សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា ប្រធានាធិបតីសហរដ្ឋអាម៉េរិក Donald Trump គំរាមចិនជាមួយនឹងការយកពន្ធបន្ថែមចំនួន ៥០ ភាគរយលើទំនិញនាំចូល ប្រសិនបើចិនមិនព្រមដកវិធានការតបតរបស់ខ្លួនចេញ។
កាលពីថ្ងៃសុក្រ ចិនបានដាក់ចេញនូវវិធានការសងសឹកដោយដាក់ពន្ធតបតឲ្យភាពស្មើរគ្នា ៣៤ ភាគរយលើទំនិញដែលនាំចូលពីអាម៉េរិក ហើយនឹងចូលជាធរមាននៅថ្ងៃទី ១០ ខែមេសាខាងមុខនេះ។ នៅថ្ងៃអង្គារ៍នេះ Donald Trump គំរាមយកពន្ធ ៥០ ភាគរយលើទំនិញចិនដែលនាំចូលសហរដ្ឋអាម៉េរិក ប្រសិនបើទីក្រុងប៉េកាំងមិនព្រមដកផែនការប្រឆាំងពន្ធរបស់ខ្លួនចេញ។ ប្រសិនបើ Trump អនុវត្តពន្ធ ៥០ ភាគរយនេះពិតមែន នោះក្រុមហ៊ុនអាម៉េរិកដែលនាំយកទំនិញមួយចំនួនពីប្រទេសចិនអាចប្រឈមនឹងការបង់ពន្ធ ១០៤ ភាគរយ ដោយសារពន្ធ ២០ ភាគរយលើទំនិញចិនបានដាក់នៅក្នុងខែមីនារួចហើយ និងពន្ធបន្ថែមទៀត ៣៤ ភាគរយដែលបានប្រកាសកាលពីសប្តាហ៍មុន។ Trump លើកឡើងថា ប្រទេសចិនបានដាក់ចេញនូវវិធានការតបតរបស់ខ្លួន ទោះបីជាលោកព្រមានថាប្រទេសណាដែលសងសឹកប្រឆាំងនឹងសហរដ្ឋអាម៉េរិកវិញ នោះនឹងត្រូវប្រឈមជាមួយការបន្ថែមពន្ធថ្មីដែលមានអត្រាខ្ពស់ជាងមុន។
ជាការឆ្លើយតប ទីក្រុងប៉េកាំងតបតវិញថា ការគាបសង្កត់ ឬ គំរាមកំហែងប្រទេសចិនមិនមែនជាដំណើរការសមរម្យនោះទេ។ អ្នកនាំពាក្យស្ថានទូតចិន លោក Liu Pengyu បាននិយាយនៅក្នុងសេចក្តីថ្លែងការណ៍មួយថា ចលនាអនុវត្តរបស់សហរដ្ឋអាមេរិកតាមរយៈការឆ្លើយតបទៅវិញទៅមកឲ្យមានភាពស្មើគ្នា គឺជាការបម្រើផលប្រយោជន៍អាត្មានិយមរបស់ខ្លួនក្នុងចំណោមផលប្រយោជន៍ស្របច្បាប់របស់ប្រទេសដទៃ ហើយដាក់ ‘America first’ មុនច្បាប់អន្តរជាតិនេះគឺជាចលនានៃរបៀបឯកតោភាគីនិយម គាំពារនិយម និងការគំរាមកំហែងផ្នែកសេដ្ឋកិច្ច។
ទន្ទឹមនឹងនេះ ភាពតានតឹងរវាងសហរដ្ឋអាមេរិក និងចិន កាន់តែក្តៅគគុកបានបង្កើនការភ័យខ្លាចនៃសង្គ្រាមពាណិជ្ជកម្មពិភពលោក។ លើសពីនេះ ពន្ធនឹងក្លាយជាអ្នកវាយប្រហារដ៏ធំដល់អ្នកផលិតរបស់ប្រទេសចិន ខណៈដែលអាម៉េរិកជាទីផ្សារសំខាន់សម្រាប់ការនាំចេញ។ មិនត្រឹមតែប៉ុណ្ណោះ ភាពមិនច្បាស់លាស់ជុំវិញពន្ធ និងការដាក់ពន្ធសងសឹកគ្នាទៅវិញទៅមកបង្កឲ្យមានភាពច្របូកច្របល់លើទីផ្សារភាគហ៊ុនសកល និងធ្លាក់ចុះដល់កម្រិតទាប។ ចាប់តាំងពី Trump បានប្រកាសពន្ធថ្មីលើការនាំចូលពីប្រទេសជាច្រើនកាលពីសប្តាហ៍មុន តម្លៃនៃទីផ្សារភាគហ៊ុនរបស់អាម៉េរិក ជប៉ុន ហុងកុង និងអឺរ៉ុបបានធ្លាក់ចុះយ៉ាងខ្លាំង៕
Account
Security
Favourite Content