សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា ប្រធានាធិបតីអាម៉េរិក លោក Donald Trump គ្រោងនឹងដាក់ពន្ធប្រហែល ១០០% លើគ្រឿងផ្គុំបន្ទះឈីប ឬ semiconductor ដែលនាំចូលពីបរទេស។
កាលពីថ្ងៃពុធ សប្ដាហ៍នេះ លោក Donald Trump បានប្រាប់អ្នកសារព័ត៌មានថា ៖
«អត្រាពន្ធថ្មីនឹងអនុវត្តចំពោះគ្រឿងផ្គុំបន្ទះឈីប ឬ semiconductor និងឧបករណ៍អេឡិចត្រូនិកទាំងអស់ដែលចូលមកក្នុងទឹកដីអាម៉េរិក ប៉ុន្តែនឹងមិនអនុវត្តចំពោះក្រុមហ៊ុនណាដែលកំពុងផលិតនៅអាម៉េរិក ឬ ប្តេជ្ញាផលិតនៅអាម៉េរិកនោះទេ។ ប្រសិនបើហេតុផលមួយចំនួន ដែលអ្នកនិយាយថានឹងសាងសង់នៅអាម៉េរិក ប៉ុន្តែបែរជាមិនសាងសង់វិញ នោះយើងដំឡើងពន្ធលើអ្នក»។
សូមបញ្ជាក់ថា សម្រាប់តែក្រុមហ៊ុនផលិតបន្ទះសៀគ្វីយក្សរបស់កោះតៃវ៉ាន់ TSMC ត្រូវបានលើកលែងពីពន្ធ ១០០% របស់ Trump ដោយសារតែក្រុមហ៊ុននេះមានរោងចក្រនៅអាម៉េរិក TSMC។ មិនត្រឹមតែប៉ុណ្ណោះ TSMC ផលិតបន្ទះឈីបសម្រាប់ក្រុមហ៊ុនបច្ចេកវិទ្យាធំៗជាច្រើនរបស់អាម៉េរិក ហើយពួកគេគ្រោងនឹងវិនិយោគរាប់រយពាន់លានដុល្លារបន្ថែមទៀតលើបន្ទះឈីប និងគ្រឿងអេឡិចត្រូនិចដែលផលិតនៅអាម៉េរិកក្នុងរយៈពេល ៤ ឆ្នាំខាងមុខ។ លើសពីនេះ បន្ទះឈីបរបស់ក្រុមហ៊ុនកូរ៉េខាងត្បូង Samsung Electronics និង SK Hynix នឹងមិនជាប់ពន្ធ ១០០% របស់អាម៉េរិកផងដែរ ។ ក្រុមហ៊ុន Samsung បានវិនិយោគលើរោងចក្រផលិតបន្ទះឈីបចំនួនពីរនៅ Austin និង Taylor រដ្ឋតិចសាស់ ខណៈដែលក្រុមហ៊ុន SK Hynix ប្រកាសពីគម្រោងសាងសង់រោងចក្រវេចខ្ចប់បន្ទះឈីបកម្រិតខ្ពស់ និងកន្លែងស្រាវជ្រាវ និងអភិវឌ្ឍន៍សម្រាប់ផលិតផល AI នៅក្នុងរដ្ឋ Indiana ។
Martin Chorzempa អ្នកជំនាញសេដ្ឋកិច្ចអន្តរជាតិជាន់ខ្ពស់បានលើកឡើងថា ៖
«ការផលិតបន្ទះឈីបត្រូវបានវិនិយោគជាច្រើននៅក្នុងអាម៉េរិក ដែលក្រុមហ៊ុនបរទេសភាគច្រើននឹងត្រូវបានលើកលែង ខណៈដែលបន្ទះឈីបដែលផលិតនៅក្នុងប្រទេសចិននឹងមិនត្រូវបានលើកលែងនោះទេ នៅពេលដែលនាំចូលក្នុងទីផ្សារអាម៉េរិក»។
មិនត្រឹមតែប៉ុណ្ណោះ ប្រទេសផលិតបន្ទះឈីបមួយចំនួនដូចជា កូរ៉េខាងត្បូង និងជប៉ុន ក៏ដូចជាសហភាពអឺរ៉ុប បានឈានដល់កិច្ចព្រមព្រៀងពាណិជ្ជកម្មជាមួយអាម៉េរិក ដែលអាចផ្តល់នូវអត្ថប្រយោជន៍ឱ្យពួកគេ។ សហភាពអឺរ៉ុបយល់ព្រមលើអត្រាពន្ធ ១៥% សម្រាប់ការនាំចេញរួមមាន រថយន្ត បន្ទះសៀគ្វី និងឱសថទៅកាន់អាម៉េរិក ខណៈដែលកូរ៉េខាងត្បូង និងជប៉ុនក៏ទទួលបានអត្រាពន្ធ ១៥% ដូចគ្នានេះផងដែរ៕
Account
Security
Favourite Content