស់ប្រទេសសិង្ហបុរី ព្រះនាង Diana នៃប្រទេសអង់គ្លេស និងសម្ដេចព្រះនរោត្តមសីហនុ ព្រមទាំងសម្ដេចព្រះនរោត្តមសីហមុនីជាដើម សុទ្ធតែធ្លាប់បានទៅទស្សនានៅសួនរបស់សិង្ហបុរី និងមានផ្កាដែលប្រើប្រាស់ឈ្មោះរបស់ពួកគេផងដែរ។
នៅប្រទេសសិង្ហបុរី ត្រូវបានគេចាត់ទុកការដាក់ឈ្មោះផ្កាតាមឈ្មោះរបស់បុគ្គលល្បីៗនេះថាជា «អំណាចរបស់ផ្កា-Power Flower»។ រីឯផ្កាអ័រគីដេរចំពោះប្រទេសសិង្ហបុរីគឺតំណាងឱ្យបេតិកភណ្ឌពហុវប្បធម៌ ដូច្នេះគេប្រើប្រាស់ផ្កាតំណាងនេះដើម្បីរឹតបន្តឹងចំណងមិត្តភាព ក៏ដូចជាចំណងការទូតជាមួយនឹងប្រទេសដទៃទៀត។
សម្រាប់កម្ពុជា មកទល់ពេលនេះគឺប្រភេទផ្កាដែលយកឈ្មោះថ្នាក់ដឹកនាំដូចជា កេសរកូលព្រះបាទនរោត្តមសីហនុ កេសរកូលព្រះបាទនរោត្តមសីហមុនី និងកេសរកូលព្រះរាជនី ប៊ុនរ៉ានី ហ៊ុន សែន ជាដើម។ កេសរកូលទាំងនេះ បច្ចុប្បន្នក៏កំពុងតែស្ថិតនៅក្នុងមជ្ឈមណ្ឌលស្រាវជ្រាវ និងអភិរក្ស កេសរកូល សុខ អាន ភ្នំគូលេនផងដែរ។
បើតាមមន្ត្រីជំនាញពីការិល័យស្រាវជ្រាវជីវៈចម្រុះ គឺលោក ឈិន សុភា បានឱ្យដឹងថា រាល់ការដាក់ឈ្មោះផ្កាទៅតាមឈ្មោះថ្នាក់ដឹកនាំ គឺគេត្រូវបង្កាត់ពូជផ្កាពីរប្រភេទចូលគ្នាឱ្យចេញជាប្រភេទផ្កាថ្មីមួយទៀត ដែលមានពណ៌ប្លែកពីគេ និយាយជារួមគឺគេមិនយកផ្កាដែលមានដើមកំណើត មកពីព្រៃមកដាក់តាមឈ្មោះថ្នាក់ដឹកនាំនោះទេ។
លោកបន្តផងដែរថា ៖
“នៅប្រទេសសិង្ហបុរីគេមានលទ្ធភាពក្នុងការបង្កាត់ដោយសារគេមានធនធានគ្រប់គ្រាន់ ដូច្នោះហើយ វាមិនមែនជារឿងលំបាកទេ។ សម្រាប់កម្ពុជា លោកអះអាងថា គឺជាជំហានបន្ទាប់ដែលយើងនឹងធ្វើផងដែរ ប៉ុន្តែសម្រាប់បច្ចុប្បន្ននេះ យើងផ្ដោតលើការស្រាវជ្រាវរកកេសរកូលដែលមាន នៅលើទឹកដីកម្ពុជា ព្រមទាំងកំណត់អត្តសញ្ញាណផ្កាទាំងនោះឱ្យរួចរាល់សិន។ ម្យ៉ាងទៀត ការបង្កាត់ប្រភេទផ្កាចូលគ្នា គឺត្រូវការធនធានមនុស្សច្រើន ដើម្បីសិក្សាលើល័ក្ខខ័ណ្ឌ ជីវសាស្ត្ររបស់ផ្កានីមួយៗ ព្រោះថាមិនមែនគ្រប់ផ្កាអ័រគីដេរសុទ្ធតែអាចបង្កាត់ចូលគ្នាបាននោះទេ”៕
Account
Security
Favourite Content