សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី WSJ បានរាយការណ៍ថា ធនាគារកណ្តាលអាម៉េរិក បានរក្សាអត្រាការប្រាក់នៅដដែលជាលើកទី៤ ខណៈដែលស្ថានភាពសេដ្ឋកិច្ចរបស់អាម៉េរិកនៅមិនទាន់មានភាពច្បាស់លាស់ និងការមិនចុះសម្រុងគ្នាជាមួយសេតវិមាន។
កាលពីថ្ងៃពុធ ប្រធានធនាគារកណ្តាលអាម៉េរិក លោក Jerome Powell បាននិយាយអំពីការសម្រេចចិត្តចំពោះគោលនយោបាយ និងទស្សនវិស័យសេដ្ឋកិច្ច ជាមួយនឹងជំហររឹងមាំដើម្បីឆ្លើយតបទៅនឹងតម្រូវការណាមួយក្នុងការកែសម្រួលអត្រាការប្រាក់។ ធនាគារកណ្តាលអាម៉េរិកមិនបានកាត់បន្ថយអត្រាការប្រាក់អស់រយៈពេលជាច្រើនខែមកហើយ ដោយលើកឡើងពីភាពមិនច្បាស់លាស់សេដ្ឋកិច្ចដែលកំពុងកើនឡើង។ កាលពីខែធ្នូ គឺជាពេលវេលាដែលធនាគារកណ្តាលកាត់បន្ថយអត្រាចុងក្រោយបំផុតដែលមានអត្រាចន្លោះពី ៤,២៥% ទៅ ៤,៥% ហើយអត្រានេះអាចនឹងត្រូវបានរក្សានៅដដែល។
ទោះបីជាទីផ្សារការងារមានភាពប្រសើរជាងមុន និងមិនមែនជាប្រភពនៃសម្ពាធអតិផរណាក៏ដោយ ប៉ុន្តែ Fed ចង់បន្តរក្សាអត្រាការប្រាក់ថេរនៅពេលនេះជាជាងកាត់បន្ថយ ដោយសារភាពមិនច្បាស់លាស់មកពីផលប៉ះពាល់នៃពន្ធ។ លោក Powell ព្យាករណ៍ថា អត្រាអតិផរណាអាចនឹងកើនឡើងក្នុងប៉ុន្មានខែខាងមុខនេះ ប៉ុន្តែធនាគារកណ្តាល Fed ត្រៀមវិធានការរយៈពេលខ្លីសម្រាប់ទប់ទល់ការកើនឡើងនៃអតិផរណាដែលរំពឹងទុក។ ក្រោយពីមានការអធិប្បាយពី Powell តម្លៃភាគហ៊ុនបានកើនឡើង។
យ៉ាងណាមិញ អ្នកបង្កើតគោលនយោបាយរបស់ Fed កំពុងមានភាពស្មុគស្មាញ ខណៈដែលប្រធានាធិបតី Donald Trump នៅតែជំរុញឱ្យកាត់បន្ថយអត្រាការប្រាក់ និងរិះគន់ប្រធានធនាគារកណ្តាលអាម៉េរិក Jerome Powell។ Trump ត្អូញត្អែរម្តងហើយម្តងទៀតថា អត្រាការប្រាក់គួរតែត្រូវបានកាត់បន្ថយ ប៉ុន្តែលោក Powell បានសង្កត់ធ្ងន់ថាធនាគារកណ្តាលកំពុងឃ្លាំមើលទិន្នន័យឲ្យបានដិតដល់ ដើម្បីតាមដានមើលភាពទន់ខ្សោយដែលមិនទាន់មកដល់។ ទន្ទឹមនឹងនេះ តម្លៃថាមពលកាន់តែឡើងថ្លៃ ខណៈដែលអ្នកសេដ្ឋកិច្ចព្រួយបារម្ភថាពន្ធគយរបស់ Trump អាចជំរុញឱ្យអតិផរណាកើនឡើង។ រហូតមកដល់ពេលនេះ ទិន្នន័យអតិផរណាបានទប់ទល់នឹងការភ័យខ្លាច ដោយសន្ទស្សន៍តម្លៃទំនិញប្រើប្រាស់បានបង្ហាញពីការឡើងចុះក្នុងខែឧសភា៕
Account
Security
Favourite Content